प्रतिनिधिसभा निर्वाचन: योग्यता नपुगेका उम्मेदवारविरुद्ध आज उजुरी दिन सकिने

ललितपुर – मनोनयन पत्र दर्ता गरी उम्मेदवारको सूचीमा समावेश भएका उम्मेदवारविरुद्ध आज उजुरी दिन सकिनेछ । निर्वाचन कार्यतालिकाअनुसार आज बिहान १० बजेदेखि दिउँसो ३ बजेसम्म योग्यता नपुगेका उम्मेदवारविरुद्ध उजुरी दिने अवधि तोकिएको छ ।

मंगलबार १६५ वटै निर्वाचन क्षेत्रका निर्वाचन अधिकृतको कार्यालयमा उम्मेदवारी दर्ता भएको थियो। निर्वाचन आयोगका सहायक प्रवक्ता कुलबहादुर जिसीका अनुसार, उजुरी दिने प्रक्रिया प्रतिनिधिसभा निर्वाचन निर्देशिका, २०८२ को अनुसूची १६ बमोजिम हुनेछ ।

निर्वाचन अधिकृतले उजुरी दर्ता भएपछि अनुसूची १७ र १८ अनुसार दर्ता किताबमा अंकन गरी उजुरी कर्तालाई जानकारी दिनुपर्नेछ। उजुरीको विवरण म्याद सकिएपछि अनुसूची १९ अनुसार कार्यालयमा प्रकाशन हुनेछ र उजुरी परेको उम्मेदवारले तोकिएको अवधिमा प्रमाणसहित उपस्थित हुनुपर्नेछ ।

आज दिउँसो ३ बजेदेखि माघ ८ गते बेलुका ५ बजेसम्म उजुरीको जाँचबुझ एवं निर्णय हुनेछ । माघ ८ गते ५–७ बजेसम्म उम्मेदवारको नामावली प्रकाशन गरिनेछ भने माघ ९ गते १०–१ बजे उम्मेदवारले नाम फिर्ता लिन सक्नेछन्। अन्तिम नामावली माघ ९ गते १–३ बजे प्रकाशित हुनेछ र सोही दिन ४–७ बजे उम्मेदवारलाई निर्वाचन चिन्ह प्रदान गरिने कार्यक्रम तय छ ।

अहिलेसम्म प्राप्त जानकारीअनुसार पुरुष ३०८९, महिला ३९६ र तेस्रो लिङ्गी १ गरी जम्मा ३४८६ उम्मेदवारको मनोनयन दर्ता भएको छ ।

थप समाचारहरु

स्थगित माओवादी केन्द्रको जागरण अभियान पुन नवलपुरबाट सुरु राजावादीहरुले बनाएको संयुक्त जनआन्दोलन समितिले रास्वपालाई पठायो सहकार्यका निम्ति पत्र दुई दलका शीर्ष नेताहरुबीच गृहमन्त्री लेखकसहितको छलफल कमल थापालाई भेट्न गएका दिपक सिंह पक्राउ प्रतिनिधिसभाको बैठक सूचना टाँस गरेर भोलि १ बजे बस्ने गरी स्थगित अध्यक्ष नेपालविरुद्ध योजनाबद्ध षड्यन्त्र भएको समाजवादीको निष्कर्ष ओलीमा राजनीतिक प्रतिशोधको गन्ध आयो : प्रचण्ड सत्तापक्ष र प्रमुख प्रतिपक्षीबीच २ बुँदे सहमति : सदन खुल्छ – प्रचण्ड खानेपानी विभागको चालु आर्थिक वर्षको वित्तिय प्रगति उत्कृष्ट स्पेन काण्ड : रास्वपाद्वारा प्रधानमन्त्रीको जवाफ माग सहज र सरल माध्यमबाट लगानी गर्ने वातावरण बनाउनुपर्छ : देउवा सोमबारको मन्त्रिपरिषद् बैठकले गर्यो १८ निर्णय : एआई नीति स्वीकृत शेर बहादुर देउवा र आरजु राणा घाइते सभामुखले बोलाएको सर्वदलीय बैठकमा रास्वपासहित चार दलको अनुपस्थिति मंसीर २७ मा इतिहासकै ठूलो जनसभा गर्ने एमाले महासचिव पोखरेलको दाबी एमाले महाधिवेशनको प्रतिनिधि चयनको तयारी सुरु महेश बस्नेतको विरोधमा निरन्तर जेनजी युवाहरू, आज पनि गरियो विरोध सुधन गुरुङको भूमिकालाई देशले एकसय वर्षसम्म बिर्सने छैन : मेयर बालेन