जेनजीको प्रदर्शनलाई महानगरको सहयोग, प्रदर्शनस्थलमा राखिदियो घुम्ती शौचालय

ललितपुर। आजको जेनजीको प्रदर्शनलाई काठमाडौं महानगरपालिकाले समर्थन गरेको छ । आज माइतीघरमा भइरहेको जेन जीको प्रदर्शनस्थलमा काठमाडौं महानगरपालिकाले घुम्ती शौचालय राखिदिएको छ ।

त्यसो त काठमाडौं महानगरपालिकाका मेयर बालेन्द्र शाहले आफू जेन जीको पक्षमा रहेको बताउँदै आएका छन् । प्रदर्शनलाई समर्थन जनाउँदै प्रदर्शनकारीको सुविधाका लागि र महानगरको सरसफाइलाई ध्यानमा राखेर सामाजिक सञ्जाल बन्द गराउने सरकारको निर्णय र भ्रष्टाचारविरुद्ध माइतीघर मण्डलामा भेला भएर प्रदर्शन गरिरहेकाहरुको लागि महानगरपालिकाले निःशुल्क प्रयोग गर्न मिल्ने घुम्ती शौचालय राखिदिएको हो ।

आज १३ देखि २६ वर्ष उमेर समूहका किशोर किशोरीहरु देशमा विद्यमान भ्रष्टाचार, बेथिति र सामाजिक सन्जाल बन्द विरुद्ध नारा लगाउँदै प्रदर्शन गरिरहेका छन् ।

स्कुल र कलेजको ड्रेसमै राष्ट्रिय झण्डा बोकेर विद्यार्थीहरु सडकमा ओर्लिए छन् । उनीहरूले विभिन्न नारा लेखिएका प्लेकार्ड हातमा बोके र गीत गाइरहेका छन् ।

‘असन्तुष्टि चरम छ, नेताको गोजी गरम छ’, ‘जेनजी चिच्याउँछ, भ्रष्टहरूलाई गिज्याउँछ’, ‘कता हिंडेको ट्याक्स लुटेर ?’, ‘स्वतन्त्र आवाज हाम्रो अधिकार’, स्टप करप्सन लगायतका नारा लेखेका प्लेकार्ड बोकेर जेन जीले प्रदर्शन गरिरहेका छन् ।

प्रदर्शनको क्रममा रुख बिरुवा नभाँच्ने, सार्वजनिक सम्पत्ति नष्ट नगर्ने, आगजनी, तोडफोड नगर्ने, धाकधम्की नदिने, सभ्य र जिम्मेवार भएर प्रस्तुत हुने, नागरिक अधिकार र स्वतन्त्रताको पक्षमा उभिने प्रतिबद्धता समेत जनाएका छन् ।

काठमाडौं लगायत रुपन्देही, दाङ, पोखरा लगायतका विभिन्न जिल्लाहरूमा पनि जेन जीले प्रदर्शन गरिरहेका छन् ।

थप समाचारहरु

यस्तो छ समाजवादी मोर्चाको विरोध सभाको रुट अलैँचीको भाउ तेब्बर बढ्यो एनएमबि बैंकको २८ औं बार्षिक साधारण सभा सम्पन्न घट्यो सुनको मूल्य, आज कतिमा हुँदैछ कारोबार ? गण्डकीको पुरानो भलिबल एकेडेमी फर्काउने कप्तान अरुणाको योजना आजका लागि निर्धारित विदेशी मुद्राको विनिमयदर यस्तो छ यस्तो छ आज लागि निर्धारित विदेशी मुद्राको विनिमय दर आजको तरकारी र फलफुलको मूल्य रवीन्द्र मिश्र र धवल शम्सेरलाई थुनामा राख्नु प्रजातन्त्र र मानव अधिकारको मान्यता विपरीत : पशुपति शम्शेर राणा कानूती साक्षरता अभियानले अपराध न्यूनीकरणमा सहयोग गर्छ : बिष्णु गिरी बूढीगण्डकी प्रभावित करिव ८० रोपनी जग्गाको मुआब्जा निर्धारण आईएमई लाइफ इन्स्योरेन्सले नियुक्त गर्यो सरल सावाधिक सद्भावना दुत २०२५ बाख्रा पालनमा अब्बल बन्दै वालिङ नगरपालिका कञ्चनपुर–कमला सडक विस्तारः लहानको सहिद स्मारक स्थानान्तरण गरिने हात्तीवनमा भयानक कार दुर्घटना, कारमा सवार तीनजना सख्त घाइते खानेपानी मन्त्रालय र कर्णाली प्रदेश जलस्रोत मन्त्रालयबीच सम्झौता सर्वोच्च अदालतको मुख्य रजिष्ट्रारमा पौडेल नियुक्त स्वास्थ्य विज्ञान प्रतिष्ठानका नव नियुक्त उपकुलपतिहरूले लिए शपथ : पाटनका उपकुलपतिलाई प्रतिष्ठानमा भव्य स्वागत