रुस र इन्डोनेसियामा शक्तिशाली भूकम्प, सुनामीको जोखिम

ललितपुर । शुक्रबार बिहान रुसको सुदूर पूर्वी कामचटका प्रायद्वीप र इन्डोनेसियाको सेन्ट्रल पपुवा क्षेत्रमा शक्तिशाली भूकम्प आएपछि स्थानीय बासिन्दा आत्तिएका छन् । दुवै क्षेत्र प्रशान्त महासागरको ‘रिङ अफ फायर’ मा पर्ने भएकाले बारम्बार भूकम्पीय गतिविधिको सामना गर्दै आएका छन् ।

रूसमा ७.८ म्याग्निच्युडको भूकम्प कामचटका प्रायद्वीपको तटमा महसुस भएको अमेरिकी भूगर्भीय सर्वेक्षण ९युएसजिएस० ले जनाएको छ । राजधानी पेट्रोपाभ्लोभस्क–कामचाट्स्कीबाट एक सय २८ किलोमिटर पूर्वमा र १० किलोमिटर गहिराइमा आएको यो भूकम्पका कारण भवनहरू हल्लिएका थिए । रूसी जियोफिजिकल सेवाले यसलाई ७।४ म्याग्निच्युडको अनुमान गर्दै कम्तीमा पाँच वटा परकम्प आएको जनाएको छ ।

सामाजिक सञ्जालमा साझा गरिएका भिडियोहरूमा घरभित्रका फर्निचर, लाइट फिक्स्चर र सडकमा पार्क गरिएका कारसम्म हल्लिएको देखिन्छ ।

सुरुमा जारी गरिएको सुनामी चेतावनी केही घण्टापछि हटाइएको भए पनि अमेरिकी प्यासिफिक सुनामी वार्निङ सेन्टरले नजिकैको तटमा खतरनाक छालको सम्भावना रहेको चेतावनी दिएको थियो। “कामचटका बासिन्दाहरूको लचिलोपन फेरि एक पटक परीक्षण भइरहेको छ”, गभर्नर भ्लादिमिर सोलोदोभले टेलिग्राममार्फत प्रतिक्रिया दिँदै शान्त रहन आग्रह गर्नुभयो । हालसम्म क्षतिको कुनै रिपोर्ट छैन ।

यसैबीच, इन्डोनेसियाको सेन्ट्रल पपुवा प्रान्तमा पनि ६।१ म्याग्निच्युडको भूकम्प गएको युएसजिएसले जनाएको छ । नबिरे सहरबाट २८ किलोमिटर दक्षिणमा १० किलोमिटर गहिराइमा केन्द्रित भूकम्पलाई इन्डोनेसियाको बिएमकेजी एजेन्सीले भने ६।६ म्याग्निच्युड र २४ किलोमिटर गहिराइमा आएको बताएको छ ।

विशाल द्वीपसमूह राष्ट्र इन्डोनेसिया प्रशान्त ‘रिङ अफ फायर’ को सक्रिय टेक्टोनिक क्षेत्रमा पर्न जाने भएकाले बारम्बार शक्तिशाली भूकम्पको सामना गर्दै आएको छ ।

जापानदेखि दक्षिणपूर्व एशिया हुँदै प्रशान्त बेसिनभर फैलिएको यस भूगर्भीय चापका कारण इन्डोनेसिया र रूसका तटीय बासिन्दाहरू निरन्तर जोखिममा रहने गरेका छन् ।

थप समाचारहरु

सिङ्गापुरमा ८८ हजारभन्दा बढी नयाँ रोजगारी सिर्जना रुसको राष्ट्रपतिमा पुनः पुटिन श्रीलङ्काको पर्यटन आम्दानी ६६ प्रतिशतले बढ्यो दक्षिण अफ्रिकामा हुने जी–२० शिखर सम्मेलन अमेरिकी राष्ट्रपति ट्रम्प नजाने सुडानमा विद्रोही अर्धसैनिक समूहको आक्रमणमा ५६ जनाको मृत्यु फरक विधाका ६ जना महिला अन्तरिक्ष यात्रामा जाँदै भारत आतङ्कवादसँग कहिल्यै झुक्दैन : भारतीय गृहमन्त्री शाह रोबर्ट प्रिभोस्ट बने नयाँ पोप भारतको छत्तीसगढमा सडक दुर्घटना, कम्तीमा १३ जनाको मृत्यु शान्तिका लागि तयार नभएसम्म राष्ट्रपति पुटिनमाथि दबाव बढाइने : युरोपेली सङ्घ प्रमुख सिंगापुरको झण्डा बोकेको जहाजमा लागेको आगो नियन्त्रण बाहिर भारतको उत्तराखण्डमा हेलिकप्टर दुर्घटना, सबै यात्रुको मृत्यु फ्रान्सका पूर्वराष्ट्रपति सार्कोजी दोषी ठहरिएपछि सर्वोच्च सम्मान खोसियो आफ्ना नागरिकलाई जतिसक्दो चाँडो इजरायल छाड्न चीनको आग्रह ईरान–इजरायल युद्धविरामपछि स्थिति शान्त हुँदै, दुबै पक्षबाट गम्भीर प्रतिक्रिया एआई र हरित विकासमा सर्बियाको ऐतिहासिक लगानी विस्फोटक पदार्थ राखिएको हल्लापछि दिल्लीका केही विद्यालय परिसरमा प्रहरी तैनाथ इजरायलको आक्रमण परी गाजामा पाँच पत्रकारको मृत्यु