माघको पहिलो साताबाट ८० हजार सेना परिचालन गरिने

ललितपुर । नेपाली सेनाले आगामी फागुन २१ गते हुने प्रतिनिधिसभा सदस्य निर्वाचनका लागि निर्वाचनको एक महिना अघिबाट नै ८० हजार जनशक्ति परिचालन गर्ने तयारी गरेको छ ।

नेपाली सेनाका सहायक रथी एवम् प्रवक्ता राजाराम बस्नेतले निर्वाचनका सन्दर्भमा एकीकृत सुरक्षा योजना २०८२ अनुमोदन भई राष्ट्रपतिबाटसमेत स्वीकृत भइसकेकाले सोहीअनुसार फौज परिचालन हुने जानकारी दिएका छन्। उनले भने, “निर्वाचनका लागि एकीकृत सुुरक्षा योजनाले मार्ग निर्देशन गरेअनुरुप निर्वाचनको एक महिना अघिबाट फिल्डमा सेना परिचालन हुनेछ ।”

एकीकृत सुरक्षा योजना सरकारबाट अनुमोदन र सेनाको परिचालनका सम्बन्धमा राष्ट्रिय सुरक्षा परिषद्बाट पनि स्वीकृत भइसकेको छ । निर्वाचनका सिलसिलामा सेनाले तीन चरणमा काम गर्नेछ । निर्वाचनपूर्वको मुख्य जिम्मेवारी मतपत्र छपाइ सुरक्षादेखि महत्वपूर्ण संरचनाको सुरक्षाको जिम्मेवारी सेनाले बहन गर्नेछ ।

आगामी प्रतिनिधिसभा निर्वाचनमा नेपाल प्रहरी, सशस्त्र प्रहरी बल नेपालसँगको समन्वय र सहकार्यमा विमानस्थल, कारागारलगायत महत्वपूर्ण संरचनाको सुरक्षा जिम्मेवारी नेपाली सेनाले गर्नेछ ।

निर्वाचनका सिलसिलामा सेनाले चार वटै सुरक्षा निकाय र जिल्ला प्रशासनसँगको समन्वय, सहयोग र सहकार्यमा तल्लो तहसम्म निर्वाचनसँग सम्बन्धित एकीकृत तालिम र अभ्यास सञ्चालन गर्नेछ । निर्वाचनलाई स्वच्छ, स्वतन्त्र, निष्पक्ष र भयरहित वातावरणमा सम्पन्न गर्ने कार्यमा सहज होस् भन्ने हेतुले  उक्त तालिम र अभ्यास गरिने छ ।

मतदानका समयमा निर्वाचनस्थल र केन्द्रमा खटिने क्रममा नेपाली सेना तेस्रो घेरामा रही राजनीतिक दल, उम्मेदवार, मतदाता र निर्वाचनमा खटिएका कर्मचारीलाई सुरक्षाको पूर्ण प्रत्याभूति दिलाउने छ ।

निर्वाचनलाई लक्षित गरी सेनाले देशका विभिन्नस्थलमा सुरक्षा वेश स्थापना गर्ने तयारी गरेको छ । फागुन २१ गते मतदान सम्पन्न भएसँगै मत पेटिकाको ढुवानीदेखि मतगणनास्थलको सुरक्षालगायतका जिम्मेवारी सेनाले गर्नेछ । तोकिएको मितिमा निर्वाचन भयमुक्त वातावरणमा सम्पन्न गर्ने सिलसिलामा अहिले प्रदेशस्तरमासमेत सुरक्षा गोष्ठी सञ्चालन भइरहेका छन् ।

थप समाचारहरु

ग्लोबल मनी विकमा नबिल बैंकको देशव्यापी कार्यक्रम प्रधानमन्त्री ओली र थाइल्याण्डका समकक्षी पेटोङटार्न सिनावात्राबीच भेटवार्ता राष्ट्रिय झण्डामा आन्दोलन आवश्यक : राप्रपा निर्वाचन आयोग मतदाता नामावली अद्यावधिक गर्दै विद्या भट्टराईको राजीनामाप्रति एमाले दुई खेमामा भन्सार विधेयक पारित हिंसात्मक राजनीतिबाट एमाले पनि पीडित छ : प्रधानमन्त्री ओली कोशी प्रदेशमा तीनदिनसम्म गणतन्त्र दिवस मनाइने साउदीमा बन्धक बनाइएका नेपालीको तत्काल उद्धार गरौं : ज्ञानबहादुर शाही मुख्यसचिव ,प्रधान सेनापति सहितका सुरक्षा प्रमुखहरुले गरे संवादबाट निकास खोज्न सम्बद्ध पक्षलाई अपिल मेयर बालेनले गरे जेनजीहरूलाई संयमित हुन आग्रह – वार्ता गर्नुअघि संसद् विघटन भएको हुनुपर्ने निवर्तमान प्रधानमन्त्री केपी शर्मा ओलीविरुद्ध कर्तव्य ज्यान मुद्दामा जाहेरी आन्दोलनमा भएको हत्या, आगजनी, लुटपाट र तोडफोडका सम्बन्धमा छानबिन गर्न न्यायिक जाँचबुझ आयोग बनाउने निर्णय आफू नेतृत्वको सरकारमा सहभागी हुन डा. रुइतलाई प्रधानमन्त्री कार्कीको अनुरोध सहकारी ठग र गँजेडीहररूले देश चलाउन सक्दैनन : काँग्रेस नेता राठौर रमेश लेखक पुगे बयानका लागि जाँचबुझ आयोग युवाले चाहेजस्तो देश निर्माणमा अग्रसर छौँः प्रधानमन्त्री निर्वाचनको वातावरण बनेको छ : कानूनमन्त्री सिन्हा