महानगरको एक्सन सुरु, आजबाट काठमाडौंका सुकुम्बासी बस्ती हटाइने

ललितपुर । काठमाडौं महानगरपालिकाले आजदेखि सुकुम्बासी बस्ती हटाउन काम अगाडि बढाउने भएको छ । काठमाडौं महानगरपालिका र काठमाडौं उपत्यका विकास प्राधिकरणले आजदेखि धोबीखोला कोरिडोर लगायत उपत्यकाको नदी किनारा वरिपरि अतिक्रमित जग्गा खाली गर्न सुकुम्बासी बस्तीमा डोजर चलाउने निर्णय गरेको हो ।

महानगरपालिका र प्राधिकरणले सात दिनको म्याद राखेर कात्तिक १४ गते अतिक्रमित जग्गा खाली गर्न सार्वजनिक सूचना जारी गरेका थिए। उक्त म्याद शुक्रबार नै सकिएको छ । कात्तिक १४ गतेको सूचनामा उल्लिखित सात दिने म्याद सकिएपछि आइतबारदेखि अतिक्रमित जग्गा खाली गराउन महामनगरपालिका एक्सनमा उत्रने जानकारी महानगरका पदाधिकारीहरूले दिएका छन्।

उक्त सूचनामा ‘अतिक्रमित सार्वजनिक जग्गा र मापदण्ड विपरीतका संरचना खाली गर्नेरहटाउने निर्णय भएको जानकारी गराइन्छ’, गत कात्तिक १४ गते महानगर र प्राधिकरणले निकालेको संयुक्त सूचनामा भएिको छ, ‘स्थानीय सरकार सञ्चालन ऐन २०७४ को परिच्छेद ७ को दफा ४५ विपरीत भवनजन्य संरचना निर्माण गर्न नहुने र सोही ऐनको दफा अनुसार सार्वजनिक जग्गा तथा सम्पत्तिको संरक्षण, विकास व्यवस्थापन गर्ने जिम्मेवारी र दायित्व स्थानीय तहको भएकाले यस विपरीत भए गरेका कार्यहरू सात दिनभित्र हटाइ सहयोग गरिदिनु हुन यसै सूचनाद्वारा जानकारी गराइन्छ’ उल्लेख थियो ।

साथै सूचनामा सार्वजनिक स्थानका अतिक्रमित तथा मापदण्ड विपरीतका संरचना नहटाए कारबाही गरी खाली गरिने चेतावनी दिइएको थियो। गत असोज २ गते धोबीखोला कोरिडोरमा अतिक्रमित जग्गा खाली गर्ने विषयमा प्राधिकरण र महानगरबिच सहमति भएको थियो।

प्राधिकरणले यसअघि नै धोबिखोला कोरिडोर वरिपरि अतिक्रमित एक सय ६८ रोपनी ६ आना दुई पैसा दुई दाम सरकारी जग्गा अतिक्रमण भएको प्रारम्भिक प्रतिवेदन तयार गरिसकेको छ।

काठमाडौं उपत्यकामा २०२१, २०४२ र २०५६ सालमा नापी गरिएको थियो। त्यही बेला बिचौलियाहरूले नापीको टोलीमा खटिएका कर्मचारीलाई प्रभावमा पारेर ठाउँठाउँमा सरकारी तथा सार्वजनिक जग्गालाई व्यक्तिको नाममा लालपुर्जा समेत बाँडेका थिए।

थप समाचारहरु

आधुनिक विकास र सुविधाको खोजिमा रित्तिदै गाउँ प्रधानमन्त्री दाहाललाई प्रतिनिधिसभाबाट तेस्रो पटक विश्वासको मत सिँचाइको व्यवस्थासँगै भरतपुरका जमिन चैते धानले हराभरा अल्लो उद्योगबाट ३५ महिलालाई रोजगारी डलर अर्बपतिको सूचीमा थपिए १४१ जना जनस्तरमा पुग्ने बजेट बनाउन मन्त्री भगबती चौधरीको निर्देशन महालक्ष्मी विकास बैंकद्वारा सेयर लगानीकर्ता लक्षित नयाँ बचत खाता सञ्चालनमा ग्लोबल आइएमई बैंकले भारतमा उच्च शिक्षाका लागि जाने विद्यार्थीलाई शैक्षिक कर्जा प्रदान गर्नेे लगानी सम्मेलनले जगाएको उत्साह माउन्टेन इनर्जीले जित्यो प्राधिकरण विरुद्दको मुद्दा नारायणहिटी दरवार संग्रहालय क्षेत्रमा निषेधाज्ञा जारी साउन महिनाभित्रै वीरगञ्जमा खानेपानी आयोजनाहरूको टेण्डर आह्वान हुन्छ : मन्त्री यादव एसईईको नतिजा आज सार्वजनिक हुँदै पूर्वराष्ट्रपति भण्डारीले राज्यको तर्फबाट प्राप्त गर्दै आएको सेवा सुविधा त्यागेको पत्र गृहमन्त्रालयमा दर्ता नेपाली सेनालाई अमेरिकाले दियो एयर एम्बुलेन्स र स्काई ट्रक प्रधानमन्त्री ओलीको निजी निवासमा आगजनी मुग्लिन–नारायणगढ सडकखण्ड अझै भएन सुचारु, पहिरो हटाउने काम जारी प्रधानमन्त्री कार्कीसँग निर्वाचन आयोगका पदाधिकारीको छलफल