होटल फरेष्ट इनको आईपीओ माघ २२ बाट खुल्दै, सर्वसाधारणका लागि ३३ लाख कित्ता शेयर

ललितपुर   होटल फरेष्ट इन लिमिटेडले माघ २२ गतेदेखि सर्वसाधारणका लागि प्रारम्भिक सार्वजनिक निष्काशन (आईपीओ) खुला गर्ने भएको छ । यसअघि वैदेशिक रोजगारीमा रहेका नेपाली, कर्मचारी तथा सामूहिक लगानी कोषका लागि छुट्याइएको शेयर बाँडफाँट गरिसकेको कम्पनीले अब दोस्रो चरणमा आम लगानीकर्तालाई अवसर दिन लागेको हो ।

कम्पनीले जारी पूँजी २ अर्ब रुपैयाँको २० प्रतिशत बराबर हुने ४० लाख कित्ता शेयर निष्काशन गर्ने अनुमति पाएको थियो । सोमध्ये विभिन्न समूहका लागि छुट्याइएको शेयर बाँडफाँटपछि बाँकी रहेको ३३ लाख २० हजार कित्ता साधारण शेयर सर्वसाधारणका लागि निष्काशन हुन लागेको हो ।

आईपीओ प्रतिशेयर १०० रुपैयाँ अंकित मूल्यमा जारी हुनेछ । लगानीकर्ताले न्यूनतम १० कित्तादेखि अधिकतम २ लाख कित्तासम्म आवेदन दिन सक्नेछन् । निष्काशन छिटोमा माघ २६ गते र ढिलोमा फागुन ८ गते बन्द हुनेछ ।

क्रेडिट रेटिङ एजेन्सी इन्फोमेरिक्स क्रेडिट रेटिङ नेपालले कम्पनीलाई आइआरएन डबल बी माइनस रेटिङ प्रदान गरेको छ, जसले दायित्व वहन क्षमतामा मध्यम जोखिम रहेको संकेत गर्दछ । कम्पनीको आयोजना निर्माणमा करिब ३ अर्ब ४८ करोड रुपैयाँ लागत लागेको छ । साधारण लगानी फिर्ता हुने अवधि करिब १०.८६ वर्ष र डिस्काउण्टमा १५.३३ वर्ष रहेको विवरणमा उल्लेख छ ।

आईपीओको निष्काशन तथा बिक्री प्रबन्धक एनआईसी एशिया क्यापिटल लिमिटेड रहेको छ । लगानीकर्ताले सि–आस्वा प्रणालीमार्फत स्वीकृत बैंक तथा वित्तीय संस्था वा मेरो शेयर अनलाइन प्रणालीबाट आवेदन दिन सक्नेछन् ।

थप समाचारहरु

नेप्सेको सीईओमा नारदकुमार लुइँटेल नियुक्त एनआईसी एशिया बैंक ऋणपत्र निष्काशन गर्दै ज्योति विकास बैंकको संस्थापक शेयर बिक्रीमा क्रेस्ट माइक्रो लाइफ इन्स्योरेन्स लिमिटेडको साधारण शेयर सूचीकरण कुमारी बैंकको १ लाख ९२ हजार ६४१ कित्ता संस्थापक शेयर बिक्रीमा प्रि ओपन सेसनमै करिव २ अंकले घट्यो नेप्से रिलायबल समृद्धि योजनाको इकाई खरिदका लागि आवेदन दिने समय आज सकिदै पियोर इनर्जी लिमिटेडको आईपीओ बाँडफाँड सिवाईसी नेपाल लघुवित्तको प्रतिशेयर आम्दानी बढ्यो प्रि ओपन सेसनमा बुधबार करिब ३५ अंक बढ्यो नेप्से शेयर अड लट कारोबारको व्यवस्था गरिँदै, १ देखि ९ कित्तासम्मको शेयर किनबेच सहज हुने औषधी कम्पनीले साधारण शेयर बिक्री गर्दै नेप्से परिसूचकमा दोहोरो अङ्कको सुधार धितोपत्र ब्रोकर कम्पनीले चुक्ता पूँजी पुर्‍याउनु पर्ने समय थप धितोपत्र बोर्डमा कर्मचारी आवश्यकता, असोज ९ गतेसम्म आवेदन दिन सकिने नेशनल वायोटेकले गर्यो दोस्रो वार्षिक साधारणसभा आह्वान माउन्टेन इनर्जी नेपालको बाह्रौं वार्षिक साधारणसभा सम्पन्न, २१.०५२६ प्रतिशत लाभांश पारित आज नौ अङ्कले ओरालो लाग्यो नेप्से