संयुक्त राष्ट्रसङ्घ आर्थिक संकटतर्फ, गुटेरेसको कडा चेतावनी

ललितपुर – संयुक्त राष्ट्रसङ्घ गम्भीर आर्थिक संकटको मुखमा पुगेको भन्दै महासचिव एन्टोनियो गुटेरेसले सदस्य राष्ट्रहरूलाई समयमै योगदान नतिरे संगठन नै वित्तीय पतनतर्फ जान सक्ने चेतावनी दिनु भएको छ ।

सदस्य राष्ट्रहरूलाई सम्बोधन गर्दै गुटेरेसले वार्षिक योगदान र संरचनात्मक कोष संकलनमा देखिएको ढिलाइले विश्व निकायको कार्यक्षमता कमजोर बन्दै गएको बताउनुभयो । वित्तीय नियममा तत्काल सुधार नगरे वास्तविक संकट सामना गर्नुपर्ने उहाँको भनाइ छ । अल जजिराका अनुसार उहाँले सम्बन्धित देशहरूलाई बक्यौता रकम तुरुन्त भुक्तानी गर्न पनि आग्रह गर्नुभएको छ ।

संस्थाको कमजोर आर्थिक अवस्थाबारे जानकारी दिँदै संयुक्त राष्ट्रका प्रवक्ता फरहान हकले अघिल्ला वर्षझैँ नियमित रूपमा काम गर्न आवश्यक नगद भण्डार र तरलता अहिले उपलब्ध नभएको स्पष्ट पार्नुभयो ।

यो चेतावनी अमेरिकी राष्ट्रपति डोनाल्ड ट्रम्पले बहुपक्षीय संस्थाहरूलाई दिँदै आएको आर्थिक सहयोग कटौती गर्ने नीति अघि सारेकै समयमा आएको हो । ट्रम्प प्रशासनले संयुक्त राष्ट्रका विभिन्न एजेन्सीहरूबाट फिर्ता हुने योजना सार्वजनिक गरिसकेको छ भने ‘बोर्ड अफ पिस’ नामक पहललाई समेत अघि बढाइरहेको बताइएको छ ।

हालको प्रणालीअनुसार संयुक्त राष्ट्रसङ्घको सदस्यता शुल्क देशको कुल घरेलु उत्पादन, ऋणको स्तर र आर्थिक क्षमताका आधारमा निर्धारण गरिन्छ । यसअनुसार संयुक्त राज्य अमेरिकाले मुख्य बजेटको २२ प्रतिशत र चीनले २० प्रतिशत योगदान गर्दै आएका छन् ।

गुटेरेसका अनुसार सन् २०२५ को अन्त्यसम्ममा संयुक्त राष्ट्रसङ्घले एक अर्ब ५७ करोड अमेरिकी डलर बराबरको भुक्तानी अझै पाउन बाँकी छ ।

सुधार अपरिहार्य भएको दोहोर्‍याउँदै उहाँले सदस्य राष्ट्रहरूले आफ्नो दायित्वअनुसार पूर्ण र समयमै भुक्तानी गर्नुपर्ने वा आसन्न आर्थिक संकट रोक्न विद्यमान वित्तीय नियमहरूमा परिवर्तन गर्नुपर्ने बताउनुभयो ।

आर्थिक दबाबका बाबजुद संयुक्त राष्ट्रसङ्घले यसै महिनाको सुरुवातमा सन् २०२६ का लागि तीन अर्ब ४५ करोड अमेरिकी डलरको बजेट स्वीकृत गरेको छ, जुन अघिल्लो वर्षको तुलनामा ७ प्रतिशतले कम हो ।

सम्बोधन पत्रमा गुटेरेसले आगामी जुलाईसम्म संयुक्त राष्ट्रसङ्घको नगद भण्डार सकिन सक्ने गम्भीर चेतावनीसमेत दिनुभएको छ ।

संयुक्त राष्ट्रसङ्घको वेबसाइटमा प्रकाशित तथ्याङ्कअनुसार बिहीबारसम्म १९३ सदस्य राष्ट्रमध्ये केवल ३६ देशले मात्र सन् २०२६ का लागि आफ्नो नियमित योगदान पूर्ण रूपमा भुक्तानी गरेका छन्

थप समाचारहरु

१० हजारभन्दा बढी चिकित्सकले राजीनामा गरेपछि दक्षिण कोरिया तनावमा विश्व शेयर बजार त्रसित भएपछि अतिरिक्त भन्सार महसुलप्रति ट्रम्पको लचकता अमेरिका सबै राज्यमा ट्रम्पविरुद्ध विरोध प्रदर्शन अमेरिकामा ट्रम्पविरुद्ध विशाल प्रदर्शन अन्तरिक्षमा डेटा सेन्टर खोल्दै अमेरिकी कम्पनी फरक विधाका ६ जना महिला अन्तरिक्ष यात्रामा जाँदै आईसीयूमा रहेकी एयरहोस्टेसमाथि यौन दुर्व्यवहार अमेरिकामा हजारौं नागरिकले घेरे राष्ट्रपति ट्रम्प निवास अमेरिकाको प्रतिष्ठित ACP Osler Cup पुरस्कार जित्ने पहिलो नेपाली चिकित्सक बनिन् डा.बोहोरा ट्रम्प प्रशासनलाई शरणार्थी स्वीकार्न न्यायाधीशको आदेश भारतीय आक्रमणमा २६ सर्वसाधारणको मृत्युः पाकिस्तानी सेना भारत र पाकिस्तानबीचको युद्धको जोखिमले बिश्व चिन्तित: नेपालको सदनमा पनि उठ्यो युद्धको बिषय : सीमामा निगरानी बढाउन राष्ट्रिय सुरक्षा समितिको निर्देशन छिमेकी मुलुक भारतका १६ राज्यमा कोरोनाको संक्रमण ट्रम्पद्वारा अमेरिका र जापानबीच प्रमुख व्यापार सम्झौतामा सहमत भएको घोषणा प्राविधिक गडबडीका कारण अमेरिकाभर हवाइ सेवा बन्द, विमानस्थलमा यात्रुहरू अलपत्र अमेरिकी डलरको मूल्य हालसम्मकै उच्च, कति छ आजको मूल्य ? हमासलाई ट्रम्पको चेतावनी, सम्झौता विपरीत गए सिध्याइदिने अमेरिकी केन्द्रीय बैंक फेडले घटायो ब्याजदर, तेलको मूल्य बढ्ने र सुनको आकर्षण घट्ने अनुमान