आगामी बजेटमा हिमाल देख्न पाइयोस्’– महामन्त्री शर्मा

ललितपुर । नेपाली कांग्रेसका महामन्त्री विश्वप्रकाश शर्माले आउन लागेको आगामी बजेटमा हिमालका मुद्दा समेटिने अपेक्षा गरेका छन् । सगरमाथा क्षेत्रबाट फर्किएपछि प्रधानमन्त्री केपी शर्मा ओलीलाई पत्र लेख्दै शर्माले आगामी बजेटमा हिमाललाई न्याय दिनु पर्ने धारणा व्यक्त गरेका छन् ।

उनले प्रधानमन्त्री केपी शर्मा ओलीलाई भरिया बिमा, व्यावसायिक आरोहीलाई पेन्सन, बेस क्याम्पमा सरकारी टावर स्थापना, सगरमाथामा प्रविधि र सरकारको पँहुच, ट्रेकिङ रुट नमासी सडक बनाउने, थुक्लामा यसै वर्ष झोलुङ्गे पुल बनाउने विषय समेट्न आग्रह गरेका छन् । ‘हिमाली जीवन, हिमाली पर्यटन र सरकारसँगको अपेक्षा’सँग सम्बन्धित पत्रमा महामन्त्री शर्माले सो आग्रह गरेका हुन् ।

यसअघि महामन्त्री शर्माले सगरमाथा आधार शिविरबाट प्रधानमन्त्री ओलीलाई ‘जलवायु परिवर्तन र न्यायः नेपालले गर्नुपर्छ नेतृत्व’ विषयसम्बन्धी पहिलो पत्र लेखेका थिए । उनले सोलुखुम्बुको लुक्लादेखि बेस क्याम्पसम्म र बेस क्याम्पदेखि ‘क्याम्प ३’ को नजिकसम्म पुग्दैगर्दा उनले त्यहाँ आफूले देखेका समस्या, अभाव र चुनौती बारेमा प्रधानमन्त्री ओलीलाई पत्रमार्फत अवगत गराएको जानकारी दिए।

महामन्त्री शर्माले सगरमाथा र अन्य सबै हिमाललाई जलवायु परिवर्तनको चपेटाबाट जोगाउने सङ्कल्पसाथ सुरु ‘सगरमाथा संवाद’ विस्तारित गरेर नेपालले यो ‘एजेन्डा’मा विश्वस्तरीय नेतृत्व लिनुपर्ने उल्लेख गरेका छन् ।

“अविलम्ब निर्देशन होस्, बजेट निर्माण गर्दा तराई मधेस, पहाड सबै सन्तुलन मिलाउनु नै पर्छ तर त्यो मिलाइरहँदा हिमालले न्याय पाइन भन्ने अवस्था नआओस्, यो बजेटमा हिमाल देख्न पाइयोस्”। महामन्त्री शर्माको पत्रमा उल्लेख छ ।

थप समाचारहरु

नयाँ एनटर्क रेस एक्सपी ब्ल्याक सार्वजनिक यस्तो छ आजको विदेशी मुद्राको विनिमयदर भारत सरकारको अनुदान सहयोगमा निर्माण हुने १० वटा परियोजनाको समझदारी पत्रमा हस्ताक्षर नयाँ वर्ष २०८२ को अवसरमा गरिमा विकास बैंकका ग्राहकहरुलाई दराजबाट सामान खरिद गर्दा १५% छुट यस्तो छ आजका लागि विदेशी मुद्राको विनिमयदर सुनको मूल्य २ लाखको नजिक सुनको मूल्य तोलाको २ लाख नजिक, कति पुग्यो आज ? बिहीबारका लागि निर्धारित विदेशी मुद्राको विनिमयदर दिगो लगानीको लागि एनएमबि बैंकको पहल : आइएफसी र मेटलाइफसँग साझेदारी तोलामा ४ हजारभन्दा बढीले घट्यो सुन आजका लागि निर्धारित विदेशी मुद्राको विनिमयदर वाणिज्य विभागद्धारा चार व्यापारिक फर्मलाई जरिवाना चालु आर्थिक वर्षको नौ महिनाको अवधिमा नेपाल टेलिकमको नाफा ४८ प्रतिशतले घट्यो निजगढ अन्तर्राष्ट्रिय विमानस्थल निर्माण अगाडि बढाउने घोषणा सुनका गरगहनामा लगाएको २ प्रतिशत बिलासिता कर फिर्ता लिन माग आजदेखि धरहरा १२ घण्टा खुल्ने वैदेशिक रोजगारीमा ठगिएकाको ५५ लाख फिर्ता एकवर्षमा सर्वोत्तम सिमेन्टले कमायो १ अर्ब खुद नाफा