डोजरबाट सुरु भएको परिवर्तन आधुनिक पूर्वाधारको प्रतीक तर्फ – सल्यानको श्रीनगर बसपार्क

ललितपुर । २०७९ माघ २ मा शारदा नगरपालिकाले सल्यानको प्रमुख व्यापारिक केन्द्र श्रीनगर बसपार्क क्षेत्रमा रहेका अव्यवस्थित घर–टहरा हटाउँदै सुधारको यात्रा सुरु गरेको थियो । सुरुवातमै यो कदमले व्यापक चर्चा पायो-कसैले आवश्यक सुधार भने, कसैले योजना अलपत्र पर्ने चिन्ता व्यक्त गरे ।

तर समयसँगै परियोजनाले गति लियो। बीचमा बजेट अभावका कारण काम सुस्त भए पनि जनप्रतिनिधिको सक्रियता, संघीय र प्रदेश सरकारको सहयोग तथा स्थानीयको साथले निर्माण कार्य अघि बढ्दै गयो। अहिले श्रीनगर बसपार्क आधुनिक, व्यवस्थित र सुविधा सम्पन्न पूर्वाधारका रूपमा स्थापित भएको छ ।

स्थानीय सुशील रावतका अनुसार पहिले बसपार्क अव्यवस्थित हुँदा सडकमै पार्किङ गर्नुपर्ने अवस्था थियो, जसले बजारको सौन्दर्य र व्यापार दुवैमा असर पारेको थियो। अहिले भने संरचना व्यवस्थित बनेपछि ती समस्या हटेका छन् ।

पहिले हिउँदमा धुलो र बर्खामा हिलोको समस्या झेल्नुपर्थ्यो भने पार्किङ अभावले जाम र दुर्घटनासमेत हुने गर्थ्यो। अहिले बसपार्क निर्माणसँगै ती समस्या समाधान हुँदै गएको सल्यान–रुकुम यातायात प्रालिका इञ्चार्ज नवीन वली बताउँछन् ।

बसपार्क क्षेत्रमा दुई वटा ३४ कोठे व्यापारिक भवन, ३५ स्टल र ३४ सटरसहित विभिन्न संरचना निर्माण गरिएको छ । संघीय सरकार, कर्णाली प्रदेश सरकार र शारदा नगरपालिकाको साझेदारीमा ५ करोड ६० लाख रुपैयाँ लागतमा यो परियोजना सम्पन्न गरिएको हो ।

बसपार्क सञ्चालनको जिम्मा ठेक्का प्रक्रियामार्फत जय बागेश्वरी कन्स्ट्रक्सन एन्ड सप्लायर्सलाई दिइएको छ, जसले नगरपालिकालाई वार्षिक करिब ५२ लाख रुपैयाँ राजस्व बुझाउनेछ ।

नगर प्रमुख प्रकाश भण्डारीका अनुसार अवैध संरचना हटाउने निर्णय नगरपालिकाका लागि ऐतिहासिक क्षण थियो । पटकपटक सूचना जारी गर्दा पनि नहटेपछि अन्ततः डोजर प्रयोग गर्नुपरेको उनले बताए ।

उनका अनुसार सुरुमा परियोजना पूरा हुन्छ कि हुँदैन भन्ने आशंका थियो, तर विभिन्न निकायसँग सहकार्य गर्दै काम सम्पन्न गरिएको हो । अहिले यो बसपार्क जिल्लाकै उदाहरणीय पूर्वाधार बनेको र आम्दानीको स्रोतसमेत भएको उनले बताए ।

बसपार्क सञ्चालनमा आएसँगै श्रीनगर बजारको अव्यवस्थित पार्किङ समस्या समाधान हुँदै गएको छ । यसले शहरी व्यवस्थापन सुधार्नुका साथै स्थानीय अर्थतन्त्रमा सकारात्मक प्रभाव पार्ने अपेक्षा गरिएको छ ।

डोजरको आवाजबाट सुरु भएको यो यात्रा आज आधुनिक पूर्वाधार, सहज यातायात र आर्थिक सम्भावनाको प्रतीक बनेको छ । श्रीनगर बसपार्क अब केवल यात्रु चढ्ने–ओर्लिने स्थान मात्र नभई सल्यानको विकासको संकेतका रूपमा स्थापित भएको छ ।

थप समाचारहरु

यस्तो छ आजको विदेशी मुद्राको विनिमयदर आज पनि बढ्यो सुनचाँदीको मूल्य, कतिमा हुँदैछ कारोबार ? शेयर बजार ७४ अंकले घट्यो, १२ अर्ब १० करोडको कारोबार भारतमा इन्धन महँगियो, युद्धको असर देखिँदै महेश बस्नेतविरुद्धको रिट उच्च अदालतद्वारा खारेज अमेरिकी राष्ट्रपति ट्रम्पद्वारा राष्ट्रका नाममा सम्बोधन गर्दै आज विश्व अटिजम सचेतना दिवस राजस्व चुहावट नियन्त्रणबारे अर्थमन्त्री डा. वाग्ले र गृहमन्त्री गुरुङ सहितको उच्चस्तरीय बैठक जेनजी आन्दोलनमा भएको हिंसात्मक गतिविधिको निष्पक्ष छानबिन गर्न एमालेको माग ट्रम्पको सम्बोधनपछि इजरायलमा इरानी क्षेप्यास्त्र आक्रमण ‘स्ट्रेट अफ हर्मुज’ लाई सञ्चालन गर्न सैन्य अभियान ‘अवास्तविक’ : म्याक्रोँ सभामुख बन्न डीपी अर्यालले दिए उम्मेदवारी प्रधानमन्त्री शाहको प्रेस तथा अनुसन्धान विज्ञमा दिपा दाहाल नियुक्त वैदेशिक रोजगारमा ठगी गर्नेहरूको विवरण सार्वजनिक लेबनान द्वन्द्वको असर, संयुक्त राष्ट्र क्षेत्रमा कर्मचारी जोखिममा सङ्घीय संसद्को दुवै सदनको बैठक बस्दै आज आजदेखि मतदाता नामावली सङ्कलन सुरु हुँदै