खार्ग टापुमा आँखा लगाए परिणाम गम्भीर हुने इरानको चेतावनी

बिजनेस पाटी

२०८२ चैत्र १२

867 views

इरान र अमेरिकाबीचको सैन्य तनाव झन् चर्किँदै गएको छ ।

खाडी क्षेत्रमा अमेरिकी सैन्य उपस्थितिसँगै इरानी टापु कब्जाको आशंकाले क्षेत्रीय युद्धको जोखिम बढेको छ ।

इरानले आफ्नो भू–भागमा आक्रमण भए कडा प्रतिकार गर्ने चेतावनी दिएको छ ।

इरानी नेतृत्वले शत्रुको गतिविधि निगरानीमा रहेको बताउँदै सहयोग गर्ने देशलाई समेत गम्भीर परिणाम भोग्नुपर्ने जनाएको छ ।

उता, अमेरिकाले इरानलाई चेतावनी दिँदै खाडी क्षेत्रमा सैनिक र युद्धपोत पठाएको छ ।

वार्ताको दाबी भइरहे पनि दुवै पक्षबीच तनाव कम हुने संकेत देखिएको छैन ।

इरान समर्थित हुथी समूहले पनि जलमार्गमा दबाब बढाउन सक्ने संकेत दिएको छ ।

खार्ग टापुमा आक्रमण भए त्यसको परिणाम गम्भीर हुने र कोही पनि अमेरिकी सैनिक जीवित नरहने तेहरानको चेतावनी छ ।