पर्वतमा पाठेघर क्यान्सर रोकथामका लागि किशोरीहरूलाई खोप दिने तयारी

ललितपुर – पर्वतमा पाठेघर क्यान्सर रोकथामका लागि किशोरीहरूलाई खोप दिने तयारी जिल्लाका ९५० किशोरीलाई पाठेघरको मुखको क्यान्सर रोकथामका लागि ‘ह्युमन पापिलोमा भाइरस’ (एचपिभी) खोप अभियान मार्फत लगाइने भएको छ । जिल्लाका ६१ वटै वडाका १२७ विद्यालयमा कक्षा ६ मा अध्ययन गर्ने छात्रा र विद्यालय नजाने १० वर्ष उमेरका किशोरीलाई यस अभियानमा समावेश गरिने छ ।

खोप अभियान माघ २७ देखि २९ गतेसम्म सञ्चालन हुने भएकोले प्रदेश जनस्वास्थ्य कार्यालय पर्वतका प्रमुख बद्रीराज आचार्यले किशोरीहरूलाई खोप पूर्ण रूपमा सुरक्षित भएकाले निर्धक्क लगाउन आग्रह गर्नुभएको छ । अभियानअन्तर्गत निजी र सामुदायिक विद्यालयमा खोप केन्द्र स्थापना गरी खोप प्रदान गरिनेछ ।

यस अवधिमा गत वर्ष छुटेका कक्षा ७–१० का छात्रा र विद्यालय नजाने ११–१४ वर्ष उमेर समूहका किशोरीलाई पनि खोप दिइने छ । अभियानका लागि १२७ स्वास्थ्यकर्मी १२७ स्वयंसेवक परिचालन गरिने कार्यालय प्रमुख आचार्यले जानकारी दिनुभएको छ ।

मुख्य जिल्ला अधिकारी लक्ष्मीप्रसाद पौडेलले खोप अभियान सफल बनाउन सबैको सहयोग आवश्यक रहेको बताउँदै, पाठेघरको मुखको क्यान्सरजस्ता घातक रोगप्रति सचेत रहन र कुनै किशोरी खोपबाट छुट्न नपरोस् भन्नेमा जोड दिनुभयो । उहाँले छुटेका किशोरीलाई थप एक हप्ताको समय दिइने जानकारी पनि दिनुभयो ।

जिल्ला खोप समन्वय समितिका संयोजक विष्णुराम विकले प्रचार-प्रसारलाई तीव्र बनाइएको र खोप पूर्ण रूपमा सुरक्षित भएकाले नकारात्मक धारणा नबनाउन सबैमा अनुरोध गर्नुभएको छ ।

प्रदेश जनस्वास्थ्य कार्यालय पर्वतका अनुसार जिल्लाका सातै पालिका र वडास्तरमा खोप अभियान सञ्चालनको तयारी भइरहेको छ । गत वर्ष जिल्लामा चार हजार ७४९ जनालाई एचपिभी खोप लगाइएको थियो ।

थप समाचारहरु

ओम मेगाश्रीको आईपीओ बाँडफाँट आज विश्व अटिजम जागरुकता दिवस, विभिन्न कार्यक्रमका साथ मनाइँदै मोवाइल फुड ल्याव भ्यान संचालन गरी काठमाडौंको परोपकार प्रसुतीमा संचालित चमेनागृहको निरीक्षण अनुगमन क्यान्सरपीडितको उपचारमा मर्क्यूर काठमाडौँको सहयोग आज अन्तर्राष्ट्रिय योग दिवस मनाइँदै तीन सय ७७ अस्पतालबाट प्रथम सेवाको उपचार पाइने कोहलपुरका स्वास्थ्यकर्मीलाई स्वास्थ्य सुरक्षा सामाग्री हस्तान्तरण ग्लोबल आइएमई बैंकका ग्राहकलाई अन्नपूर्ण न्यूरो अस्पतालमा १० प्रतिशत छुट नेपाल मेडिकल कलेजमा विश्व स्तनपान सप्ताह सुरु केन्द्रीय सुरक्षा समिति बैठकः वीरगञ्जमा चिकित्सक टोली परिचालन गर्ने निर्णय खुमा अर्यालले दाङमा बनाइरहेको अस्पताल कात्तिकबाट सञ्चालनमा आउने : लागत साढे २ अर्बबाट बढ्यो स्वास्थ्य तथा जनसंख्यामन्त्री पौडेल राजीनामा दिँदै आज विश्व बिरामी सुरक्षा दिवस थानकोटमा करिव एक अर्बमा प्रसूति तथा स्त्रीरोग विशेषज्ञ अस्पताल निर्माण गर्न ‘ग्लोबल टेण्डर’ प्रक्रिया अगाडि बढ्यो डब्लुएचओद्वारा निर्मित ‘प्रिफ्याब’ भवन स्वास्थ्य मन्त्रालयलाई हस्तान्तरण काठमाडौंमा १२औँ अन्तरराष्ट्रिय फिजियोथेरापी सम्मेलन सम्पन्न स्वास्थ्य बिमा सुधारका लागि सरकार प्रयासरत छः स्वास्थ्यमन्त्री मलङ्गवामा दादुरा सङ्क्रमण फैलियो