राष्ट्रपति पौडेलद्वारा जापानी व्यवसायीलाई नेपालमा लगानी आह्वान

ललितपुर – राष्ट्रपति रामचन्द्र पौडेलले जापानी व्यापारिक समुदायलाई नेपालमा लगानी र व्यापार गर्न आह्वान गर्नुभएको छ । जापानमा नेपाल–जापान कूटनीतिक सम्बन्धको ७०औँ वर्षगाँठको अवसरमा आयोजित अन्तरक्रियात्मक कार्यक्रममा उहाँले नेपाल सरकार वैदेशिक लगानी र व्यापारलाई पूर्ण सहयोग, निर्बाध सहजीकरण र सुरक्षा प्रदान गर्न प्रतिबद्ध रहेको विश्वास व्यक्त गर्नुभयो ।

राष्ट्रपति पौडेलले नेपाल जापानी निजी क्षेत्रसँग घनिष्ट साझेदारी निर्माण गर्न चाहन्छ भन्नुभयो । हामीले लगानीमा आकर्षक प्रतिफलका साथै नाफा र पुँजी फिर्तीका लागि सहज प्रक्रियासहित स्थिर समष्टिगत आर्थिक वातावरण तयार गरेका छौँ । नेपालमा लगानी गरे धन पनि हुन्छ, धर्म पनि हुन्छ ।

उहाँले कृषि, जलस्रोत, पर्यटन, उत्पादन, सेवा, सूचना प्रविधि र खानी क्षेत्रलगायत विभिन्न क्षेत्रमा लगानी गर्न प्रोत्साहित गर्दै जापानी व्यवसायीलाई नेपालको सामाजिक–आर्थिक विकासमा सहभागी हुन आग्रह गर्नुभयो ।

राष्ट्रपति पौडेलले नेपालको राजनीतिक स्थिरता, सामाजिक न्याय, सुशासन र जनताको समृद्धि प्राप्तिमा केन्द्रित प्रयास र उदार आर्थिक नीतिहरूलाई लगानीमैत्री वातावरणको आधार भएको बताउनुभयो । यसअन्तर्गत कानुनी, प्रक्रियागत र संस्थागत सुधारहरू गर्दै नेपाल लगभग सबै क्षेत्र विदेशी लगानीका लागि खुला गरेको छ ।

उहाँले नेपालको भौगोलिक अवस्थिति भारत र चीनको बीचमा रहेकोले सम्भावित लगानीकर्ताहरूलाई ठूलो फाइदा पुग्ने विश्वास व्यक्त गर्नुभयो ।

कार्यक्रममा जापानका लागि नेपालका कार्यवाहक राजदूत हरिहरकान्त पौडेल, परराष्ट्र मन्त्रालयका सचिव अमृतबहादुर राई र सहसचिव भृगु ढुङ्गाना उपस्थित हुनुहुन्थ्यो। जापानी व्यापारिक समुदायले नेपालमा लगानीका अवसरहरूबारे जानकारी पाउँदा उत्साहित भएको र लगानीको ढोका खुल्ने विश्वास व्यक्त गरेको बताइएको छ ।

राष्ट्रपति पौडेलले नेपाली–जापानी सम्बन्धलाई सांस्कृतिक, कूटनीतिक र आर्थिक रूपमा अझ प्रगाढ बनाउने लक्ष्यमा जोड दिनुभयो ।

थप समाचारहरु

सिटिजन्स बैंकद्वारा लोटस सार्वजनिक विद्यालयलाई कम्प्युटर र प्रिन्टर वितरण गुणस्तरीय विद्यार्थीको पर्खाइमा विश्वविद्यालय श्रमिकलाई युरोप पठाउने बाटो खुल्यो तत्कालिन महाप्रबन्धक पौडेल सहित ७ जना विरुद्द भ्रष्ट्राचार मुद्दा वीरगञ्जमा सामाजिक सद्भाव भड्काउने कार्य नगर्न मुख्यमन्त्रीको आग्रह  ढाकावाङका किसानलाई मौरी वितरण    एनजी आएका कक्षा ८ का विद्यार्थीले पुनः परीक्षा दिन पाउने नेपालमा एमसीसी अन्तर्गतका परियोजनाले निरन्तरता पाउने स्वदेशी औषधिको मूल्य समायोजन नहुदा उद्योग सञ्चालनमा समस्या सुदीप न्यौपानेको हत्याविरुद्ध जनकपुरधाममा विशाल विरोध प्रदर्शन गर्भनर सिफारिस समितिको बैठक स्थगित पुर्व मन्त्री वामपन्थी नेता प्रदीप नेपालको निधन मन्त्रिपरिषद्को साउन १२ गतेको बैठकका निर्णय नेपाललाई डिजिटल मार्गमा अगाडि बढाउने गरी काम गरिरहेका छौँ : मन्त्री खरेल निर्वाचन आयोग आज प्रधानमन्त्री सुशीला कार्की सहित अन्य राजनीतिक दलका प्रतिनिधिहरुसँग छलफल गर्दै दोस्रो राष्ट्रिय आर्थिक गणना गरिँदै, चैतदेखि असारसम्म देशैभर तथ्याङ्क सङ्कलन गरिने टोपबहादुर रायमाझीको निवेदनमा आज सुनुवाइ हुँदै कैलाली–१ मा रेशम चौधरीविरुद्ध उजुरी दर्ता