रेडक्रसले राजनीतिबाट टाढा रही निष्पक्ष सेवा दिनुपर्छः गृहमन्त्री अर्याल

ललितपुर — गृहमन्त्री ओमप्रकाश अर्यालले नेपाल रेडक्रस सोसाइटीले कुनै पनि राजनीतिक प्रभावबाट मुक्त भई आफ्नो मानवीय दायित्व निष्पक्ष रूपमा पूरा गर्नुपर्नेमा जोड दिनुभएको छ ।

आज गृह मन्त्रालयमा आयोजित छलफलका क्रममा गृहमन्त्री अर्यालले रेडक्रसको केन्द्रीय तहमा लामो समयदेखि देखिँदै आएका संस्थागत समस्या कानुन, विधि र प्रक्रिया अनुसार समाधान गर्न स्पष्ट निर्देशन दिनुभयो ।

उहाँले तदर्थ समितिलाई तोकिएको जिम्मेवारी समयमै पूरा गर्न, निर्धारित अवधिभित्र निर्वाचन सम्पन्न गर्न र संस्थाको विधान सङ्घीय संरचनाअनुसार संशोधन गर्न आग्रह गर्नुभयो । साथै, रेडक्रसलाई राजनीतिक हस्तक्षेपबाट पूर्ण रूपमा अलग राखी सेवामुखी र निष्पक्ष संस्थाका रूपमा अघि बढाउनुपर्ने उहाँको भनाइ थियो ।

गृहमन्त्री अर्यालले संस्थाको मूल मानवीय उद्देश्यबाट विचलित नहुनुका साथै सरकारको सहयोगी निकायका रूपमा गृह मन्त्रालय तथा महिला, बालबालिका तथा ज्येष्ठ नागरिक मन्त्रालयसँग समन्वय गरेर काम गर्नुपर्ने पनि उल्लेख गर्नुभयो ।

छलफलमा गृह सचिव राजकुमार श्रेष्ठ, महिला, बालबालिका तथा ज्येष्ठ नागरिक मन्त्रालयकी सचिव राधिका अर्याल, काठमाडौँका प्रमुख जिल्ला अधिकारी तथा दुवै मन्त्रालयका वरिष्ठ अधिकारीहरूको सहभागिता थियो । नेपाल रेडक्रस सोसाइटीका तर्फबाट तदर्थ समितिका अध्यक्ष विनोदकुमार शर्मा, महासचिव मीनबहादुर मल्ललगायत प्रतिनिधिहरू उपस्थित हुनुहुन्थ्यो ।

थप समाचारहरु

रास्वपाका सभापति रविको मुद्दा ‘हेर्न नमिल्ने’ मा आफ्नो हातबाट गलत काम भएको दिन राजनीतिमा देखा नपर्ने लेखकको भनाई : भिजिट भिसा प्रकरणमा आफ्नो नेतृत्वको कुनै संलग्नता नरहेको गृहको जिकिर यस्ता छन् सोमवार बसेको मन्त्री परिषद बैठकका निर्णय सत्तागठबन्धन ८४ सम्म निरन्तर चल्ने देउवाको दाबी प्रतिनिधिसभाको बैठक बस्दै राप्रपा पछि रास्वपाले पनि गर्यो प्रतिनिधिसभाको छलफल बहिस्कार राष्ट्रियसभाः  केही नेपाल ऐन संशोधन गर्ने विधेयकसम्बन्धी समितिको प्रतिवेदन  पेस आजको प्रतिनिधिसभाबाट ७९ वटा ऐन संशोधन गर्ने विधेयक पारित हुँदै मन्त्री गुप्ताले प्रधानमन्त्रीको सचिवालयमा राजीनामा पत्र छाडेर सामाजिक सञ्जालमार्फत् जानकारी गराए प्रधानमन्त्रीको चीन भ्रमण स्वीकृत आज प्रतिनिधिसभाको बैठक बस्दै जेनजी आन्दोलनको दोश्रो दिन प्रमुख घटना प्रधानमन्त्री कार्कीलाई अमेरिका र चीनद्वारा स्वागत संसद् भवनको काम पुसभित्रै सम्पन्न गरौँँ, अनियमितता भेटे तुरुन्तै कारबाही गरौँ – मन्त्री घिसिङ सुरक्षा व्यवस्थालाई चुस्त बनाउन गृहमन्त्रीको निर्देशन एमालेको महाधिवेशनमा २४६३ जना प्रनिनिधि सहभागी हुने सभापति गगन थापाको वैधानिकतापछि देउबाको बाटो के? कैलाली–१ मा रेशम चौधरीविरुद्ध उजुरी दर्ता