भैरहवाबाट अलपत्र यात्रु ल्याउन वायुसेवा निगमको विमान उड्यो

ललितपुर । भैरहवामा अलपत्र यात्रुको चार्टर्ड उडानमार्फत काठमाडौँ ल्याउन भनी नेपाल वायुसेवा निगम (नेपाल एयरलाइन्स) को ‘न्यारो बडी ए ३२०’ विमान त्यसतर्फ उडेको छ ।

काठमाडौँबाट ८३ यात्रु लिएर गएको ‘आरए १७३१’ उडान नम्बरको विमानले भैरहवास्थित गौतमबुद्ध अन्तरराष्ट्रिय विमानस्थलबाट १५१ यात्रु लिएर काठमाडौँ आउनेछ । यद्यपि यात्रु सङ्ख्या केही तलमाथि हुनसक्ने निगमले जनाएको छ । निगमले आरए १७३२ उडानमार्फत दिउँसो २ः४५ बजे काठमाडौँ उडानको तालिका बनाएको भए पनि निर्धारित समयभन्दा ढिलो उडेकाले समय लाग्ने जनाइएको छ । प्रधानमन्त्री सुशीला कार्कीको विशेष पहल र मुख्यसचिव एकनारायण अर्यालको समन्वयमा नेपाल वायुसेवा निगमको विमानमार्फत भैरहवा आसपासमा अलपत्र परेका यात्रुहरूलाई काठमाडौँ ल्याउन लागिएको हो ।

वायुसेवा निगमले उद्धार उडानमार्फत देशमा बाढी र पहिरोका कारण सिर्जित विषम परिस्थितिमा सरकारको विशेष निर्देशनबमोजिम आज एक उद्धार उडान गरिएको जनाएको छ । उक्त उडानमा काठमाडौँबाट रु पाँच हजार र भैरहवाबाट रु सात हजार भाडादर तोकिएको छ । त्रिभुवन अन्तरराष्ट्रिय विमानस्थका प्रवक्ता रिन्जी शेर्पाले आज मौसम अनुकूल रहेकाले नियमित रुपमा उडान सञ्चालन भइरहेको जानकारी दिए ।

उद्धार उडानमा अशक्त, ज्येष्ठ नागरिक बिरामी तथा अत्यावश्यक यात्रुलाई विशेष प्राथमिकता दिइने निगमले स्पष्ट गरेको छ । गौतमबुद्ध अन्तरराष्ट्रिय विमानस्थका महाप्रबन्धक प्रतापबाबु तिवारीका अनुसार भैरहवामा उल्लेख्य सङ्ख्याका यात्रु उडानको प्रतीक्षामा छन् ।

थप समाचारहरु

अप्रत्यासित रुपमा महंगियो सुन, कतिमा हुँदैछ कारोबार ? मेडिकल सहायतासहित २२ सदस्यीय नेपाली टोली म्यानमार प्रस्थान सुन–चाँदीको मूल्यमा निरन्तर गिरावट नबिल बैंकले ल्यायो ‘नबिल दिगो बचत खाता’ सान्भि इनर्जी बैशाख ५ देखि आईपीओ निष्काशन गर्दै अन्तरिक्षमा डेटा सेन्टर खोल्दै अमेरिकी कम्पनी सरकारद्वारा शिक्षकलाई आन्दोलन छाडेर विद्यालय फर्कन अनुरोध सुमना श्रेष्ठले दिइन् स्वपाको सहमहामन्त्री पदबाट राजीनामा मदन भण्डारी स्वास्थ्य विज्ञान प्रतिष्ठानको बोर्ड तोडमोडमा संलग्न सबैको रिहाइ बिजुलीबजारमा राप्रपले प्रदर्शन गर्दै प्रि ओपन सेसनमै करिव २ अंकले घट्यो नेप्से तीनकुने घटनाका मुख्य योजनाकार प्रसाईंमाथि ५ कसुरमा बयान सुरु चार महिनादेखि बन्द यारी नाका भन्सार कार्यालय पुनः सञ्चालनमा अवैध वित्तीय कारोवार गर्ने २१ जना पक्राउ पहिले बहस गरेका वरिष्ठ अधिवक्ता पन्तले नेपाललाई पुर्पक्षका लागि थुनामा पठाउन गरे माग शिक्षक कर्मचारीहरुको पेशागत सुरक्षाको माग गर्दै हिस्टुन आन्दोलनमा जाने मौसमजन्य विपद्बाट बच्न अत्यावश्यकबाहेक लामो यात्रा नगरौं : प्रधानमन्त्री काठमाडौंको ठमेलबाट २ केजी सुन र २४ लाख नगदसहित चिनियाँ नागरिक पक्राउ