२०८२ भाद्र १५ | Aug 31, 2025

काेइरालाले गरे श्रेष्ठको नियात्रा संग्रह ‘यात्राको तस्बिर’ लाेकार्पण ।

BusinessPati बिजनेस पाटी
|
२०८२ जेष्ठ ५
|
51 views

काठमाडौं । नेपाली कांग्रेसका नेता एवम् संसद डा. शशांक कोइरालाले लेखक तथा साहित्यकार श्रीराम श्रेष्ठद्वारा लिखित नियात्रा सङ्ग्रह ‘यात्राको तस्बिर’को लोकर्पण गरेका छन् ।

महाराजगञ्ज स्थित निवासमा एक कार्यक्रमका बीच श्रेष्ठले नियात्रा सङ्ग्रहको विमोचन गरेका हुन् । उनले विभिन्न क्षेत्रको भ्रमणका क्रममा देखे भोगेका अनुभव अनुभूतिहरुलाई नियात्राको रुपमा तयार पारिएका १७ शीर्षकका नियात्रा ‘यात्राको तस्बिर’ भित्र प्रस्तुत गरिएको छ , ‘यात्राको तस्बिर’ श्रेष्ठका २७ औं प्रकाशित कृति हो ।

यसअघि पहिलो नियात्रा सङ्ग्रह ‘अनुभूति अनेक–२०७०,’ प्रकाशित थियो । उक्त कृति नुवाकोट साहित्य प्रतिष्ठानले प्रकाशन गरेको हो । नुवाकोटको विदुरमा वि।सं २०३१ सालमा जन्मिएका श्रेष्ठको हालसम्म केही नियात्रा सङ्ग्रह, जीवनी सङ्ग्रह, कविता, समीक्षा, अनुसन्धानात्मक पुस्तकका साथै जापानिज साहित्यका हाइकु, तान्का, कटौता, सेदोका, डोडोइट्सु, मन्डो र कोरियन साहित्यका सिजो जस्ता विधाका अधिक पुस्तकहरु प्रकाशित छन् ।

फेसबुकबाट तपाईको प्रतिक्रिया

Advertisement