सगरमाथामा फहरायो ‘लैङ्गिक हिंसाविरुद्ध’को नारासहितको ब्यानर

ललितपुर । प्रहरी प्रधान कार्यालय साइबर ब्यूरोमा कार्यरत प्रहरी सहायक निरीक्षक कुन्जाङ छोपेल शेर्पाले सर्वोच्च शिखर सगरमाथाबाट ‘लैङ्गिक हिंसाविरुद्ध’ को नारासहितको ब्यानर फहराइकी छन् ।
आज बिहान ८ बजेर ५६ मिनेटमा शिखरमा पुगेकी शेर्पाले नेपालको राष्ट्रिय झन्डा, नेपाल प्रहरी र उक्त नारासहितको ब्यानर फहराएकोे नेपाल प्रहरीले जनाएको छ ।
प्रहरी महानिरीक्षक दीपक थापाले गत चैत २५ गते शुभकामनासहित उक्त झन्डा र ब्यानर हस्तान्तरण गरेका थिए । प्रसनि शेर्पासहितको आरोहण दल गत चैत २८ गते काठमाडौँबाट सगरमाथातर्फ प्रस्थान गरेको थियो ।

यसअघि नेपाल प्रहरीको प्रतिनिधित्व गर्दै पहिलोपटक प्रहरी वरिष्ठ नायब निरीक्षक पुरुषोत्तम नेपालीले २०८० जेठ २ गते सगरमाथाको सफल आरोहण गरेका थिए । विसं २०३१ मा नेपाल प्रहरीको नौ सदस्यीय टोलीले छ हजार ९२० मिटर उचाइको टुकुचे हिमाल सफलतापूर्वक आरोहण गरेको थियो ।

साथै २०३३ असोज १६ गते नेपाल प्रहरी कर्मचारीको २७ सदस्यीय टोली र २०४१ भदौ २६ गते नेपाल प्रहरी महिला दलको ३१ सदस्यीय टोलीले छ हजार ११९ मिटरको लोबुचे हिमाल सफलातापूर्वक आरोहण गरेका थिए ।

थप समाचारहरु

देशका अधिकांश भागमा जलवाष्पयुक्त हावाको प्रभाव काठमाडौं लगायत देशका विभिन्न स्थानमा बिहानैदेखि हावाहुरी सहित वर्षा डाउन सिन्ड्रोम भएका बालबालिकाहरुका लागि नि:शुल्क शिबिर सम्पन्न नेपालीले अपेक्षा गरेको विकासको चाहनालाई पूरा गर्ने शिक्षा आवश्यकः राष्ट्रपति अमेरिकी सहायता कटौतीले एक करोड ४० लाखभन्दा बढी मानिसको मृत्यु हुनसक्छ : अध्ययन सिद्धबाबा सुरुङमार्गमा ‘इन्भर्ट’ निर्माणको काम सकियो राहुघाट नदी कटान रोक्न ‘कम्पोजिट’ प्रविधिको पर्खाल कांग्रेसले संविधान संशोधनका लागि कार्यदल गठन गर्ने मनसुन समय अगावै भित्रिदा धान रोपाइँ बढ्यो, कुन प्रदेशमा कति ? सरकारको एक वर्ष : आर्थिक क्षेत्रमा उल्लेख्य काम सिद्धबाबा सुरुङमार्गः भौतिक प्रगति ५७ प्रतिशत भरतपुर महानगरले खर्च र आम्दानी दुवै बढायो सिरहा कारागार झडपबारे प्रतिवेदन तयार सैनिक कल्याणकाली कोषको स्वर्ण जयन्ती : सामाजिक र विकासका काममा थप योगदान पुग्ने प्रधानमन्त्रीको विश्वास आज राष्ट्रिय कोदो दिवस मनाइँदै रोकिएन कालीगण्डकी दोहन गण्डकीमा आठ सय जनामा डेङ्गु सङ्क्रमण प्रचलित कानुनबमोजिम मात्रै विज्ञापन गर्न बोर्डद्वारा क्यानलाई सचेत