बदलिएको कांग्रेसले देश बदल्छ : सभापति थापा

नेपाली कांग्रेसका सभापति गगनकुमार थापाले रूपान्तरण भएको कांग्रेसले नै देशको रूपान्तरण गर्ने दृढ सङ्कल्पका साथ अघि बढेको बताउनुभएको छ ।

नेपाली कांग्रेस काठमाडौं क्षेत्र नं ४ ले आज आयोजना गरेको निर्वाचन परिचालन मूल समिति घोषणा समारोहलाई सम्बोधन गर्दै सभापति थापाले देश बदल्न कांग्रेस आफैँ बदलिनु आवश्यक रहेको स्पष्ट पार्नुभयो । उहाँले समयको मागअनुसार कांग्रेस नयाँ सोच, नयाँ कार्यदिशा र स्पष्ट सङ्कल्पसहित अघि बढिरहेको बताउनुभयो ।

“अब कांग्रेस नेतामुखी होइन, कार्यकर्तामुखी पार्टी बन्दैछ,” सभापति थापाले भन्नुभयो, “टिकट लिन नेताको ढोका ढकढक्याउने संस्कृतिको अन्त्य गर्दै कार्यकर्तालाई बलियो बनाउने अभियान सुरु भएको छ।”

लोकतन्त्र र सामाजिक न्यायका विषयमा कांग्रेसले कुनै सम्झौता नगर्ने स्पष्ट पार्दै उहाँले सुशासन र भ्रष्टाचारमा शून्य सहनशीलता आम नागरिकको प्रमुख चाहना रहेको उल्लेख गर्नुभयो । बदलिएको कांग्रेसले नागरिकको यही चाहना पूरा गर्ने प्रतिबद्धता लिएको उहाँको भनाइ थियो ।

सभापति थापाले विशेष महाधिवेशनपछि पार्टीभित्र गुट र भागबण्डाको राजनीति अन्त्य भएको दाबी गर्दै युवाको आवाजलाई केन्द्रमा राखेर कांग्रेस अघि बढिरहेको बताउनुभयो । उहाँका अनुसार कांग्रेससँग स्पष्ट सुधारको एजेण्डा मात्र होइन, सबैलाई समेट्ने राजनीतिक क्षमता पनि छ ।

देशभित्रै रोजगारी सिर्जना गरी युवालाई विदेशिनु नपर्ने वातावरण बनाउन कांग्रेस लाग्ने प्रतिबद्धता व्यक्त गर्दै उहाँले आफूलाई आजको स्थानसम्म पुर्‍याउन काठमाडौं क्षेत्र नं ४ का कार्यकर्ता र मतदाताको योगदान अविस्मरणीय रहेको बताउनुभयो ।

“तपाईंहरूले लगाएको गुन जीवनभर तिर्न सक्दिन,” सभापति थापाले भावुक हुँदै भन्नुभयो, “तीनपटक यही क्षेत्रबाट निर्वाचित हुन पाउनु क्षेत्र नं ४ वासीको विश्वास र सहयोगकै परिणाम हो।”

मधेस र काठमाडौंबीचको दूरी घटाउन तथा मधेसका मुद्दा नजिकबाट बुझ्न आफू सर्लाही क्षेत्र नं ४ बाट उम्मेदवार बनेको उहाँले जानकारी दिनुभयो ।

कार्यक्रममा कांग्रेस काठमाडौं क्षेत्र नं ४ का उम्मेदवार सचिन तिमल्सिनाले क्षेत्रको समग्र विकासका लागि निरन्तर क्रियाशील रहने प्रतिबद्धता व्यक्त गर्नुभयो । जेनजी आन्दोलनपछि रूपान्तरण भएको कांग्रेसले आफूलाई विश्वास गरेर उम्मेदवार बनाएको उल्लेख गर्दै उहाँले विजयका लागि क्षेत्र नं ४ वासीको साथ र सहयोगको अपेक्षा गर्नुभयो ।

थप समाचारहरु

संसदको दुवै सदनको बैठक आज सुमना श्रेष्ठले दिइन् स्वपाको सहमहामन्त्री पदबाट राजीनामा बिजुलीबजारमा राप्रपले प्रदर्शन गर्दै मन्त्रिपरिषद् बैठक बस्दै एमालेभित्रै भ्रम फिजाउनेहरु तत्त्वहरू सक्रिय छन् – ओली प्रतिनिधिसभाको बैठक आज अपराह्न १बजे बस्ने प्रतिनिधिसभा बैठक सोमबारसम्मका लागि स्थगित राष्ट्रियसभामा इरान–इजरायल युद्धबाट प्रभावित नेपालीको अवस्थाबारे जानकारी मागियो पहिले बहस गरेका वरिष्ठ अधिवक्ता पन्तले नेपाललाई पुर्पक्षका लागि थुनामा पठाउन गरे माग प्रधानमन्त्री ओली आज स्वदेश फर्कँदै काठमाडौँ उपत्यकामा लगाउँदै आएको कर्फ्युले चौथो दिन पनि निरन्तरा पायो, समय भने घटाइयो अर्थमन्त्रीद्वारा बजेट कार्यान्वयनका लागि आयोजना प्राथमिकिकरणका लागि तीन सदस्यीय कार्यदल गठन दुई सातापछि गुन्डुबाट सार्वजनिक भए एमाले अध्यक्ष ओली देशबासीका नाममा पहिलो सम्बोधन – जेनजी आन्दोलन घटनाको दोषीलाई कारबाही गर्ने ओली र लेखकलाई पक्राउ गराउन सामाजिक सञ्जाल मार्फत दबाब पर्यटन मन्त्रालयमा सिफारिस गरिएका गणपतिलाल श्रेष्ठको मन्त्रालय परिवर्तन राष्ट्रपतिद्वारा प्रतिनिधिसभा सदस्य निर्वाचन (पहिलो संशोधन) अध्यादेश २०८२ जारी अन्तरिम सरकारका चार मन्त्री चुनावी मैदानमा