भ्रष्टाचारविरुद्ध र सुशासनको पक्षमा काम गर्दा धम्क्याए पनि हामी डराउँदैनौँ : प्रधानमन्त्री कार्की

ललितपुर। प्रधानमन्त्री तथा परराष्ट्रमन्त्री सुशीला कार्कीले वर्तमान सरकार भ्रष्टाचारविरुद्ध र सुशासनको पक्षमा काम गर्न बनेको बताएकी छन् । उनले जेनजी आन्दोलको विषयम परिस्थितिमा बनेको वर्तमान सरकार चुनावी मात्र नभई सुशासनका लागि पनि बनेको बताएकी हुन् ।

प्रधानमन्त्री कार्कीले मंगलबार भ्रष्टाचारविरुद्धको २२ औँ अन्तर्राष्ट्रिय दिवसको अवसरमा सिंहदरबारमा आज आयोजित कार्यक्रमलाई सम्बोधन गर्दै यो सरकार भ्रष्टाचारविरुद्ध जुनसुकै हदसम्मको कठोर कदम चाल्न पनि तयार भएको र यसका बाबुजुत जस्तासुकै धम्की आए पनि नडराउने बताइन् ।

उनले भनिन्, ‘यो सरकार चुनावी सरकार मात्र होइन । सुशासनको माग राखी भएको जेन्जी आन्दोलनको जगमा बनेको सरकार हो । सरकारले नियमित कार्य सँगसँगै सुशासनका निमित्त तीव्र गतिमा काम गरिरहेको छ ।’ त्यसका लागि राज्य संयन्त्र क्रियाशील रहेको उनले बताइन् ।

प्रधानमन्त्री कार्कीले भनिन्, ‘जेनजीका माग र अपेक्षा बमोजिमका आशातीत उपलब्धि हासिल हुन समय लाग्ला तर भ्रष्टाचारविरुद्ध जुनसुकै हदसम्मको कठोर कदम चाल्न पनि सरकार पछि हट्ने छैन, यसका निम्ति राज्यका स्थापित संयन्त्र क्रियाशील भइसकेका छन् ।’

जेनजी आन्दोलनको जगबा बनेको बर्वमान सरकार आफैमा बलियो भएको र भ्रष्टाचारविरुद्ध र सुशासनको पक्षमा काम गर्दा कही कतैबाट धम्की आए पनि नडराउने स्पष्ट पारिन् । ‘यस दिशामा चालिएका कदमबाट अत्तालिएर कतिपय तत्वले प्रत्यक्ष वा परोक्षरुपमा धम्क्याए पनि हामी डराउँदैनौँ,’ उनले भनिन् ।

भ्रष्टाचारविरुद्धको २२ औँ अन्तर्राष्ट्रिय दिवसको अवसरमा बोल्दै प्रधानमन्त्री कार्कीले भ्रष्टाचारविरुद्ध र सुशासनको पक्षमा काम गर्न सम्बन्धित निकायका पदाधिकारी र राष्ट्र सेवकहरुलाई अलिकति विचलित नभई निर्धक्कसँग आफ्नो व्यक्तिगत तथा व्यावसायिक स्वतन्त्रता उपयोग गरी अघि बढ्न आग्रह गरेकी छन् ।

थप समाचारहरु

वैशाख महिनामा बस्ने प्रतिनिधिसभा बैठकको समयतालिका सार्वजनिक नागरिक उन्मुक्ति पार्टीका संरक्षक चौधरी पक्राउ आम नागरिकको सुरक्षाको प्रबन्ध गर्न सभामुख घिमिरेको ध्यानाकर्षण आज सङ्घीय संसद्का दुवै सदनको बैठक बस्दै सिटौलाद्वारा गृहमन्त्रीको बचाउ प्रतिनिधिसभाको बैठकमा आज चालु आर्थिक वर्षको आर्थिक सर्वेक्षण पेस हुँदै अग्निप्रसाद सापकोटाविरुद्ध अपहरण र हत्या प्रकरणमा अनुसन्धान गर्न प्रहरीलाई बाटो खुल्यो कार्यसूचीमा नै प्रवेश नगरी प्रतिनिधिसभा बैठक भोलि तीन बजेसम्मका लागि स्थगित तराई/मधेश द्रूतमार्ग छिट्टै सम्पन्न हुन्छ: प्रधानमन्त्री आज प्रतिनिधिसभाको बैठक बस्दै पूर्वराष्ट्रपति विद्यादेवी भण्डारीको निवासमा आगजनी सुशीला कार्की बनिन् देशको पहिलो महिला प्रधानमन्त्री सविता भण्डारी महान्यायाधिवक्तामा नियुक्त -करिव आधा दर्जन मन्त्री नियुक्त गर्ने तयारी मन्त्रिपरिषद्का २० निर्णय सार्वजनिक (पूर्णपाठ) महराविरुद्ध मुद्दा दर्ता-मंगलबारदेखि थुनछेक बहस नेकपा माओवादी र नेकपा समाजवादी लगायत नौ दलको एकता घोषणा मधेशका ७४ सांसदको हस्ताक्षर सहित दलहरु पुगे सर्वोच्च काँग्रेससहित सात दलका सांसदहरू आज पनि धर्नामा