कांग्रेसको दोस्रो विशेष महाधिवेशन आजबाट : उपत्यकाका ६ स्थानबाट जुलुस निकालिँदै

ललितपुर। नेपाली कांग्रेसको दोस्रो विशेष महाधिवेशन आजबाट शुरू हुँदैछ। यस विशेष महाधिवेशनको उद्घाटन आज दिउँसो १ बजे भृकुटीमण्डपमा हुनेछ।

उपत्यकाका विभिन्न ६ स्थानबाट महाधिवेशनमा सहभागी प्रतिनिधिले जुलुस निकालेर भृकुटीमण्डप पुगेपछि औपचारिक उद्घटान कार्यक्रम सुरु हुनेछ । महाधिवेशन आयोजक समितिका अनुसार उद्घाटन समारोहअघि शक्ति प्रदर्शनका रूपमा उपत्यकाका विभिन्न स्थानबाट जुलुस आयोजना गर्न लागिएको हो। त्यसकाट लागि ६ वटा रुटबाट जुलुस प्रदर्शन हुनेछन् । सबै रुटबाट बिहान ११ बजे जुलुस निस्कने कार्यक्रम तय गरिएको काँग्रेस सचिवालयले जनाएको छ। उद्घाटन समारोह सकिएपछि आजै बन्दसत्र पनि प्रारम्भ गरिनेछ। विशेष महाधिवेशन सोमबारसम्म सञ्चालन हुनेछ।

नेपाली काँग्रेसको दोस्रो विशेष महाधिवेशन व्यवस्थापन सचिवालयका अनुसार जुलुस ललितपुरको कुपण्डोल तथा काठमाडौँका सुन्धारा, रत्नपार्क, पद्मकन्या क्याम्पसचोक, शंकरदेव क्याम्पस र कमलपोखरीबाट भृकुटीमण्डपतर्फ प्रस्थान गर्नेछ।

यस्तो छ जुलुस निस्कने रुटः
रुट नम्बर १
जम्मा हुने स्थान : सुन्धारा

सुन्धारामा चितवन, अर्घाखाँची, नवलपुर तथा सुदूरपश्चिमका जिल्लाबाट आएका कांग्रेस नेता(कार्यकर्ता जम्मा हुनेछन्। काठमाडौँ निर्वाचन क्षेत्र ८,९ र १० का नेता–कार्यकर्ता पनि यही जुलुसमा सहभागी हुनेछन् । जुलुस सुन्धाराबाट वीर अस्पताल, रत्नपार्क पुरानो बसपार्क हुँदै भृकुटीमण्डप प्रवेश गर्नेछ।

रुट नम्बर २
जम्मा हुने स्थान : रत्नपार्क

नुवाकोट, रसुवा, धादिङ तथा काठमाडौँको उत्तरी क्षेत्रका साथै निर्वाचन क्षेत्र ५, ६ र ७ का नेता–कार्यकर्ता रत्नपार्कको जुलुसमा सहभागी हुनेछन्। यो जुलुस रत्नपार्कबाट पुरानो बसपार्क हुँदै विशेष महाधिवेशन स्थल पुग्नेछ।

रुट नम्बर ३
जम्मा हुने स्थान : पद्मकन्या क्याम्पस

बाँके, बर्दिया, धनुषा, सप्तरी, सिरहा, महोत्तरी, सर्लाही, रौतहट, बारा र पर्साबाट आएका नेता–कार्यकर्ता यस रुटमा सहभागी हुनेछन्। काठमाडौँका क्षेत्र ५, ६ र ७ का नेता(कार्यकर्ता पनि यही जुलुसमा रहने छन् । जुलुस पद्मकन्या क्याम्पसबाट पुतलीसडक, शंकरदेव क्याम्पस, पद्मोदय मोड हुँदै भृकुटीमण्डप प्रवेश गर्नेछ।

रुट नम्बर ४
जम्मा हुने स्थान : शंकरदेव क्याम्पस

भक्तपुर, काभ्रे, दोलखा, रामेछाप, सिन्धुपाल्चोक, सिन्धुली तथा काठमाडौँ निर्वाचन क्षेत्र २ र ३ का नेता–कार्यकर्ता यस जुलुसमा सहभागी हुनेछन् ।
यो जुलुस शंकरदेव क्याम्पसबाट पुतलीसडक, पद्मोदय मोड हुँदै भृकुटीमण्डप पुग्नेछ ।

रुट नम्बर ५
जम्मा हुने स्थान : कमलपोखरी

काठमाडौँ निर्वाचन क्षेत्र १ र ४ का नेता–कार्यकर्ता कमलपोखरीमा जम्मा भएर चारखाल अड्डा, डिल्लीबजार, पुतलीसडक, शंकरदेव क्याम्पस हुँदै भृकुटीमण्डप प्रवेश गर्नेछन् ।

रुट नम्बर ६
जम्मा हुने स्थान : कुपण्डोल

ललितपुरको कुपण्डोलबाट निस्कने जुलुसमा ललितपुर र मकवानपुरका नेता(कार्यकर्ताको सहभागिता रहनेछ। यो जुलुस कुपण्डोल, थापाथली, त्रिपुरेश्वर, सुन्धारा, वीर अस्पताल, रत्नपार्क, पुरानो बसपार्क हुँदै भृकुटीमण्डप पुग्नेछ।

थप समाचारहरु

ग्लोबल मनी विकमा नबिल बैंकको देशव्यापी कार्यक्रम प्रधानमन्त्री ओली र थाइल्याण्डका समकक्षी पेटोङटार्न सिनावात्राबीच भेटवार्ता निर्वाचन आयोग मतदाता नामावली अद्यावधिक गर्दै विद्या भट्टराईको राजीनामाप्रति एमाले दुई खेमामा भन्सार विधेयक पारित हिंसात्मक राजनीतिबाट एमाले पनि पीडित छ : प्रधानमन्त्री ओली कोशी प्रदेशमा तीनदिनसम्म गणतन्त्र दिवस मनाइने साउदीमा बन्धक बनाइएका नेपालीको तत्काल उद्धार गरौं : ज्ञानबहादुर शाही मुख्यसचिव ,प्रधान सेनापति सहितका सुरक्षा प्रमुखहरुले गरे संवादबाट निकास खोज्न सम्बद्ध पक्षलाई अपिल मेयर बालेनले गरे जेनजीहरूलाई संयमित हुन आग्रह – वार्ता गर्नुअघि संसद् विघटन भएको हुनुपर्ने निवर्तमान प्रधानमन्त्री केपी शर्मा ओलीविरुद्ध कर्तव्य ज्यान मुद्दामा जाहेरी आन्दोलनमा भएको हत्या, आगजनी, लुटपाट र तोडफोडका सम्बन्धमा छानबिन गर्न न्यायिक जाँचबुझ आयोग बनाउने निर्णय आफू नेतृत्वको सरकारमा सहभागी हुन डा. रुइतलाई प्रधानमन्त्री कार्कीको अनुरोध लोकतन्त्र द्वन्द्वमा होइन संवादमा बलियो हुन्छः राष्ट्रपति पौडेल सहकारी ठग र गँजेडीहररूले देश चलाउन सक्दैनन : काँग्रेस नेता राठौर रमेश लेखक पुगे बयानका लागि जाँचबुझ आयोग युवाले चाहेजस्तो देश निर्माणमा अग्रसर छौँः प्रधानमन्त्री निर्वाचनको वातावरण बनेको छ : कानूनमन्त्री सिन्हा