तत्काल मेलम्ची खानेपानीको अवरोध हटाउन मन्त्री घिसिङद्धारा गाउँपालिका अध्यक्षलाई आग्रह

ललितपुर । चार दिनदेखि काठमाडौं उपत्यकामा मेलम्चीको पानी आउन बन्द भएपछि ऊर्जा, जलस्रोत तथा सिंचाइ, भौतिक पूर्वाधार तथा यातायात र शहरी विकासमन्त्री कुलमान घिसिङले पानीको अवरोध हटाइदिन हेलम्बु गाउँपालिकाका अध्यक्षलाई आग्रह गरेका छन् ।
उनले वार्ता र छलफलबाट माग सम्बोधन गरिने आवश्वासन दिँद तत्काल मेलम्ची खानेपानी आयोजनाको मुहान क्षेत्रमा भइरहेको अवरोध हटाउन आवश्यक पहल गरिदिन हेलम्बु गाउँपालिकाका अध्यक्ष निमा ग्याल्जेन शेर्पालाई आग्रह गरेका हुन् ।

गत २०८१ असोज महिनामा हेलम्बु गाउँपालिकाका स्थानीयसँग तत्कालीन सरकारले गरेको सहमति कार्यान्वयन गरिनु पर्ने भन्दै आयोजना प्रभावितले मुहान बन्द गर्दा काठमाडौं उपत्यकाकामा खानेपानी आउने रोकिएको विषयलाई लिएर आज मन्त्री घिसिङले हेलम्बु गाउँपालिकाका अध्यक्ष निमा ग्याल्जेन शेर्पालाई समस्या समाधानका लागि आवश्यक पहल र सहयोग गरिदिन आग्रह गरेका हुन्।

आयोजना प्रभावितका समस्याको सुनुवाइ हुने र समस्याको समाधान वार्ता र छलफलबाट गरिने आवश्वासन दिँदै मन्त्री घिसिङले तत्काललाई अवरोध हटाइदिन शेर्पासमक्ष आग्रह गरेका हुन् । प्रधामन्त्री शुशीला कार्कीले सोमबार मेलम्ची खानेपानीमा देखिएको समस्या समाधान गर्न निर्देशन दिएसँगै घिसिङले पालिका अध्यक्ष शेर्पालाई भेटेका हुन् । हाल खानेपानी मन्त्रालयका जिम्मेवारी प्रधानमन्त्री कार्कीले नै सम्हालेकी छिन् ।

विगतमा गरिएका सहमति र हाल राखिएका माग वार्ता र छलफलबाट समाधान गर्न सरकार तयार रहेको उल्लेख गर्दै मन्त्री घिसिङले मेलम्चीबाट पानी आउन बन्द हुँदा काठमाडौं उपत्यकामा खानेपानीको समस्या देखिन थालिसकेकाले यसमा गम्भीर बनिदिन आग्रह गरे। उनले समास्या समाधान गरी जतिसक्दो छिटो काठमाडौं उपत्यकामा खानेपानी ल्याउन सरकार लागिपरेको बताए।

उपत्यकामा देखिएको खानेपानीको समस्या जतिसक्दो छिटो समाधान गर्न सरकार लागि परेको र यस जटिल परिस्थितिमा सबैले आ–आफ्नो तर्फबाट सहयोग गरिदिनुुहुन समेत आग्रह मन्त्री घिसिङले आग्रह गरेका छन् ।

त्यसैगरी हेलम्बु गाउँपालिकाका अध्यक्ष शेर्पाले भने विगतमा गरिएका सम्झौता सरकारले कार्यान्वयन गर्नुपर्ने बताए। आयोजनाले लिएको जग्गा तथा घरभाडा, विगतको निर्माण व्यवसायी सिएमसीका सामान आपूर्तिकर्ता पाउनु पर्ने रकम भुक्तानी गर्नु पर्ने, मेलम्ची बजारदेखि–मेलम्ची घ्याङसम्मको सडक निर्माण गरिनुपर्ने, मेलम्ची नदीबाट पथान्तरण पछि सुन्दरीजलमा प्राप्त हुने पानीको परिमाणका आधारमा काठमाडौं उपत्यकाका खानेपानी लिले बिक्री गरेबापतको २५ प्रतिशत हेलम्बु गाउँपालिकाको विकासका लागि उपलब्ध गराउनु पर्ने बताए ।

मुहान क्षेत्रका बासिन्दाको माग पुरा नहुँदा उपत्यकामा ४ दिनदेखि मेलम्चीको उपत्यकामा पथान्तरण रोकिएको छ ।

थप समाचारहरु

निराधार समाचारप्रति सिबिफिनको गम्भीर ध्यानाकर्षण टोड्केमा ढकमक्क लालीगुराँस फुलेपछि… चैत अन्तिम साता ललितपुर इन्टरनेशनल ट्रेड एक्स्पो २०२४ बराहक्षेत्रमा कुम्भमेला : तीस लाख पर्यटक भित्र्याउने लक्ष्य सानिमा बैंकको दराजसंग “नव बर्ष उत्सव” योजनाका लागि सहकार्य वैशाख १ देखि ठमेल २४ सैँ घण्टा खुल्ने, व्यवसायी उत्साहित आगामी १५ बर्षमा बाध्यकारी वैदेशिक रोजगारीको अन्त्य गरिनेछ : श्रममन्त्री अर्याल तेस्रो लगानी सम्मेलन आज हुँदै, ९ खर्ब बराबरका एक सय ५१ परियोजना प्रस्तुत गरिँदै जलवायु परिवर्तनको कारक हरितगृह ग्यास उत्सर्जनमा हाम्रो भूमिका छैन : प्रधानमन्त्री खानेपानी मन्त्री यादवद्धारा सिंहदरबारमा मेलम्चीको शुद्ध खानेपानी वितरण कार्यको शुभारम्भ रविको रिटमा आदेश आउदै- सर्वोच्च र रुपन्देही कारागार अगाडि कार्यकर्ताको भिड तस्लीम अन्सारीमाथि भएको अन्याय विरुद्ध संघीय गणतान्त्रिक मोर्चाले आन्दोलन गर्ने सरकारद्वारा सामाजिक सञ्जालको प्रयोगलाई व्यवस्थित गर्ने निर्णय ललितपुर तयारी पोशाक व्यापार सङ्घको अध्यक्षमा शेर बहादुर : गीत गाउँदा सबै छक्क ( भिडियो) नेपाली संस्कृति र सम्पदा हाम्रो शान, पहिचान र वैभव : राष्ट्रपति पौडेल जेनजी प्रतिनिधिहरू वार्तामा बस्दै संवैधानिक दायराभित्र रहेर निकास दिने प्रयास भइरहेको राष्ट्रपतीको भनाई विघटित प्रतिनिधिसभाका ८ वटा राजनीतिक दलहरूद्वारा प्रतिनिधिसभा पुनःस्थपनाको माग