रास्वपा सभापति लामिछानेद्वारा भीमफेदी सडक दुर्घटनाप्रति दुःखः व्यक्त

ललितपुर - राष्ट्रिय स्वतन्त्र पार्टीका सभापति रवि लामिछानेले छठ मनाउन घर फर्किदै गरेका सर्वसाधारण सवार यात्रुवाहक सवारीसाधन मकवानपुरको भीमफेदीमा भएको दुर्घटनाप्रति दुःखःव्यक्त गर्नुभएको छ ।

सभापति लामिछानेले सामाजिक सञ्जालमार्फत शोक सन्देश जारी गर्दै भीमफेदीमा भएको कहालीलाग्दो सडक दुर्घटनामा नागरिकले अकालमै ज्यान गुमाउनुपरेको घटनाले आफूलाई अत्यन्त मर्माहत र स्तब्ध बनाएको बताउनुभएको छ ।

उहाँले भन्नुभएको छ, ‘एउटै बस्ती र टोलमा पर्न गएको यो अकल्पनीय बज्रपातको पीडा शब्दमा व्यक्त गर्न असम्भव छ । यस दुःखद् घडीमा ज्यान गुमाउनुहुने सम्पूर्ण मृतकहरूप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना प्रकट गर्दछु ।’

सभापति लामिछानेले सामाजिक सञ्जालमा लेख्नुभएको छ, ‘दुर्घटनामा परी घाइते हुनुभएका सम्पूर्ण नागरिकको शीघ्र र पूर्ण स्वास्थ्यलाभको कामना गर्दछु ।’

उहाँले घाइतेको सम्पूर्ण निःशुल्क उपचारको व्यवस्था मिलाउन, मृतकका परिवारलाई तत्काल उचित राहत तथा क्षतिपूर्ति उपलब्ध गराउन सरकार तथा सम्बन्धित निकायको गम्भीर ध्यानाकर्षण गराउनुभएको छ ।

थप समाचारहरु

नेपाली प्रतिनिधिमण्डलको नेतृत्व गर्दै कोप-३१ मा सहभागी हुन परराष्ट्रमन्त्री खनाल अन्ताल्यामा चाडपर्वहरूले सामाजिक एकता र सहिष्णुताको भावनालाई बलियो बनाउँछन्ः प्रधानमन्त्री शाह जलवायु परिवर्तनका मुद्दा साझा विषय : परराष्ट्रमन्त्री खनाल कार्तिक शुक्ल प्रतिपदा: आज गाई पूजा गरिँदै सिँचाइ अभाव हुँदा हिउँदे खेती गर्न समस्या तिहार नजिकिँदै गर्दा दाजुभाइ र दिदीबहिनीको सम्झना नेपाल संवत् ११४७ सुरु, नेवार समुदायमा म्हः पूजा गरिँदै दीपावली सकिएसँगै छठ पर्वको तयारी गरिँदै हेग्सेथको बचाउमा ट्रम्प एआई कम्पनीको नियमन गर्न अस्ट्रेलियाले छुट्टै निकाय स्थापना गर्ने आजको राशिफल : २०८३ कात्तिक २५ गते बुधबार पोखरामा जिप दुर्घटना : एकको मृत्यु, १२ जना घाइते मकवानपुरमा इभी गाडी दुर्घटनाः दशको मृत्यु, पाँच जना घाइते एनपिएल : आज दुई खेल हुँदै सुक्खा पहिराले कालीगण्डकी करिडोर सडक अवरुद्ध असिना पानीले धानबालीमा क्षति ज्येष्ठ नागरिक सुविधाअन्तर्गत पूर्वमन्त्री रायमाझी कारागारबाट रिहा पटका मनोरञ्जन कि अभिशाप ?