राष्ट्रिय औषधि प्रयोगशालालाई ‘आईएसओ’ मान्यता प्राप्त

राष्ट्रिय औषधि प्रयोगशालाले अन्तरराष्ट्रिय प्रमाणीकरण ‘आइएसओ’ मान्यता प्राप्त गरेको छ । प्रयोगशालाले आइएसओ १७०२५ः२०१७ प्रमाणपत्र प्राप्त गरेको हो ।

स्थापनाको ६० वर्षपछि नेपालको एक मात्र औषधिको परीक्षण गर्ने सरकारी प्रयोगशाला ‘आईएसओ एक्रिडिटेसन सर्टिफाइड’ भएको हो । राष्ट्रिय औषधि प्रयोगशालाका निर्देशक भरत भट्टराईले प्रयोगशाला अब अन्तरराष्ट्रिय मापदण्डको सरकारी औषधि प्रयोगशालामा परिणत भएको र यसले औषधिको गुणस्तर सुनिश्चितताका लागि थप विश्वसनीयता आर्जन गर्ने बताउनुभयो ।

उहाँले भन्नुभयो, “प्रयोगशालाको सिङ्गो टोलीको तीन वर्षको अथक मेहनतका कारण प्रयोगशालाले आइएसओ सर्टिफिकेट पाएको हो । सर्टिफिकेट प्राप्त गर्नका लागि व्यवस्थापन र गुणस्तरीयतामा विशेष काम गरेका छौँ ।”

नेपालमा उत्पादन हुने र विदेशबाट आयात हुने औषधिको परीक्षण र विश्लेषण, गुणस्तर नियन्त्रण तथा व्यवस्थापन र गुणस्तर तथा विधि पुष्टि गर्ने काम प्रयोगशालाले गर्दै आएको छ । औषधि व्यवस्था विभागबाट प्राप्त नमूनाहरु, निजी क्षेत्रका औषधि उद्योग, विभिन्न निकाय र संस्थाबाट प्राप्त नमूना र अन्य औषधि परीक्षण गर्ने तथा निजी प्रयोगशालाको गुणस्तर जाँच गर्ने काम प्रयोगशालाले गर्दै आएको छ ।

त्यसैगरी, प्रयोगशालाले नियमनको लेखापरीक्षण गर्ने, स्वदेशमा उत्पादित, वितरित एवं विदेशबाट आयात हुने औषधिको गुणस्तर परीक्षण र विश्लेषण गर्ने, विश्लेषण विधि पुष्टि गर्ने सरकारी निकायबाट प्राप्त खोपको प्रमाणीकरण गर्ने र कुशल प्रयोगशाला अभ्यासहरुको निरीक्षण लेखापरीक्षण गर्दै आएको छ ।

औषधि ऐन, २०३५ को दफा ६ बमोजिम स्थापना भएको नेपाल औषधि अनुसन्धानशाला, औषधिको वैज्ञानिक अनुसन्धान, परीक्षण र विश्लेषण गर्ने सरकारको प्रमुख अङ्गका रुपमा रहेको छ ।

थप समाचारहरु

वीर अस्पतालमा आजदेखि महिलालाई निःशुल्क क्यान्सर परीक्षण सेनाको शिविरमा २०८ जनाको स्वास्थ्य परीक्षण नेपाली शान्ति सैनिकको अदलीबदली वीरगञ्ज नाकाबाट सात महिनामा झण्डै छ खर्बको आयात कांग्रेसद्वारा प्रधानमन्त्री बालेन्द्र शाह र नयाँ मन्त्रिपरिषद्को सफल कार्यकालको शुभकामना खडकराज (गनेस) पौडेलः लेखकदेखि पर्यटनमन्त्रीसम्म पूर्वमन्त्री दीपक खड्का पक्राउ आज दिउँसो २ बजे मन्त्रिपरिषद् बैठक बस्दै अवैध लागुऔषधसहित विभिन्न स्थानबाट चौध जना पक्राउ आजको राशिफल : २०८२ चैत १६ गते सोमबार एक करोडभन्दा बढी लगानीमा प्रभुचेला ‘योगध्यान केन्द्र’ तयार परिवारको साथ लिएर आँखा शिविरमा आएका वृद्धवृद्धा उपचारपछि आफैँ घर फर्किए मेची राजमार्गमा पुनः पहिरो, सडक पूर्ण रूपमा अवरुद्ध सांसद हर्क साम्पाङमाथि ज्यान मार्ने र घर जलाउने धम्की प्रधानमन्त्री शाहले सांसदहरुलाई तीनवटा कामको प्राथमिकता निर्धारण गर्न आग्रह चट्याङबाट क्षति पुगेको रसुवाको विद्युत् सेवा पुनः सञ्चालन जिप दुर्घटनामा दुई सिँचाइ कर्मचारीको मृत्यु वैदेशिक रोजगारीका लागि स्वास्थ्य जाँच अब सबै सरकारी अस्पतालमा