सांग्रिला डेभलपमेन्ट बैंकको लिलामी सेयर २ करोड ६६ लाख ४७ हजारमा बिक्रि

बिजनेसपाटी २८ चैत्र

सांग्रिला डेभलपमेन्ट बैंकले केहि दिन अगाडी लिलाम मार्फत बिक्रि गरेको शेयरबारे सर्वसाधारणलाई जानकारी दिएको छ । सांग्रिलाले चैत्र १३ गतेदेखि २० गतेसम्म (संस्थापक ३ लाख ५२ हजार ७ सय २२ दशमलव ५० कित्ता र ५ लाख ९ हजार २ सय २५ कित्ता साधारण) ९ लाख १ हजार ९ सय ९७ दशमलव ५० कित्ता शेयर लिलाममा राखेकोमा साधारणतर्फको शेयरमा कुल १२ सय २५  र संस्थापकतर्फ ७१ आवेदन परेको थियो।

साधारणतर्फको कटअफ मूल्य १ सय ४२ कायम थियो । संस्थापकतर्फ भने कटअफ मूल्य १०५ कायम  थियो । साधारणतर्फको शेयर ३२० जनाले सकार्ने मौका पाए भने संस्थापकतर्फको शेयर १ हजार २२५ बोलकबोल दाता मध्ये ३२० जनाले साधारणतर्फको शेयर सकार्ने मौका पाएका छन । संस्थापकतर्फ आबेदन दिएका ७१ मध्ये ५३ जनाले संस्थापक सेयर सकारेका छन।

लिलाम मार्फत बिक्रि भएको सेयरबाट २ करोड ६६ लाख ४७ हजार ६७९.२० रुपैयाँ प्रिमियम बैंकको खातामा जम्मा भएको बैंकले जनाएको  छ।  शेयर बाँडफाँड पश्चात बैंकको शेयर पुंजी २ अर्ब ५० करोड पुग्ने बैंकले जनाएको छ।