मिथिलामा रामजन्मोत्सव धुमधामका साथ मनाइँदै

मिथिलाञ्चलमा आज विविध धार्मिक अनुष्ठान गरेर रामजन्मोत्सव धुमधामका साथ मनाइँदै छ । मिथिला क्षेत्रका मठ, मन्दिर र देवालयहरूमा विशेष धार्मिक कार्यक्रम प्रारम्भ भएका छन् ।

विशेषगरी रामानुज सम्प्रदायका मठमन्दिरमा निरन्तर रामनाम सङ्कीर्तन तथा रामलीला मञ्चन भएका भने गाउँसहरमा रामभजन गुुञ्जिरहेका छन् ।

‘श्रीराम आराध्यदेव मात्र होइन, मिथिलाका ज्वाइँका रूपमा पूजित हुनुहुन्छ,’ लक्ष्मीनारायण मठका महन्थ रवीन्द्रदास वैष्णवले भन्नुभयो, ‘यसकारण पनि रामनवमी मिथिलाको विशिष्ट पर्व हो ।’

मिथिलाञ्चलका रामजानकी मन्दिरहरूमा रामायण, श्रीमद्भागवत महापुराण तथा सुन्दरकाण्ड पाठ भइरहेको छ । श्रद्धालुहरू व्रत पनि बसेका छन् । भगवान् विष्णुका २४ अवतारमध्ये त्रेतायुगमा भएको रामअवतार विशेष महत्वको मानिने महन्थ वैष्णवले बताउनुभयो ।

मिथिलामा श्रीरामको आगमन, सीता स्वयंवर, विवाह तथा त्यसपछिका विभिन्न क्षेत्रको परिभ्रमणसम्बन्धी कथाहरूले पनि यस पर्वलाई यहाँ विशेष बनाएको उहाँको कथन छ ।

थप समाचारहरु

सल्लाघारीस्थित मुख्य चोकमै जब दुई वटा बस ठोक्किए… कांग्रेस केन्द्रीय कार्यसमितिको बैठक : विभिन्न ११ प्रस्तावमाथि छलफल जारी ज्येष्ठ सदस्य केसीले पद तथा गोपनीयताको शपथ लिनुहुँदै तोलामा १४ हजार ६ सयले बढ्यो सुनको मूल्य सुनसान सिंहदरबार अष्ट्रेलियामा मुद्रास्फीति घटेर ३.७ प्रतिशतमा, अपेक्षाभन्दा राम्रो स्थिति युक्रेनमा व्यापक आक्रमण, कैयौँ सहरमा जनजीवन प्रभावित चैत्र शुक्ल नवमी : विधिपूर्वक मनाइँदै रामनवमी पर्व