बच्चाहरुमा पनि ‘ग्यास्ट्रिक’ हुनसक्छ !

ललितपुर — ग्यास्ट्रिक ठूला मानिसलाई मात्रै हुने समस्या भन्ने आम बुझाइ गलत सावित हुँदै गएको छ । चिकित्सकहरूका अनुसार बालबालिकामा पनि ग्यास्ट्रिक देखिन थालेको छ, जसको मुख्य कारण ‘एच प्योलोरी’ नामक किटाणुको सङ्क्रमण हो ।

कान्ति बाल अस्पतालका बाल पेटरोग विशेषज्ञ डा. सुमित अग्रवालका अनुसार यो किटाणु बच्चा सानै उमेरदेखि शरीरमा प्रवेश गर्न सक्छ । चिल्लोपिरो खानेकुरा, जङ्क फुडको बढी प्रयोग तथा पेनकिलर औषधि सेवनले बालबालिकामा ग्यास्ट्रिकको समस्या झन् बढाउने गरेको उहाँले बताउनुभयो ।

बालबालिकामा फरक लक्षण
बयस्कमा पेट दुख्ने, खाना नरुच्ने र मुखमा अमिलो पानी आउनेजस्ता लक्षण देखिएजस्तै बालबालिकामा पनि मुखबाट अमिलो पानी आउने, बिहान–साँझ पेट दुख्ने, खाना खाएपछि कहिले धेरै त कहिले कम दुख्ने, लगातार बान्ता आउने तथा पेट फुल्ने समस्या देखिने गर्छ ।
यी लक्षण लामो समयसम्म रहँदा बच्चाको खानपान घट्दै जान्छ र उपचार ढिला भएमा तौलसमेत घट्ने जोखिम हुन्छ ।

उपचार नगरे गम्भीर असर
समयमै उपचार नपाए ग्यास्ट्रिक गम्भीर बन्न सक्ने डा. अग्रवालको चेतावनी छ । पेटको दुखाइ अत्यधिक बढ्दा मुखबाट रगत आउन सक्ने, सानो आन्द्राको प्वाल खुम्चिने तथा आन्द्राको पहिलो भागमा अल्सर देखिन सक्ने उहाँले जानकारी दिनुभयो ।

कान्ति अस्पतालमा दैनिक दुई–तीन जना ग्यास्ट्रिकका बालबालिका उपचारका लागि आउने गरेका छन् भने हप्तामा एक–दुई जना रगत बान्ता गर्ने बिरामीसमेत आउने गरेका छन् ।

७५ प्रतिशतमा एच प्योलोरी सङ्क्रमण
हप्तामा तीनदेखि पाँच वटा इन्डोस्कोपी गर्दा करिब ७५ प्रतिशत बालबालिकामा ‘एच प्योलोरी’ किटाणुको सङ्क्रमण भेटिने गरेको डा. अग्रवालले बताउनुभयो । सामान्यतया शरीरमा आवश्यकभन्दा बढी एसिड उत्पादन हुनु नै ग्यास्ट्रिक हो ।

१८ महिनादेखि १४ वर्षसम्मका बालबालिकामा यो किटाणुको सङ्क्रमण देखिने गरेको र सानै उमेरदेखि शरीरमा रहे पनि सात–आठ वर्ष नाघेपछि मात्रै लक्षण प्रकट हुने उहाँको भनाइ छ ।
उहाँका अनुसार ‘एच प्योलोरी’ विरुद्धको औषधि दुई हप्ता सेवन गरेपछि ग्यास्ट्रिक पूर्ण रूपमा निको हुन सक्छ ।

थप समाचारहरु

आज विश्व अटिजम जागरुकता दिवस, विभिन्न कार्यक्रमका साथ मनाइँदै उपत्यकामा वायु प्रदूषण बढेसँगै स्वास्थ्य मन्त्रालयद्वारा सतर्कता अपनाउन आग्रह मोवाइल फुड ल्याव भ्यान संचालन गरी काठमाडौंको परोपकार प्रसुतीमा संचालित चमेनागृहको निरीक्षण अनुगमन नेपाल आँखा अस्पतालमा एक घण्टाभित्र विरामीको उपचार घटेन वायु प्रदुषण, घरबाहिर ननिस्कन विज्ञको सुझाव स्वदेशी औषधिको मूल्य समायोजन नहुदा उद्योग सञ्चालनमा समस्या प्रयोगशाला परीक्षणमा नेपाललाई आत्भनिर्भर बनाउन स्वास्थ्य मन्त्रालय प्रतिबद्ध’ नेपाल तीन वर्ष संगठनको कार्यकारी समितिमा रहनेगरी विश्व स्वास्थ्य संगठनको कार्यकारी सदस्यमा सर्वसम्मत सुरक्षित गर्भपतनको सेवा सम्बन्धी कानुनलाई आवश्यक संशोधन गरिनुपर्छ संघको आह्वानमा चिकित्सकहरु आन्दोलनमा, आकस्मिक बाहेकका सम्पूर्ण सेवा बन्द आन्दोलनरत चिकित्सकहरूसँग वार्ताको तयारी -राष्ट्रिय मानव अधिकार आयोगको गम्भीर ध्यानाकर्षण २० वर्षमा विवाह गरेर ३० वर्षभित्र सन्तान जन्माउनुस् : प्रधानमन्त्री भाटभटेनी समूहद्वारा नौ करोड ५० लाख बराबरको भवन त्रिवि शिक्षण अस्पताललाई हस्तान्तरण प्रसूतिगृह लाखौँ आमा र शिशुको जीवन जोड्ने राष्ट्रिय धरोहर होः स्वास्थ्यमन्त्री पौडेल केन्द्रीय सुरक्षा समिति बैठकः वीरगञ्जमा चिकित्सक टोली परिचालन गर्ने निर्णय सकारात्मक प्रभावको एक दशक: ‘एक एक पाइला’को अभियान १०औँ वर्षमा प्रवेश स्वास्थ्य तथा जनसंख्यामन्त्री पौडेल राजीनामा दिँदै माघ १ गतेदेखि स्वास्थ्य बीमा सेवा बन्द गर्दै टिचिङ अस्पताल