डा. रमिल अधिकारीले गरे छोराको जन्मदिनमा सामुदायिक विद्यालयलाई आर्थिक सहयोग

ललितपुर – पोखरा–३१ मोहरीया निवासी डा. रमिल अधिकारीले आफ्नो छोरा अंश अधिकारीको जन्मदिनको अवसरमा पोखरा–२८ माझठाना स्थित रत्नशोभा माध्यमिक विद्यालयका विद्यार्थीहरूको लागि आर्थिक सहयोग प्रदान गरेका छन् । गीतकार प्रतिष्ठान, नेपालको समन्वयमा सोमबार डा. अधिकारीले विद्यालयलाई ११ हजार १११ रुपैयाँ प्रदान गर्नु भएको विद्यालयका प्रधानाध्यापक कृष्ण प्रसाद पौडेलले जानकारी दिनुभयो ।

विदेशमा बसेर पनि सांस्कृतिक, सामाजिक तथा मानविय क्षेत्रमा योगदान गर्दै आउनु भएका डा. अधिकारीले भने, “आफूले गरेको सानो सहयोगले विद्यार्थीहरूलाई पढाइमा हौसला मिल्नेछ र समग्र शैक्षिक क्रियाकलापमा टेवा पुग्नेछ।” विद्यालयमा विद्यार्थीलाई ३० रुपैयाँमा खाना खुवाइने समाचारले प्रेरित भएर आफूले सहयोग गरेको र आगामी दिनमा पनि सहयोग जारी राख्ने प्रतिबद्धता व्यक्त गर्नुभयो ।

गीतकार प्रतिष्ठान नेपालका अध्यक्ष अनुराग अधिकारीले जन्मदिनमा अनावश्यक खर्च गर्नुको सट्टा यस्ता पवित्र कार्यमा सहयोग गर्दा आनन्द र प्रभावकारिता बढी हुने बताउनुभयो । साथै, युवा पुस्तालाई सकारात्मक सोचमा परिवर्तन ल्याउन आवश्यक रहेकोमा जोड दिनुभयो ।

कार्यक्रममा प्रधानाध्यापक पौडेलले सहयोग रकम ग्रहण गर्दै विद्यार्थीहरूको हितमा योगदान पुर्‍याएकोमा धन्यवाद ज्ञापन गर्नुभयो र सानो बाबु अंशको सु–स्वास्थ्य तथा दीर्घायुको कामना गर्नुभयो । मादी भगवती एल फर्मका सञ्चालक एवं पूर्व विद्यार्थी बुद्धिप्रसाद सुवेदीले पनि सामुदायिक विद्यालय सबैको साझा चौतारी भएको अनुभव व्यक्त गर्दै आगामी दिनमा निरन्तर सहयोग गर्ने प्रतिबद्धता व्यक्त गर्नुभयो ।

विद्यालय व्यवस्थापन समिति शिक्षक प्रतिनिधि पूर्णबहादुर खत्रीले विदेशमा रहेर पनि मातृभूमि र विद्यालयप्रति माया देखाउने डा. अधिकारीलाई धन्यवाद व्यक्त गर्नुभयो । कार्यक्रम शिक्षक ऋषिराम रानाभाटले सञ्चालन गर्नुभयो ।

थप समाचारहरु

युनिभर्सल सर्टिफिकेटसहित ‘हेल्लो काँशीराम’ सेन्सर पास आजको मौसम : पहाडी भू–भागमा आंशिक बदली, बाँकी भू–भागमा मूख्यतया सफा छिमेकीको हत्या गरी नक्कली साधु बनेका लोकनाथ १७ वर्षपछि पक्राउ दिवङ्गत पत्रकार सुरेश रजकको सम्झनामा दीप प्रज्वलन शिक्षकका माग अविलम्ब पूरा गर्नुपर्छः पूर्वप्रधानमन्त्री खनाल निस्दीमा घट्दैछ बालविवाह विशेषको फैसला चित्त नबुझेको भन्दै आयोग सर्वोच्चमा भृकुटीमण्डपमा यामाहा ब्लु फेस्टको भव्य उद्घाटन पछिल्लो २४ घण्टाको विपद्ः तीनको मृत्यु, सोह्रजना घाइते पूर्वराजाद्वारा नयाँ वर्षको शुभकामना व्यक्त आजदेखि नववर्ष २०८२ प्रारम्भ खाल्टाबाट सत्यवती मन्दिर जोड्ने पदमार्ग निर्माण प्रधानमन्त्रीसँग शिक्षक महासङ्घका पदाधिकारीको छलफल गाउँमै अल्लो प्रशोधन गरी कपडा उत्पादन ‘कालोबजारी गर्ने व्यवसायीलाई कारबाही गरिने छ’ ज्येष्ठ शुक्ल एकादशीः घरका मठमा तुलसीको दल राखिँदै बाँकेमा भूमिहीनलाई जग्गाधनी प्रमाणपुर्जा फाप्लु विमानस्थलमा सत्र दिनपछि उडान