नेपाल टेलिकमले ल्यायो ‘वाइफाई ६’ प्रविधि

ललितपुर । नेपाल टेलिकमले आफ्नो फाइबर टु द होम (एफटीटीएच) सेवालाई थप गुणस्तरीय र तीव्र बनाउन अत्याधुनिक वाइफाई ६ प्रविधि सार्वजनिक गरेको छ। ग्राहकलाई उत्कृष्ट अनुभव प्रदान गर्न टेलिकमले नयाँ राउटर (सीपीई) र पहिलो पटक एक्सेस पोइन्ट (एपी) उपलब्ध गराउन लागेको हो। 

अब वाइफाई ६ प्याकेज अन्तर्गत ग्राहकले न्यूनतम १०० एमबीपीएस क्षमताको इन्टरनेट प्राप्त गर्नेछन्। टेलिकमले यसअघि वाइफाई ५ प्रविधि उपलब्ध गराउँदै आएकोमा अब नयाँ पुस्ताको वाइफाई ६ उपकरण प्रदान गर्नेछ। 

यसबाट घरका विभिन्न स्थानमा सिग्नल नपुग्ने समस्या समाधान हुनुका साथै इन्टरनेटको गति पनि स्थिर र तीव्र हुनेछ। यो प्रविधिले धेरै डिभाइसहरू एकैसाथ जोड्न, छिटो डाटा ट्रान्सफर गर्न र डिभाइसको ब्याट्री लाइफ बढाउन मद्दत गर्नेछ। साथै, यसले इन्टरनेट सेवालाई थप सुरक्षित र भरपर्दो बनाउने टेलिकमको दाबी छ।

टेलिकमले यस प्रविधि अन्तर्गत इन्डिभिजुअल र प्रिमियम गरी दुई प्रकारका प्याकेजहरू ल्याएको छ। इन्डिभिजुअल प्याकेजमा इन्टरनेट, टेलिफोन र एनटीटीभी (बेसिक वा प्रिमियम) को सुविधा रोज्न सकिनेछ। त्यस्तै, प्रिमियम प्याकेजमा उच्च गतिको इन्टरनेटका साथै टिभीका विभिन्न विकल्पहरू उपलब्ध छन्। यी सबै प्याकेजहरू १००, १५० र २०० एमबीपीएस क्षमताका हुनेछन् र यसमा मोबाइल डाटा समेत समावेश गरिएको छ।

नयाँ प्रविधिका उपकरण र प्याकेजको दररेटबारे विस्तृत जानकारी नेपाल टेलिकमको वेबसाइट वा आधिकारिक एपबाट प्राप्त गर्न सकिने प्रवक्ता रबिन्द्र मानन्धरले जानकारी दिएका छन्। थप जानकारीका लागि ग्राहकले १९८ मा कल गरेर वा नजिकैको टेलिकम कार्यालयमा सम्पर्क राख्न सक्नेछन्।

थप समाचारहरु

एनआईसी एशिया बैंक ऋणपत्र निष्काशन गर्दै सानो उमेरमा ठूलो मनः लक्ष्यजीत र समृद्धिको अनाथ बालबालिकालाई सहयोग प्रभु बैंक लिमिटेड, गण्डकी प्रदेशद्वारा लघु, साना, मझौला उद्यम तथा उपभोक्ता ऋण केन्द्रको उद्घाटन सुनको मूल्यमा सामान्य गिरावट नेपाल फाईनान्स लिमिटेडको स्वतन्त्र संचालकमा रोजिना श्रेष्ठ नियुक्त पञ्चकन्या समूहको रुपन्देहीमा निःशुल्क क्यान्सर स्क्रिनिङ शिविर वीरगञ्ज भन्सार कार्यालयको राजस्व संकलनमा वृद्धि बिचौलियाका कारण गभर्नर नियुक्तिमा ढिलाई : प्रचण्ड थकाली सेवा समितिको आयोजनामा सिड्नीमा तोरनल्ह रनिङ कप भलिबल हुने विद्या भट्टराईको राजीनामाप्रति एमाले दुई खेमामा भन्सार विधेयक पारित प्रधानमन्त्री ओलीको चार दिने स्पेन भ्रमणको सम्पूर्ण तयारी पूरा  त्रिवि उपकुलपतिमा दीपक अर्याल नियुक्त बोलबम लगायतका मौलिक परम्पराको जगेर्ना गर्न सरकार पूर्ण रूपमा प्रतिबद्ध छ : मन्त्री यादव निवर्तमान महानिरीक्षक चन्द्रकुबेरलाई उपत्यका बाहिर जान रोक आज बालाचतुर्दशीः मुलुकभरका शिवालयहरुमा छरियो शतबीच हेटौंडा बजार क्षेत्रका संरचनाहरु भग्नावशेषमा परिणत, प्रभावितलाई आवास व्यवस्थाका लागि उपमहानगरपालिकाले सहजिकरण गर्ने मधेशले पाएको अधिकारलाई सुरक्षित राख्नु नै अहिलेको चुनौती हो