अशक्त र ज्येष्ठ नागरिकलाई राष्ट्रिय परिचयपत्र अनिवार्य छैन

ललितपुर । राष्ट्रिय परिचयपत्र तथा पञ्जीकरण विभागले बालबालिका, आफ्नो हेरचाह आफैँ गर्न नसक्ने अशक्त, असहाय वा ९० वर्षभन्दा माथिको ज्येष्ठ नागरिकका हकमा राष्ट्रिय परिचयपत्र नभए पनि सेवा लिन कुनै बाधा नपर्ने प्रावधानको पुनःस्मरण गराएको छ ।

विभिन्न स्थानीय तहले परिचयपत्र अनिवार्य रहेको भन्दै सेवा प्रवाहमा कठिनाइ भएको बताउँदै आएपछि विभागले उक्त प्रावधान स्मरण गराएको हो । सामाजिक सुरक्षा भत्ता प्राप्त गर्ने प्रयोजनका लागि ज्येष्ठ नागरिकले दुःख पाएको तथा अशक्तलाई पनि अनिवार्य रुपमा राष्ट्रिय परिचयपत्र नम्बर आवश्यक रहेको भन्ने गुनासो पछि विभागले थप स्पष्ट पारेको हो ।

सरकारले २०८१ असार २० गते नेपाल राजपत्रमा सूचना प्रकाशित गरी विभिन्न सार्वजनिक सेवामा राष्ट्रिय परिचयपत्र वा राष्ट्रिय परिचयपत्र नम्बर अनिवार्य गरेको थियो । सामाजिक सुरक्षा भत्ता, बिमा निवृत्तिभरण, राजस्व, सवारी चालक अनुमतिपत्र, कम्पनी दर्ता, बैंकिङ तथा वित्तीय सेवा, टेलिफोन तथा सिमकार्ड, सामाजिक सुरक्षा कोष र घरजग्गा कारोबारमा परिचयपत्र अनिवार्य गरिएको छ ।

विभिन्न स्थानीय तह, सेवा प्रदायक निकायबाट अशक्त तथा ज्येष्ठ नागरिकलाई राष्ट्रिय परिचयपत्र नम्बर माग गरिएको र सोका लागि कष्टपूर्वक सेवा इकाइमा पुग्न परेको भन्ने सूचना र गुनासो प्राप्त भएकाले विभागले सोमबार एक सूचनामार्फत स्पष्ट पारेको विभागका निर्देशक मुकेशकुमार केशरीले जानकारी दिएका छन् । 

थप समाचारहरु

सिटिजन्स क्यापिटल लि.को लाभांस क्षमतामा वृद्धि ग्लोबल आइएमई बैंकको प्रमुख कार्यकारी अधिकृत सुरेन्द्रराज रेग्मीद्वारा पदभार ग्रहण ज्योति विकास बैंकका ग्राहकलाई “लुगा सुगा टेडस्” मा २२ प्रतिशत सम्मको आकर्षक छुट ‘रानीजमरा कुलरिया सिँचाइ आयोजना छिट्टै सम्पन्न हुन्छ’ पढ्दै कमाउँदै कार्यक्रम प्रति विद्यार्थीको आकर्षण शंखरापुर नगरपालिकाको जहरसिंपौवा युवा क्लबले फुटबल प्रतियोगिता आयोजना गर्दै प्रभु बैंक भिजा लिडरसीप कनक्लेभ नेपाल २०२४ अन्तर्गत् दुई बिधामा सम्मानित क्षतिग्रस्त सडक तथा पुलबाट यातायात सञ्चालन गर्न दुई अर्ब ५० करोड लाग्ने “महालक्ष्मी स्मार्ट साथी” सञ्चालनमा विद्युत् प्राधिकरणले महसुल नबुझाउने ४९ उद्योगको लाइन काट्यो दीपक मनाङे ज्यान मार्ने उद्योगमा दोषी ठहर संसदीय समितिको निष्कर्ष : द्रुतमार्गको प्रगति सोचेभन्दा राम्रो जर्मनीले नेपाललाई विद्युत् वितरण सुदृढीकरणका लागि १ अर्ब ४६ करोड अनुदान दिने इरान–इजरायल युद्ध तत्काल ‘पछि नफर्कने’ बिन्दुमा पुगेको एर्दोगानको भनाइ विद्यार्थीलाई सेनाव्दारा‘एनसीसी’ तालिम पाकिस्तान र इरानबाट एकै दिन सात हजारभन्दा बढी अफगान शरणार्थी स्वदेश फिर्ता ‘सीमा क्षेत्रमा दुवै देशका सरकारले विशेष व्यवस्था गर्नुपर्छ’ पोर्चुगलका पूर्वप्रधानमन्त्रीमाथि भ्रष्टाचारको अभियोगमा मुद्दा दर्ता