ठगी कसुरमा पक्राउ परेका दीपेन्द्र अग्रवाल ४९ लाख धरौटीमा छुटे

ललितपुर । पुस ४ गते ठगी कसुरमा पक्राउ परेका सेयर कारोबारी दीपेन्द्र अग्रवाल ४९ लाख १९ हजार ८६५ रुपैयाँ धरौटी बुझाएर छुटेका छन्। उनलाई केन्द्रीय अनुसन्धान ब्युरो (सिआइबी) ले ठगी कसुरमा पक्राउ गरेको थियो।

सिआइबीका अनुसार अग्रवाललाई मुलुकी फौजदारी कार्यविधि संहिता, २०७४ को दफा १५ अनुसार धरौटीमा छाडिएको हो। उक्त कानुनी व्यवस्थाले अनुसन्धान अधिकारीलाई सरकारी वकिलको सहमतिमा वा कारणसहितको पर्चा खडा गरेर हिरासतमा रहेका व्यक्तिलाई धरौटी वा जमानतमा छाड्न सक्ने अधिकार दिन्छ।

यसअघि नेपाल धितोपत्र बोर्डले दिएको उजुरीका आधारमा अग्रवाललाई पक्राउ गरिएको थियो। बोर्डको प्रारम्भिक प्रतिवेदनअनुसार उनले जोशी हाइड्रोपावर डेभलपमेन्ट कम्पनी लिमिटेडको सेयर खरिद गर्दा भ्रामक सूचना सार्वजनिक गरेका थिए। धितोपत्रसम्बन्धी ऐन, २०६४ को दफा ९७ (ग) अनुसार उनले बदनीयतसाथ तथ्य लुकाएर झूटा विवरण प्रस्तुत गरेको आरोप उनीमाथि छ ।

शेयर कारोवारी अग्रवालले अन्य टिएमएस प्रयोगकर्तामार्फत आपसी खरिदबिक्री गरी वास्तविक स्वामित्व नबदलिने कारोबार गरेको र यसरी करिब ४९ लाख रुपैयाँ कानुन विपरीत नाफा कमाएको आरोप छ। साथै, उनले कर्पोरेट डेभलपमेन्ट बैंकको सेयर मूल्य कृत्रिम रूपमा बढाएको पनि प्रतिवेदनमा उल्लेख छ।

यस्तै नेपाल धितोपत्र बोर्डले दफा ९४ र ९५ अनुसार झूटो कारोबार र मूल्य प्रभावित पार्ने अपराध गरेको देखिएको भन्दै प्रहरीलाई कारबाहीको सिफारिस गरेको थियो। यसअघि पनि अग्रवाललाई ठगी कसुरमा पक्राउ गरिएको इतिहास छ।

थप समाचारहरु

नेप्सेको सीईओमा नारदकुमार लुइँटेल नियुक्त एनआईसी एशिया बैंक ऋणपत्र निष्काशन गर्दै ज्योति विकास बैंकको संस्थापक शेयर बिक्रीमा क्रेस्ट माइक्रो लाइफ इन्स्योरेन्स लिमिटेडको साधारण शेयर सूचीकरण कुमारी बैंकको १ लाख ९२ हजार ६४१ कित्ता संस्थापक शेयर बिक्रीमा प्रि ओपन सेसनमै करिव २ अंकले घट्यो नेप्से रिलायबल समृद्धि योजनाको इकाई खरिदका लागि आवेदन दिने समय आज सकिदै पियोर इनर्जी लिमिटेडको आईपीओ बाँडफाँड सिवाईसी नेपाल लघुवित्तको प्रतिशेयर आम्दानी बढ्यो सेयर बजारको विकृति अन्त्यका लागि आक्रामक बन्दा सेबोन अध्यक्षको पद धरापमा प्रि ओपन सेसनमा बुधबार करिब ३५ अंक बढ्यो नेप्से शेयर अड लट कारोबारको व्यवस्था गरिँदै, १ देखि ९ कित्तासम्मको शेयर किनबेच सहज हुने औषधी कम्पनीले साधारण शेयर बिक्री गर्दै नेप्से परिसूचकमा दोहोरो अङ्कको सुधार धितोपत्र ब्रोकर कम्पनीले चुक्ता पूँजी पुर्‍याउनु पर्ने समय थप धितोपत्र बोर्डमा कर्मचारी आवश्यकता, असोज ९ गतेसम्म आवेदन दिन सकिने नेशनल वायोटेकले गर्यो दोस्रो वार्षिक साधारणसभा आह्वान माउन्टेन इनर्जी नेपालको बाह्रौं वार्षिक साधारणसभा सम्पन्न, २१.०५२६ प्रतिशत लाभांश पारित