भेनेजुएलामा मेलमिलापको संकेतः आम माफी विधेयक संसदमा दर्ता

ललितपुर — भेनेजुएलामा लामो समयदेखि जारी राजनीतिक तनाव कम गर्ने प्रयासस्वरूप कार्यवाहक राष्ट्रपति डेल्सी रोड्रिगेजले आम माफीसम्बन्धी विधेयक संसदमा प्रस्तुत गर्नुभएको छ । उक्त विधेयक पारित भए राजनीतिक कारणले जेलमा रहेका सयौँ व्यक्तिहरू—जसमा विपक्षी नेता, पत्रकार तथा मानवअधिकारकर्मीहरू पनि पर्नेछन्—रिहा हुने सम्भावना देखिएको छ ।

अमेरिकी समर्थन प्राप्त विपक्षी समूहले लामो समयदेखि माग गर्दै आएको यो कदमलाई रोड्रिगेजले राष्ट्रपतिको जिम्मेवारी सम्हालेपछि प्राथमिक एजेन्डाका रूपमा अघि सार्नुभएको हो । संसदमा सम्बोधन गर्दै उहाँले राजनीतिक द्वन्द्वबाट उत्पन्न विभाजन अन्त्य गर्दै राष्ट्रिय सहअस्तित्व र न्यायको नयाँ दिशातर्फ अघि बढ्ने उद्देश्य रहेको स्पष्ट पार्नुभयो ।

यसै क्रममा राजधानी काराकसस्थित कुख्यात हेलिकोइड जेल बन्द गर्ने घोषणा पनि गरिएको छ । सो संरचनालाई भविष्यमा खेलकुद, सामाजिक तथा सांस्कृतिक गतिविधिको केन्द्रका रूपमा विकास गर्ने योजना रहेको सरकारको भनाइ छ ।

सरकारी तथ्याङ्कअनुसार हाल भेनेजुएलामा राजनीतिक गतिविधिसँग जोडिएर ७११ जना कारागारमा छन्, जसमध्ये १८३ जनाले सजाय अवधि पूरा गरिसकेका छन् । प्रमुख विपक्षी पात्रहरूमा पूर्व सांसद फ्रेडी सुपरलानो, माचाडोका कानुनी सल्लाहकार पर्किन्स रोचा र पूर्व गभर्नर जुआन पाब्लो गुआनिपा रहेका छन् ।

प्रस्तावित आम माफी कानूनले सन् १९९९ यतादेखिको राजनीतिक हिंसाका घटनालाई समेट्नेछ । तर हत्या, लागूपदार्थ कारोबार, भ्रष्टाचार तथा गम्भीर मानवअधिकार उल्लङ्घनमा संलग्न ठहरिएका व्यक्तिहरू यस कानुनको दायरामा नपर्ने स्पष्ट गरिएको छ । मानवअधिकार तथा सामाजिक संस्थाहरूले विधेयकको स्वागत गर्दै यसको कार्यान्वयन पारदर्शी हुनुपर्नेमा जोड दिएका छन् ।

थप समाचारहरु

डलर अर्बपतिको सूचीमा थपिए १४१ जना ट्रम्पको कर नीति : नेपालसहित १०० देशमाथिको करको नयाँ दर सूची सार्वजनिक बैङ्कक सोचपत्र २०३० जारी गर्दै बिम्स्टेक शिखर सम्मेलन सम्पन्न बेकोको उत्कृष्ट प्रोडक्टमा ‘अनबक्स् ह्याप्पिनेस’ नयाँ बर्ष उपहार योजना ब्राजिलियन फुटबल खेलाडी कार्लोस नेपालमा    कश्मीर आक्रमणपछि भारत कडा रुपमा प्रस्तुत : पाकिस्तानसँगको कूटनीतिक सम्बन्ध स्थगित नेपालमा एमसीसी अन्तर्गतका परियोजनाले निरन्तरता पाउने इनारमा गाडी खस्दा १२ जनाको मृत्यु भारत र पाकिस्ताबीच उत्पन्न तनावप्रति नेपाल सचेत रहनुपर्नेमा जोड लण्डन जाँदै गरेको दुर्घटनाग्रस्त एयर इण्डियाको जहाजमा नेपालीहरु यात्रामा थिएनन् – जहाजमा चालक दलका सदस्यसहित २४२ जना यात्रु अमेरिकाभित्रै ट्रम्प प्रशासनको तीव्र विरोध : २१ राज्यले ट्रम्प प्रशासनमाथि हाले मुद्दा विश्व व्यापारलाई पुनः आकार दिन दर्जनौँ देशमाथि कर लगाउने ट्रम्पको आदेश अमेरिकी कानुन उल्लंघनको आरोपमा अमेरिकाले रद्द गर्‍यो ६ हजार बढी विद्यार्थीको भिसा कानूनको पालना गर्न र संयम अपनाउन संयुक्त राष्ट्रसंघका महासचिव गुटेरसको सन्देश नेपालमा भएको हिंसा हृदयविदारक, शान्ति कायम गर्नुहोस् : भारतीय प्रधानमन्त्री हमासद्वारा बन्धक बनाइएकाहरू रिहाइको अन्तिम तयारी अस्ट्रेलियाले बालबालिकालाई लगाउन लागेको सामाजिक सञ्जाल प्रतिबन्धबारे युट्युबको कडा आलोचना संयुक्त राष्ट्रसङ्घ आर्थिक संकटतर्फ, गुटेरेसको कडा चेतावनी