राष्ट्र बैंक २ अर्ब ९२ करोड लगानी गर्दै : प्रस्ताव पठाउन बैंक तथा वित्तीय संस्थाहरुलाई आह्वान

ललितपुर । नेपाल राष्ट्र बैंक, वित्त व्यवस्थापन विभागले विभिन्न वाणिज्य बैंक, विकास बैंक तथा वित्तीय संस्थाहरुमा १ वर्षका लागि मुद्दती निक्षेपमा रकम राख्ने तयारी गरेको छ । राष्ट्र बैंकले कुल २ अर्ब ९२ करोड रकम विभिन्न वाणिज्य बैंक, विकासक बैंक र वित्त कम्पनीहरुमा राख्न प्रस्ताव खुला गरेको हो । यो लगानी सन् २०२५ अगस्ट ११ देखि २०२६ अगस्ट ११ सम्म ३६६ दिनका लागि हुनेछ ।

बैंकको यस किसिमको प्रस्ताव अन्तर्गत, “क” वर्गका वाणिज्य बैंक, “ख” वर्गका विकास बैंक र “ग” वर्गका वित्त कम्पनीहरुलाई तोकिएको रकमको लागि प्रतिष्पर्धात्मक प्रस्ताव पेश गर्न आह्वान गरेको छ ।

जसअनुसार “क” वर्गका वाणिज्य बैंकलाई २ अर्ब ३४ करोड, “ख” वर्गका राष्ट्रियस्तरका विकास बैंक ४३ करोड ६७ लाख र “ग” वर्गका राष्ट्रियस्तरका वित्त कम्पनी १४ करोड ६२ लाख मुद्दती निक्षेपका लागि राष्ट्र बैंकले लगानीका लागि सीमा छुट्टयाएको छ ।

यसका लागि राष्ट्र बैंकले लगानी प्रश्तावका शर्तहरू समेत तोकेको छ । बैंक तथा वित्तीय संस्थाहरुका लागि तोकिएका त्यस्ता सर्तहरुमा प्रस्ताव पेश गर्न चाहने बैंक तथा वित्तीय संस्थाले नेपाल राष्ट्र बैंकको वेबसाइटमा प्रकाशित सूचना तथा यसमा उल्लेख गरिएका सम्पूर्ण शर्तहरू पूरा गर्नुपर्ने छ ।

नेपाल राष्ट्र बैंकका अनुसार आइतबारसम्म अर्थात् साउन ११ गतेसम्म विभिन्न कोषहरूमा उपलब्ध रकमलाई राष्ट्र बैंकले लगानी गर्ने उद्देश्यले उक्त प्रस्ताव राखेको हो । यसमा इच्छुक विभिन्न वाणिज्य बैंक, विकास बैंक तथा वित्तीय संस्थाहरूले तोकिएको ढाँचामा आवश्यक विवरणहरू भरेर इमेलमार्फत पठाउनु पर्नेछ । प्रस्ताव पेश गर्ने अन्तिम म्याद साउन १५ गते राति १२ बजेसम्मलाई तोकिएको राष्ट्र बैंकले जारी गरेको सूचनामा उल्लेख छ ।

थप समाचारहरु

यस्तो छ आजका लागि विदेशी मुद्राको विनिमयदर बैंकिङ प्रणालीमा निरन्तर तरलता, राष्ट्र बैंकले आज ३० अर्ब तान्दै सहकारीलाई वाणिज्य बैंक सरह सुपरीवेक्षण गरिने आजका लागि निर्धारित विदेशी मुद्राको विनिमय दर आइतबारका लागि निर्धारित विदेशी मुद्राको विनिमयदर नेपाल बैंकका सञ्चालक सम्पर्कविहीन, अख्तियारमा हाजिर हुन सात दिने म्याद राष्ट्र बैंकद्वारा पूर्वबजेटकालीन समीक्षा प्रतिवेदन अर्थ मन्त्रालयमा पेस अर्थ मन्त्रालयमा गभर्नर सिफारिस समिति बैठक एटीएममा नोटको अभाव, ६ वर्षदेखि छापिएका छैनन् एक हजार र पाँच सयका नोट २२ वटा समस्याग्रस्त सहकारीको ३ अर्ब ७१ करोड ६६ लाख रुपैयाँ फिर्ता तथा मिलान आगामी आवको मौद्रिक नीतिबारे योजना आयोग उपाध्यक्ष र राष्ट्र बैंकका गर्भनरबीच छलफल राष्ट्र बैंकले जारी गर्यो चेक अनादर सम्बन्धी कार्यविधि  आगामी वर्षको मौद्रिक नीति आज सार्वजनिक हुँदै, नयाँ बैंकको लाइसेन्स खोलिने‍ नयाँ बैंक नोट प्रकाशनको लागि चित्र र आकार स्वीकृत: साउन १६ लाई राष्ट्रिय कोदो दिवसका रूपमा मनाइने राष्ट्र बैंकले ५० दरका नयाँ नोट छाप्ने बैंकिङ प्रणालीबाट राष्ट्र बैंकले आज फेरि ४० अर्ब रुपैयाँ तान्दै पाँच बैंकले गरे चौथो त्रैमासिक वित्तीय विवरण प्रकाशित, कुनको नाफा कति ? २ करोड ८५ लाख रुपैयाँ हिनामिना गरेको आरोपमा महालक्ष्मी बैंकका चार कर्मचारी पक्राउ