खुल्यो जग्गा कित्ताकाट

ललितपुर । गत साउन महिनादेखि रोकिएको जग्गा कित्ताकाट तत्कालका लागि खुलेको छ । सरकारले भूउपयोग नियमावलीमा संशोधन गरेर कित्ताकाट खोल्नेलगायत व्यवस्था गरेको हो । भूमि बैंक खोल्ने व्यवस्था पनि संशोधनमार्फत नियमावलीमा गरिएको छ । संशोधनले भूमि व्यवस्थापनका पेचिला जटिलता फुकाएको छ ।

यसले सुस्ताएको घरजग्गाको कारोबारमा केही सुधार ल्याउने अपेक्षा गरिएको छ ।

भूमि व्यवस्था, सहकारी तथा गरिबी निवारण मन्त्रालयको प्रस्तावमा सोमबार बसेको मन्त्रीपरिषद्को बैठकले रोकिएको जग्गाको कित्ताकाट खुला गर्ने निर्णय गरेको हो । २०७६ सालदेखि जग्गाको कित्ताकाट खोल्ने र रोक्ने शृङ्खला चल्दै आएको थियो ।

मन्त्रालयका प्रवक्ता गणेशप्रसाद भट्टका अनुसार यो संशोधनले भूउपयोग वर्गीकरणको म्याद थप्ने व्यवस्था गरेको छ । ‘मन्त्रिपरिषद्बाट स्वीकृत नियमावलीमा भूउपयोग वर्गीकरणको म्याद आगामी असारसम्म कायम गर्ने व्यवस्था गरिएको छ,’ उनले भने, ‘यसले रोकिएको कित्ताकाट तत्कालका लागि खुलेको छ ।’

सरकारले पछिल्लोपटक गत असारसम्मका लागि भूउपयोग वर्गीकरणको म्याद कायम गरेको थियो । तर, उक्त अवधिसम्म अधिकांश स्थानीय तहले भूमि वर्गीकरण गरेनन् ।

प्रवक्ता भट्टका अनुसार गत असारसम्म २५३ वटा स्थानीय तहले मात्र जग्गा वर्गीकरण गरेका थिए । पाँच सय स्थानीय तहले वर्गीकरण गरेनन् । यसमा महानगरपालिकादेखि गाउँपालिकासम्म थिए । भूमि वर्गीकरण नगरेका स्थानीय तहको कित्ताकाट रोकिएको थियो । कित्ताकाट रोकिँदा जग्गा कारोबार सुस्ताएर त्यसबाट आर्जन हुने राजस्वसम्मै असर परेको थियो ।

सरकारले २०८१ भदौ २७ गते भूउपयोग नियमावली, २०७९ दोस्रोपटक संशोधन गर्दै जग्गा वर्गीकरण गर्न स्थानीय तहहरुलाई २०८२ असारसम्मको समय दिएको थियो । तर यो अवधिमा २५३ स्थानीय तहले मात्र वर्गीकरण सकाएको थियो ।

भूउपयोग ऐनको दफा ४ अनुसार जग्गालाई नौ प्रकारमा वर्गीकरण गरिने व्यवस्था छ । जसमा कृषि, आवासीय, व्यावसायिक, औद्योगिक, खानी तथा खनिज, वन, नदी, खोला, ताल, सिमसार, सार्वजनिक उपयोग, सांस्कृतिक तथा पुरातात्त्विक महत्वका क्षेत्र पर्छन् तर कतिपय स्थानीय तहले कृषि र गैरकृषि गरी दुई प्रकारमा मात्र जग्गाको वर्गीकरण गरेको विभागका महानिर्देशक कृष्णप्रसाद सापकोटाले जानकारी दिए।

थप समाचारहरु

कित्ताकाट रोकिँदा घरजग्गा कारोबारमा भारी गिरावट लगानी सम्मेलन : कुन-कुन कानुनमा संंशोधनका लागि गरियो सिफारिस ? यूनाइटेड अजोड इन्स्योरेन्स लिमिटेडकोे ३० औं वार्षिक साधारण सभा बजेटको जोहो नहुँदा शिक्षा पदक अलपत्र डिडिसीबाट भुक्तानी नपाएपछि सडकमा दूध पोखेर किसान आन्दोलित कर्णालीको जलविद्युत् उत्पादन क्षमता १८ हजार मेगावाट ‘देशको अर्थतन्त्र अझै पनि दबाबमुक्त छैन’ एक जना प्राविधिकको भरमा ६० वटा योजना झुलाघाट नाका मंगलबारदेखि बन्द गरिने ग्लोबल आइएमई बैंकमा स्वीस इन्भेष्टमेन्ट फन्ड फर इमर्जिङ् मार्केटको १० मिलियन अमेरिकी डलर लगानी बुधबारदेखि राजधानीमा पाँचौं राष्ट्रिय महमेला हुँदै नेपालमा प्रि–मनसुन सक्रिय, दुई हप्तासम्म लगातार पानी पर्ने सम्भावना प्रधानमन्त्री ओलीको चार दिने स्पेन भ्रमणको सम्पूर्ण तयारी पूरा  जेनजीको प्रदर्शनलाई महानगरको सहयोग, प्रदर्शनस्थलमा राखिदियो घुम्ती शौचालय त्रिभुवन विमानस्थल आज साँझसम्म बन्द रहने केही दिन मुख्य राजमार्ग नै प्रयोग गर्न सुझाव जेनजी मुभमेन्ट अलायन्सले अख्तियार प्रमुख राईसहित सम्पूर्ण आयुक्तहरूलाई तत्काल स्वेच्छिक राजीनामा दिन दियो दवाव ‘जेनजी’ आन्दोलनका घाइतेलाई ४८ लाख भैपरी खर्च निकासा