दशैंको मुखमा १५ हजार रोजगारी प्रभावित, उद्योग व्यवसायमा करिव ३६ अर्बको क्षति : सीएनआई

ललितपुर । गत भदौ २३ गते भएको जेनजीको प्रदर्शन र त्यसको भोलिपल्ट २४ गतेको आन्दोलनको क्रममा भएको तोडफोड र आगजनीबाट देशका विभिन्न ठाउँमा करिव १५ हजार रोजगारी प्रभावित भएको प्रारम्भिक अनुमान छ । क्षतिको विवरण संकलन गर्ने क्रममा २४ गतेको तोडफोडबाट नेपाल उद्योग परिसंघ (सीएनआई) मातहतका उद्योग व्यवसायमा मात्र करिब ३६ अर्ब रुपैयाँ बराबरको क्षति प्रारम्भिक अनुमान गरिएको हो ।

यसअन्तर्गत विभिन्न होटल सुपरमार्केट, कम्पनी लगायत अन्य व्यवसायमा ध्वस्त हुँदा देशले ठूलो नोक्सानी व्यवहोर्नु परेको छ । तर, क्षतिको विवरण आउने क्रम जारी रहेको र मूल्यांकनको काम भइरहेकाले क्षतिको संख्या र रकम अझै बढ्ने अनुमान गरिएको सीएनआईले जनाएको छ ।

२५ गते को आन्दोलनबाट मुलुकभर सञ्चालनमा रहेका ती उद्योग व्यवसायमा क्षति पुग्दा करिब साढे १५ हजार रोजगारी प्रत्यक्ष प्रभावित भएको प्रारम्भिक सीएनआईको प्रारम्भिक अनुमान छ । परिसंघअन्तर्गत केन्द्रमा ३ सय ५० साना तथा मझौला उद्यमी सदस्य रहेका छन् भने मुलुकभर करिब ७ हजार सदस्य छन् ।

प्रर्दशनपछिको आन्दोलनका क्रममा धेरैलाई रोजगारी दिँदै आएको भाटभटेनी सुपरमार्केटले सबैभन्दा बढी क्षति व्यहोरेको छ । मुलुकभर जम्मा २१ वटा भाटभटेनी सञ्चालनमा आएकामा २१ वटामा क्षति पुगेको छ । तीमध्ये १२ वटा पूर्णरुपमा ध्वस्त भएका छन् र ती तत्काल सञ्चालनमा आउने अवस्थामा छैनन् । बाँकी ९ वटामा भने तोडफोड भएको छ । तिनलाई भने चाँडै सञ्चालनमा ल्याउने तयारी भइरहेको छ । हाल भाटभटेनी सुपरमार्केटमा कार्यरत करिव १० हजारको संख्यामा रोजगारी गुमेको छ ।

यस्तै, रोजगारी प्रदान गरिरहेका होटेल तथा पर्यटन क्षेत्र, चौधरी ग्रुप, चन्द्रागिरी केवलकार, मौलाकालीका केबलकारलगायत संस्थाले प्रदान गरेको रोजगारीको संख्यालाई मात्र पहिलोचरणमा गणना गरिएको हो । यसरी हेर्दा देशका थुप्रै उद्योग व्यवसाय, व्यापारिक मलमा नराम्ररी क्षति पुगेकाले प्रत्यक्ष रूपमा रोजगारी प्रभावित हुने संख्या अझै बढ्न सक्ने देखिन्छ ।

त्यसैगरी होटल संघ नेपाल (हान)को पछिल्लो तथ्यांकअनुसार नेपालका विभिन्न होटलहरुमा पुगेको क्षतिका कारण अन्य करिव दुई हजारको संख्यामा रोजगारी प्रभावित भएको बताएको छ । आन्दोनलका क्रममा करिब २५ होटलले आक्रमणबाट क्षति खेप्नुपरेको र दुई हजार कर्मचारी तथा कामदारको जागिर प्रभावित भएको प्रारम्भिक अनुमान हानले गरेको छ ।

थप समाचारहरु

अन्नपूर्ण क्षेत्रमा पदयात्री पर्यटकको चहलपहल सुन–चाँदीको मूल्यमा निरन्तर गिरावट नबिल बैंकलाई प्रधानमन्त्रीद्वारा नेपाल उद्योग वाणिज्य महासंघको ५९औँ वार्षिक साधारणसभा कार्यक्रममा सम्मानित उत्पादनमा जोड्न महिलालाई बाख्राका पाठी र बोका वितरण घट्यो सुन–चाँदीको मूल्य, कतिमा हुँदैछ कारोबार ? सुन तोलामा ७ हजार ५०० ले सस्तियो यस्तो रह्यो आजका लागि निर्धारित विदेशी मुद्राको विनिमयदर सुनको मूल्यमा सामान्य वृद्धि, चाँदी स्थिर गभर्नर छनोट सिफारिस समितिमा महाप्रसाद अधिकारी भन्सार विधेयक राष्ट्रियसभाबाट पारित सबै प्रकारका भुक्तानी अनिवार्य रूपमा विद्युतीय प्रणालीमार्फत गर्नूः अर्थ मन्त्रालय आज देखि नयाँ आर्थिक बर्ष सुरु राष्ट्र बैंकद्वारा नयाँ व्यवस्था लागू, विदेश यात्र गर्नु अगाडि अनिवार्य बैंक खाता खोल्नुपर्ने सुनको मूल्यले बनायो नयाँ रेकर्ड, कतिमा हुँदैछ कारोबार ? सुनको मूल्यमा सामान्य गिरावट, आज कतिमा हुँदैछ कारोबार ? चालु आवको पहिलो महिनाः सरकारको आम्दानी ८५ अर्ब, खर्च ४६ अर्ब समयमा इम्बोस्ड नम्बर प्लेट जडान नहुँदा झन्डै ३ अर्ब ९१ करोड घाटा हुने, मन्त्री दाहाल सुनको मूल्य तोलाकै २ लाख १० हजारभन्दा माथि