शिक्षामन्त्री पोखरेलद्वारा नवप्रवर्तनमुखी शिक्षा तथा युवामैत्री नीति प्रवर्द्धन गर्ने प्रतिबद्धता

शिक्षा, विज्ञान तथा प्रविधि र युवा तथा खेलकुदमन्त्री सस्मित पोखरेलले गुणस्तरीय, समावेशी र नवप्रवर्तनमुखी शिक्षा तथा युवामैत्री नीतिको प्रवर्द्धन गर्ने प्रतिबद्धता जनाउनुभएको छ ।

सरकारको प्रवक्ताको समेत जिम्मेवारी पाएपछि सामाजिक सञ्जालबाट प्रतिक्रिया दिँदै मन्त्री पोखरेलले यो जिम्मेवारीलाई आफूले केवल पदका रूपमा नभएर राष्ट्रको भविष्य निर्माण गर्ने शिक्षा प्रणालीको सुदृढीकरण, वैज्ञानिक सोचको विकास, प्रविधिमैत्री समाज निर्माण साथै युवाशक्तिको सशक्तीकरण र खेलकुदमार्फत राष्ट्रिय गौरव अभिवृद्धि गर्ने जिम्मेवारीका रूपमा ग्रहण गरेको स्पष्ट पार्नुभएको छ ।

विद्यार्थी, शिक्षक, अनुसन्धानकर्ता तथा सम्पूर्ण युवापुस्ताका अपेक्षाहरूलाई आत्मसात् गर्दै वैश्विक प्रतिस्पर्धामा सक्षम जनशक्ति उत्पादन, अनुसन्धान तथा नवप्रवर्तनलाई प्रोत्साहन र प्रविधिको प्रभावकारी उपयोगमार्फत राष्ट्र निर्माणमा टेवा पुर्याउनेछु, उहाँले भन्नुभएको छ, ‘युवाहरूको ऊर्जा, सिर्जनशीलता र क्षमतालाई सही दिशामा परिचालन गर्दै उद्यमशीलता, रोजगारी र नेतृत्व विकासका अवसरहरू विस्तार गर्नेछु ।

खेलकुद क्षेत्रको व्यावसायिक विकास, प्रतिभाको पहिचान र अन्तरराष्ट्रिय मञ्चमा नेपालको सशक्त उपस्थिति सुनिश्चित गर्न दृढताका साथ अघि बढ्नेछु ।’

थप समाचारहरु

अर्जुननरसिंह केसी संसद प्रवेश, लिए शपथ केसीले सुरु गरे संसद्को कार्यभार राष्ट्रपतिसमक्ष सर्वोच्च अदालतको वार्षिक प्रतिवेदन पेस नवनिर्वाचित प्रतिनिधिसभा सदस्यको शपथ आज सदनमा देखिने छन् अधिकांश नयाँ विधायक सुशासन र पुनर्संरचना सरकारको एजेन्डा : डा. वाग्ले रास्वपा संसदीय दलको बैठकः संसदीय पदाधिकारी चयन गर्ने अधिकार पार्टी नेतृत्वलाई ‘नयाँ सरकार निर्माणबाट मुलुकमा आर्थिक चलायमान हुने’ सिंहदरबारमा आज चहलपहल नयाँ प्रधानमन्त्रीको शपथ आज सुदन गुरुङ गृहमन्त्री बन्दै १४ नवनियुक्त मन्त्रीहरुले लिए सपथ सामान्य प्रशासन, भूमि व्यवस्थामन्त्रीमा प्रतिभा रावल नवनियुक्त प्रधानमन्त्री बालेन्द्र लाई पूर्वप्रधानमन्त्री कार्कीको बधाई बालेनलाई बधाई दिँदै मोदी भने : मिलेर काम गर्न उत्साहित