उत्कृष्ट करदाता सम्मानित

राष्ट्रिय कर दिवस–२०८२ का अवसरमा उत्कृष्ट करदातालाई सम्मानित गरिएको छ । आन्तरिक राजस्व विभागले आज एक कार्यक्रमबीच आर्थिक वर्ष २०८०/ ८१ को आय विवरणअनुसार क्षेत्रगत रुपमा सबैभन्दा बढी कर तिर्ने करदातालाई सम्मानित गरेको हो । सबैभन्दा बढी आयकर दाखिला गर्ने कम्पनीका रुपमा नेपाल दुरसञ्चार प्राधिकरण सम्मानित भएको छ ।

त्यस्तै, एकलौटी फर्ममध्ये सबैभन्दा बढी आयकर दाखिला गर्ने थर्ड आई इण्टरनेशनल, वस्तु निर्यातको कारोवार गर्नेमध्ये सबैभन्दा बढी आयकर दाखिला गर्ने डावर नेपाल प्रालि, सूचना प्रविधि सम्बन्धी सेवामा सबैभन्दा बढी आयकर दाखिला गर्ने ओरिक्स नेपाल प्रालि र कृषि एवं पशुपंक्षीजन्य उद्योगमध्ये गर्ने मध्ये पोषक ब्रिडर फार्म प्रालिलाई सम्मानित गरिएको हो । त्यस्तै, बैंकिङ र बीमा संस्थातर्फ नेपाल इन्भेस्टमेन्ट मेगा बैंक लिमिटेड, स्वास्थ्य तथा शैक्षिक संस्थातर्फ नोबेल मेडिकल कलेज टिचिङ हस्पिटल, पर्यटन व्यवसायतर्फ सोल्टी होटल लिमिटेड, वस्तु व्यापार गर्ने संस्थातर्फ भाटभटेनी सुपर मार्केट, ऊर्जामूलक उद्योगतर्फ भोटेकोशी पावर कम्पनी प्रालि, रेमिट्यान्स तथा मनी कारोबार गर्ने संस्थामा आईएमई लिमिटेड सम्मानित भएको हो । व्यक्तिगत आयकरतर्फ सबैभन्दा बढी कर तिर्ने राजबहादुर शाहलाई सम्मानित गरिएको छ ।

वार्षिक कारोबारका आधारमा रू ५० करोडदेखि रू एक अर्बसम्मको कारोबार गर्नेमा सिडिएस एण्ड क्लियरिङ लिमिटेड र रू ५० करोडसम्मको कारोबार गर्ने संस्थाका रूपमा भिएफ सर्भिसेज प्रालिलाई सम्मानित गरिएको छ । त्यस्तै, २०७६ सालदेखि २०८२ सालसम्म नियमित रूपमा सबैभन्दा बढी मुल्यअभिवृद्धि कर दाखिला गर्ने कम्पनीका रूपमा नेपाल दूरसन्चार कम्पनी लिमिटेड, विशेष उद्योगतर्फ सबैभन्दा बढी कर तिर्ने युनीलिभर नेपाललाई उत्कृष्ट करदाताका रूपमा सम्मान गरिएको छ । गतवर्ष सर्वोत्कृष्ट कार्य सम्पादन गर्ने आन्तरिक राजस्व कार्यालय बाग्लुङलाई सम्मानित गरिएको छ ।

थप समाचारहरु

सिटिजन्स बैंकद्वारा बेबी लाईफ होमलाई आर्थिक सहयोग श्रम स्वीकृति लिएर वैदेशिक रोजगारमा गएका कामदारलाई रोजगार बोर्डले सहयोग गर्ने सगरमाथा लुम्बिनी इन्स्योरेन्सको लाभांश घोषणा नेपालको कूल सार्वजनिक ऋण २६ खर्ब बढि बैंकहरूको वर्गीकरणको विषयमा छलफल भइरहेको छ – गभर्नर पौडेल आगामी आवको मौद्रिक नीतिको अन्तिम तयारी गर्दै राष्ट्र बैंक आज बजारबाट ५० अर्ब निक्षेप खिच्दै राष्ट्र बैंक बजार मूल्यभन्दा महँगो हुँदै सुन, भोलिदेखि २ प्रतिशत विलासिता कर जोडिने भौतिक पूर्वाधारमन्त्रीको एक वर्षः पुँजीगत खर्च छ वर्षयताकै बढी आन्तरिक ऋण उठाउने कार्यतालिका सार्वजनिक सुनचाँदीको मूल्यमा भारी गिरावट, कतिमा हुँदैछ कारोबार ? आजका लागि निर्धारित विदेशी मुद्राको विनिमयदर अर्थ र स्वास्थ्य मन्त्रालयबीच बजेट कार्यान्वयनबारे छलफल, २१ सय जनशक्ति थप्न प्रस्ताव सुनको मूल्यमा अप्रत्यासित वृद्धि, बनायो नयाँ रेकर्ड दशैंको दिनबाहेक अन्य सार्वजनिक बिदामा बैंक खुला रहने बैंकिङ प्रणालीबाट ४० अर्ब खिच्दै राष्ट्र बैंक तीन महिनामा १८ प्रतिशत बजेट खर्च एडिपीको साधारणसभा सम्पन्न, गैर आवासीय नेपाली लगानीकर्तालाई समेट्नुपर्नेमा जोड