हुथी आक्रमणको सामना गर्न साउदीलाई पाकिस्तानको साथ

ललितपुर - पाकिस्तानले इरानसमर्थित हुथी विद्रोहीबाट साउदी अरबमाथि हुने आक्रमण रोक्न आवश्यक परे जुनसुकै उपलब्ध माध्यम प्रयोग गर्ने जनाएको छ । पाकिस्तानका रक्षामन्त्री ख्वाजा मुहम्मद आसिफले मंगलबार रोममा पत्रकारहरूसँग कुरा गर्दै साउदी अरबको सुरक्षाका लागि पाकिस्तान आफ्नो सैन्य क्षमता प्रयोग गर्न तयार रहेको बताउनुभएको छ ।

उहाँले पाकिस्तानले यमनमा इरानसमर्थित समूहविरुद्ध भएको कुनै हवाई आक्रमणमा प्रत्यक्ष सहभागिता जनाएको हो वा होइन भन्ने स्पष्ट बताउनुभएन् । तर साउदी अरबको सुरक्षाका लागि आवश्यक सबै साधन उपलब्ध गराउने प्रतिबद्धता रहेको उहाँले बताउनुभयो ।

पाकिस्तान, साउदी अरब र टर्कीएबीच हालै भएको पारस्परिक रक्षा सम्झौताअन्तर्गत एक सदस्य राष्ट्रमाथि भएको आक्रमणलाई तीनै राष्ट्रमाथिको आक्रमणका रूपमा लिइने व्यवस्था गरिएको छ ।

रक्षामन्त्री आसिफका अनुसार हुथी विद्रोहीले पछिल्ला दिनमा साउदी अरबमाथि क्षेप्यास्त्र र ड्रोन आक्रमण बढाएका छन् । उनीहरूले यमनको लाल सागर किनारमा आफ्नो नियन्त्रणसमेत विस्तार गरेका छन् ।

हुथीहरूले हालै रणनीतिक महत्वको मोखा बन्दरगाह सहर र लाल सागरका केही टापु कब्जा गरेका छन् । यससँगै उनीहरूको पहुँच बाब अल–मन्देब जलडमरूमध्यतर्फ थप विस्तार भएको छ । बाब अल–मन्देब जलडमरूमध्यमार्फत विश्व व्यापारको करिब १२ प्रतिशत हिस्सा आवतजावत गर्ने भएकाले यस क्षेत्रमा बढेको तनावले अन्तर्राष्ट्रिय व्यापार र समुद्री यातायातमा असर पर्न सक्ने चिन्ता छ ।

हुथी विद्रोही र इराकका उनीहरूका सहयोगी समूहले साउदी अरबका तेल प्रतिष्ठानमा समेत आक्रमण गरेका छन् । उनीहरूले साउदी तेल बोकेका पानीजहाजलाई उक्त जलडमरूमध्य प्रयोग गर्न रोक्ने प्रयाससमेत गर्दै आएका छन् । यसैबीच, पाकिस्तान, टर्कीए र साउदी अरबका सैन्य प्रमुखहरूले केही दिनअघि रियादमा भेटवार्ता गर्नुभएको थियो । उहाँहरूले हुथी आक्रमणको जवाफ दिने विषयमा छलफल गर्नुभयो ।

पाकिस्तानका रक्षामन्त्रीले हुथीहरूलाई आक्रमणकारीको रूपमा उल्लेख गर्दै साउदी अरबप्रति पाकिस्तानको सुरक्षा प्रतिबद्धता स्पष्ट रहेको बताउनुभएको छ । पाकिस्तान, साउदी अरब र टर्कीएले अगस्ट ७ मा मक्का संयुक्त रक्षा सम्झौतामा हस्ताक्षर गरेका थिए । तीन देशले उक्त सम्झौता रक्षात्मक प्रकृतिको भएको र कुनै विशेष देशलाई लक्षित नगरेको बताएका छन् ।

यस सम्झौताले तेलसम्पन्न साउदी अरब, उत्तर एटलान्टिक सन्धि संगठनको सदस्य टर्की र आणविक हतियार भएको पाकिस्तानलाई एउटै सुरक्षा व्यवस्थामा जोडेको छ ।

थप समाचारहरु

साउदी–पाकिस्तान–टर्कीबीच सैन्य क्षमता र सुरक्षा सहकार्य विस्तारमा जोड पाकिस्तानमा जबरजस्ती विवाहको शिकार बनेकी महिलाको उद्धार, स्पेनमा दुई जना पक्राउ रुसी आक्रमणबाट युक्रेनको २५ प्रतिशत इन्टरनेट पूर्वाधारमा क्षति क्यानडामा हेलिकोप्टर दुर्घटना, चार जनाको मृत्यु नयाँ एआई मोडलको विकास रोक्दै ओपनएआई, थप सुरक्षा उपायमा जोड बैङ्ककमा भीषण बाढी, हजारौं नागरिक विस्थापित दक्षिण अफ्रिकामा दुई छुट्टाछुट्टै गोलीकाण्ड, २७ जनाको मृत्यु गाजा युद्धमा प्यालेस्टाइनी मृतकको सङ्ख्या ७४ हजार नाघ्यो स्टारशिपलाई पृथ्वीको कक्षामा पुर्‍याउने स्पेसएक्सको लक्ष्य जापानको कुमामोतोमा भूकम्पपछि ७१ हजारभन्दा बढी घरमा क्षति चीनको औद्योगिक क्षेत्रमा नाफा वृद्धि, आठ महिनामा १५.७ प्रतिशतले बढ्यो इरानसँगको तनाव बढेपछि तेलको मूल्य बढ्यो, विश्व बजारमा दबाब अमेरिका–चीनले घटाउन सक्ने करका वस्तुको सूची सार्वजनिक ब्याजदर वृद्धिको आशंकाबीच अमेरिकी सेयर बजारमा गिरावट मलेसियाबाट म्यानमा नागरिक फिर्ता हुँदै, अधिकार समूहद्वारा विरोध अष्ट्रेलियामा महँगी बढ्दै, मुद्रास्फीति ४ प्रतिशतमा जापानमा जनसंख्या घट्दो, वृद्ध नागरिक बढ्दो