किशोर किशोरी डिजिटल पार्क सञ्चालन हुने, मन्त्रालयद्वारा २५ लाख बजेट विनियोजन

ललितपुर । किशोर किशोरीको यौन तथा प्रजनन् स्वास्थ्यसम्बन्धी सुरक्षित व्यवहार प्रवद्र्धन गर्ने उद्देश्यले बागमती प्रदेश स्वस्थ्य मन्त्रालयले यसवर्षदेखि नमूनाका रुपमा ‘किशोर किशोरी डिजिटल पार्क’ सञ्चालन गर्ने भएको छ । यसका लागि मन्त्रालयले २५ लाख रुपैयाँ बजेटन विनियोजन गरेको हो ।

बामगती प्रदेश स्वास्थ्य मन्त्री किरण थापा मगरले आइतबार सञ्चारकर्मीलाई यसबारेमा जानकारी दिँदै किशोर किशोरीको यौन तथा प्रजनन् स्वास्थ्यलाई सुरक्षित गर्ने मूल उद्देश्यले पार्क सञ्चालन गर्न लागिएको जानकारी दिएका छन्।

पछिल्लो समय नेपालमा किशोर किशारीमा असुरक्षित यौन सम्बन्ध, असुरक्षित गर्भपतन, यौन रोगको प्रकोप बढ्दै गएको अबस्थामा सुरक्षित यौन तथा प्रजनन स्वास्थ्यसम्बन्धी शिक्षा आजको आवश्यकता महसुस गर्दै डिजिटल पार्कको अवधारणा ल्याइएको हो । त्यसैले यसैवर्षदेखि स्थानीय पालिकासँगको समन्वय र साझेदारीमा उक्त कार्यक्रम कार्यान्वयनमा ल्याउन लागेको मन्त्री थापाले बताए ।

उनका अनुसार किशोर किशोरीमा यौनिकता र शरीरको विकासका क्रममा देखिने परिवर्तन, रजस्वला र स्वच्छता, बाल विवाह, जवर्जस्ती करणी, र सुरक्षित प्रजनन स्वास्थ्य, धूम्रपान तथा मद्यपानका असरहरू, यौन दुव्र्यबहार, सचेतनाकाबारेमा विशेषज्ञ विचार, तथ्य र समाधानसम्बन्धी पडकास्टहरूको निर्माण गर्ने, डिजिटल बोर्डमार्फत किशोरकिशोरी जमघट हुने पार्कमा डिजिटल पार्क सञ्चालन गरिनेछ ।

यस्तै, बागमती प्रदेश स्वास्थ्य मन्त्रालयका सचिव डा. सुमित्रा गौतमले किशोर किशोरीको शारीरिक र मानसिक विकासमा र उचित परामर्श एवं सन्देश प्रवाह गर्ने गरी देशभरमै पहिलो पटक मन्त्रालयले यो कार्यक्रम ल्याएको जानकारी दिए । वागमती प्रदेश स्वास्थ्य निर्देशनालयको महातहतमा सञ्चालनमा आउने यस कार्यक्रमका लागि मन्त्रालयले रु २५ लाख बजेट विनियोजन गरको छ । कार्यक्रम सम्बन्धित पालिकाको साझेदारी र समन्वयमा कार्यान्वयन हुने निर्देशनालयका निर्देशक डा नरेन्द्र झाले जानकारी दिए ।

उनले यस कार्यक्रम लागू हुने पार्कमा यौन तथा प्रजनन् स्वास्थ्यसँग सम्बन्धित डिजिटल जानकारीका सहज पहुँच हुने कोठा, हल, बाल, बेलसेप कोठा, एडल्सेन्ट हेल्थ रूम, डिजिटल डिस्प्ले राखे ठाउँ, पोस्टर डिस्प्ले वाललगायतका संरचनाको निर्माण गर्ने र किशोर किशोरीका लागि उपयुक्त एनिमेटेड भिडियोहरू, इन्फोग्राफिक्स र पोस्टरहरूको विकास गरी सन्देशहरु, बृत्तचित्रहरु र सन्देशमूलक साना भिडियोहरु प्रशारण गरिने बताए ।

प्रविधिको अधिकतम प्रयोग गरी स्मार्ट टिभी तथा स्क्रिन, यूपिएस, इन्टरनेट सेवाका साथै प्रतिक्रियाका लागि क्यूआर कोड सिस्टमको प्रयोग गर्दै सुरक्षित सामग्री प्रविधिहरू व्यवस्थापन गरिनेछ । निर्देशक झाले किशोर किशोरी बढी जमघट हुने सदर चिडियाखाना, त्रिभुवन पार्क, फन पार्क जस्ता पार्कलाई रोज्ने र यो कार्यक्रम हेटौडा वा काठमाडौँको कनै एक पालिकामा सञ्चालन गर्ने गरी पालिका छनोट भइरहेको समेत जानकारी दिएका छन् ।

थप समाचारहरु

मेडिकल सहायतासहित २२ सदस्यीय नेपाली टोली म्यानमार प्रस्थान आईएनसीको आयोजनामा क्यान्सर सचेतना र सम्मान समारोह सम्पन्न उपत्यकाको वायु प्रदुषणमा क्रमिक सुधार प्रधानमन्त्रीद्वारा झापाको गौरादहस्थित नगर अस्पतालको शिलान्यास आईसीयूमा रहेकी एयरहोस्टेसमाथि यौन दुर्व्यवहार मदन भण्डारी स्वास्थ्य विज्ञान प्रतिष्ठानको बोर्ड तोडमोडमा संलग्न सबैको रिहाइ स्वास्थ्य विज्ञान विश्वविद्यालय विधेयक’ प्रतिनिधिसभाबाट पारित विश्वभर प्रोस्टेट क्यान्सरका केसहरू बढ्दै : प्रोस्टेट हुँदा लजाउने र लुकाउने हैन डाक्टरसंग जचाउने हो -डाक्टर चन्द्र शेखर यादव (भिडियो) स्वास्थ्य क्षेत्रलाई व्यवस्थित बनाउने प्रयत्नमा मन्त्री पौडेल ३७ प्रकारका औषधि चार अस्पतालबाट निःशुल्क रूपमा उपलब्ध हुने चिकित्सक सङ्घले दियो पुनः आन्दोलनको चेतावनी जीवनशैली, वातावरणीय असर र प्रविधिको अत्यधिक प्रयोगका कारण सुक्खा आँखाको समस्या बढ्दो नेशनल मेडिकल कलेज शिक्षण अस्पताल शुक्रबारदेखि सञ्चालनमा : प्रारम्भिक चरणमा निःशुल्क ओपीडी सेवा हरिसिद्धिको  जल : आँखा तथा कान उपचार केन्द्रले दशै अघि पचास भन्दा बढीको आँखाको शल्यक्रिया गर्ने  स्वास्थ्य विज्ञान प्रतिष्ठानका नव नियुक्त उपकुलपतिहरूले लिए शपथ : पाटनका उपकुलपतिलाई प्रतिष्ठानमा भव्य स्वागत  पानीजन्य रोग बढ्न सक्ने भएकाले सचेत रहन स्वास्थ्य मन्त्रालयको आग्रह आरोग्य स्वास्थ्य सदनद्वारा विश्व बाथरोग दिवसका अवसरमा सेवाग्राहीलाई निःशुल्क फिजियो थेरापी सेवा (भिडियो रिर्पोट) यस्ता सात प्रकारका रोग लागेकाले पाउँदैनन् अमेरिकाको भिसा