सर्वदलीय बैठकबाट विवाद टुङ्गिएसँगै वीरगञ्जमा ‘कर्फ्यू’ हटाइयो

ललितपुर । सर्वदलीय तथा सर्वपक्षीय बैठकले विगत केही दिनदेखि वीरगञ्जमा भइरहेको विरोध प्रदर्शन अबदेखि नगर्ने सहमति गराएको छ । जिल्ला प्रशासन कार्यालय पर्साको अगुवाइमा आज बसेको सर्वदलीय तथा सर्वपक्षीय बैठकले सहमति जुटाएसँगै सोमबारदेखि लगाइएको ‘कर्फ्यू’ पनि आज ३ः३० बजेदेखि हटाइएको छ । पर्साका प्रमुख जिल्ला अधिकारी भोला दाहालले अन्य मुलुक वा स्थानमा घटेका घटनालाई लिएर वीरगञ्जमा प्रदर्शन तथा आन्दोलन नगर्ने प्रतिबद्धता गरेसँगै कफ्र्यू हटाउने निर्णय भएको जानकारी दिएका छन् ।

सो बैठकले आन्दोलनरत पक्षले विरोध प्रदर्शन गर्नुअघि प्रमुख जिल्ला अधिकारीको अग्रिम अनुमति लिई प्रमुख जिल्ला अधिकारीसमक्ष ज्ञापनपत्र पेस गर्न जोड दिने, तत्पश्चात् मात्र आन्दोलनको कार्यक्रम सञ्चालन गर्ने निर्णय भएको बताइएको छ । प्रजिअ दाहालका अनुसार सो स्थायी सद्भाव संयन्त्रमा हिन्दू समुदायका तर्फबाट रञ्जित साह, रञ्जन सिंह रहनेछन् । त्यसैगरी, मुस्लिम समुदायका तर्फबाट महमद महबुब अलि ९शेरु० र अलि असगर मदनी रहनेछन् ।

सो सर्वपक्षीय तथा सर्वदलीय बैठकले अन्य धार्मिक समुदायबाट पनि आवश्यकताअनुसार प्रतिनिधित्व र जिल्लास्थित राजनीतिक दलहरुका तर्फबाट एक÷एक जना प्रतिनिधि रहने व्यवस्था गरिएको छ । त्यसैगरी, सोही संयन्त्रमा नेपाल पत्रकार महासङ्घका अध्यक्ष तथा नागरिक समाजको प्रतिनिधि सदस्य रहनेछन् ।

सो बैठकले सबै प्रकारका सञ्चारकर्मीहरुलाई समाचार सम्प्रेषण गर्नुपूर्व धार्मिक, सांस्कृतिक÷सामाजिक सद्भावमा खलल नपुग्ने गरी सामाचार सम्प्रेषण गर्न अनुरोध गर्ने पनि निर्णय गरेको छ । त्यसैगरी धार्मिक, सांस्कृतिक, सामाजिक सद्भाव बिथोल्न दुरुत्साहन गर्ने समूह÷आन्दोलनकारीलाई कानुनी दायरामा ल्याउन स्थानीय प्रशासन सक्रिय रहने बताइएको छ ।

साथै सबै पक्षले आ–आफ्नो, समूहका तर्फबाट भएका कमजोरीको मनन गर्दै आ–आफ्नो समुदायका व्यक्तिलाई अनुशासन र आत्मसंयम तथा सद्भाव कायम राख्न प्रतिबद्धता व्यक्त गर्ने निर्णय भएको छ । सो बैठकले विद्यमान परिस्थितिलाई सहज बनाउन सबैले आ–आफ्नो स्थानबाट सक्रिय र सकारात्मक भूमिका निर्वाह गर्दै थप विरोध कार्यक्रमहरु नगर्ने पनि निर्णय भएको जिल्ला प्रशासन कार्यालयले जनाएको छ ।

थप समाचारहरु

भूमिहीन १२० परिवारको हातमा लालपुर्जा स्रोत नखुलेको १० लाख नगदसहित भारतीय नागरिक पक्राउ नेपाली सेनाद्वारा वीरगञ्जमा खानेपानी वितरण वीरगञ्ज नाकाबाट ६८ हजार ७४३ सवारीसाधन भित्रिए : १७ अर्ब ३१ करोड राजस्व सङ्कलन आकाश ताक्दै किसानः महोत्तरीमा ३५ प्रतिशतमात्र रोपाइँ मधेसमा १८ करोडको लागतमा स्यालो ट्युबवेल वितरण पेस्तोलसहित तीन भारतीय नागरिक पक्राउ ‘अब हाँस्छ बर्दिवास’ : गाईजात्रा विशेष हास्यव्यङ्ग्य महोत्सव सफलतापूर्वक सम्पन्न सशस्त्र प्रहरी बल रौतहटद्वारा पाँच करोड ७४ लाख मूल्यका सामान बरामद धेरै मुद्दा फछ्र्यौट गर्ने न्यायाधीश घिमिरे सम्मानित भदौं लागिसक्दा पनि महोत्तरीमा ७५ प्रतिशत मात्र रोपाइँ ३६ हजार विदेशी मुद्रासहित सप्तरीबाट एक जना पक्राउ हैजा प्रभावित वीरगञ्ज क्षेत्रमा पानी परिक्षणको कार्य तीव, मन्त्री यादव स्वयम् पानी परीक्षण स्थलमा इमान्दार शक्तिहरु तेस्रो जनआन्दोलन गर्नु अनिवार्य : अन्सारी अस्पताल विकास समितिमा कर्मचारी युनियन गठन वीरगञ्ज नाकाबाट चार अर्ब ६१ करोडको खाद्यान्न आयात आज विवाह पञ्चमी : मधेश प्रदेशमा सार्वजनिक बिदा पाँच महिनामा ९६ अर्ब ३८ करोड राजस्व सङ्कलन