रिभोलुसनरी गार्डलाई आतङ्कवादी सूचीमा राखेको विरोध गर्दै इरानद्वारा इयु राजदूत तानियो

ललितपुर – इरानले अर्धसैनिक रिभोलुसनरी गार्डलाई आतङ्कवादी समूहको रूपमा सूचीकृत गरेको भन्दै कडा असन्तुष्टि जनाउँदै सोमबार देशमा कार्यरत युरोपेली सङ्घ (इयु) का सबै राजदूतलाई विदेश मन्त्रालयमा बोलाएको छ । जनवरीमा इरानभर फैलिएको विरोध प्रदर्शन दमनमा रिभोलुसनरी गार्डको संलग्नता रहेको आरोप लगाउँदै इयुले गत साता उक्त समूहलाई आतङ्कवादी सूचीमा राखेको थियो ।

यसअघि अमेरिका र क्यानाडालगायत केही पश्चिमी राष्ट्रहरूले पनि रिभोलुसनरी गार्डलाई आतङ्कवादी सङ्गठनको रूपमा घोषणा गरिसकेका छन् । यो निर्णयलाई प्रतीकात्मक कदम मानिए पनि गार्डको इरानी अर्थतन्त्रमा गहिरो प्रभाव रहेकाले यसले इरानमाथि थप आर्थिक दबाब सिर्जना गर्ने विश्लेषण गरिएको छ ।

शान्तिपूर्ण प्रदर्शनकारीको हत्या र सम्भावित सामूहिक मृत्युदण्डको विषयलाई लिएर इरानले अमेरिकी सैन्य कारबाहीको जोखिमसमेत बेहोर्नु परिरहेको छ । यसै सन्दर्भमा अमेरिकी सेनाले युएसएस अब्राहम लिङ्कनसहितका निर्देशित मिसाइल विध्वंसक जहाजहरू मध्यपूर्व क्षेत्रमा तैनाथ गरिसकेको छ । यद्यपि राष्ट्रपति डोनाल्ड ट्रम्पले बल प्रयोग गर्ने वा नगर्ने विषयमा अझै स्पष्ट धारणा सार्वजनिक गरेका छैनन् ।

इरानी विदेश मन्त्रालयका प्रवक्ता इस्माइल बाघाईले आइतबार पत्रकारहरूलाई इयुका राजदूतहरूलाई बोलाउने निर्णय गरिएको जानकारी दिनुभएको थियो । सन् १९७९ को इस्लामिक क्रान्तिपछि धर्मगुरुहरूको नेतृत्वमा स्थापित शासन प्रणालीको रक्षाका लागि गठन भएको रिभोलुसनरी गार्ड पछि संविधानमै समावेश गरिएको थियो ।

देशको नियमित सेनासँग समानान्तर रूपमा सञ्चालन हुँदै आएको यो बल सन् १९८० को दशकमा इराकसँग भएको लामो र विनाशकारी युद्धका क्रममा झनै शक्तिशाली बन्यो । युद्धपछिको चरणमा विघटनको सम्भावना देखिए पनि सर्वोच्च नेता आयातोल्लाह अली खामेनीले गार्डलाई निजी क्षेत्र र व्यवसायमा प्रवेश गर्ने अनुमति दिएपछि यसको प्रभाव अझ विस्तार भयो ।

जनवरी ८ देखि सुरु भएको विरोध आन्दोलन दबाउन गार्डअन्तर्गतको बासिज बलले महत्वपूर्ण भूमिका खेलेको बताइन्छ । अधिकारीहरूले करिब आठ करोड ५० लाख जनसङ्ख्या भएको देशमा इन्टरनेट तथा अन्तर्राष्ट्रिय टेलिफोन सेवा अवरुद्ध गरेका थिए । स्टारलिङ्क स्याटेलाइट डिशलगायत माध्यमबाट बाहिर आएका भिडियोहरूमा गार्डका सुरक्षाकर्मीहरूले प्रदर्शनकारीमाथि गोली प्रहार र कुटपिट गरिरहेको दृश्य देखिएको छ ।

थप समाचारहरु

आगलागीका कारण क्यानाडामा २६ हजार भन्दा बढी विस्थापित युक्रेनलाई नेटो शिखर सम्मेलनमा आमन्त्रण : राष्ट्रपति जेलेन्स्की आईपीएल विजय उत्सवमा भीड अनियन्त्रित, भागदौडले ११ जनाको ज्यान लियो जनसम्पर्क समिति न्यूज़ील्याण्डले थाल्यो अधिवेशनको तयारी “संयुक्त राज्य अमेरिकाको वैदेशिक सहयोग कटौतीले ४० लाखभन्दा बढी मानिसको ज्यान जान सक्ने” आर्थिक सुधारमा सफल हुँदै घाना, आईएमएफबाट निरन्तर सहयोग युद्धविराम प्रतिक्रिया मध्यस्थकर्ताहरूलाई हस्तान्तरण गरियो : हमास अमेरिकी कर विवादबीच पुटिन र भारतीय सुरक्षा प्रमुखबीच भेटवार्ता जेलेन्स्की ट्रम्प भेट्न सोमबार अमेरिकाजाने : युद्धविराम प्राथमिकता मानव पुर्खा लुसीको प्रागमा पहिलोपटक युरोपेली प्रदर्शन अमेरिकी कर नीतिका कारण जापानी निर्यातमा १४% गिरावट सन् २०१४ देखि भूमध्यसागरमा ३२ हजार भन्दा बढी आप्रवासीको मृत्यु – राष्ट्र सङ्घ अमेरिकाले दोहोरो मापदण्ड अपनाएको चीनको आरोप हमासलाई ट्रम्पको चेतावनी, सम्झौता विपरीत गए सिध्याइदिने राष्ट्रपति पुटिनद्वारा रुसी आणविक बलको अभ्यासको निर्देशन, ट्रम्पसँगको शिखर सम्मेलन स्थगित युक्रेनी नेता जेलेन्स्की र अमेरिकी राष्ट्रपति ट्रम्पबीच फ्लोरिडामा भेटवार्ता हुने जापानमा सन् २०२५ मा बालबालिकाको आत्महत्या दर उच्च ट्रम्प र इरान: क्षेत्रीय युद्धको चेतावनी र सम्भावित सम्झौता