सालपा विकास बैंकको दोस्रो चरणको आईपीओ निष्काशन

ललितपुर । सालपा विकास बैंक लिमिटेडले आजदेखि सर्वसाधारणका लागि आईपीओ निष्काशन तथा बिक्री खुला गरेको छ । बैंकले यसअघि प्रथम चरणमा वैदेशिक रोजगारीमा रहेका नेपालीहरुका लागि निष्काशन गरेको आईपीओ बाँडफाँट गरिसकेको छ । यसपटक भने बैंकले दोस्रो चरणमा सर्वसाधारणका लागि आईपीओ निष्काशन गरेको हो ।

नेपाल धितोपत्र बोर्डबाट यसअघि बैंकले जारी पूँजी ५२ करोड २३ लाख ८८ हजार रुपैयाँको ३३ प्रतिशतले हुन आउने १७ करोड २३ लाख ८८ हजार रुपैयाँ बराबरको १७ लाख २३ हजार ८८० कित्ता आईपीओ निष्काशन गर्ने अनुमति पाएको थियो।

सोमध्ये बैंकले प्रथम चरणमा १ लाख ७२ हजार ३८८ कित्ता शेयर नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा रोजगारी गरिरहेका नेपालीहरुका लागि निष्काशन गरी बाँडफाँट गरिसकेको छ। यसका साथै बैंकले ८६ लाख १९४ कित्ता शेयर सामूहिक लगानी कोषहरुका लागि बाँडफाँट समेत गरिसकेको छ।

यसपटक भने बैंकले दोस्रो चरणमा २६ हजार ११९ कित्ता शेयर बैंकका कर्मचारीहरुलाई सुरक्षित राखी बाँकी रहने १४ करोड ३९ लाख १७ हजार ९०० रुपैयाँबराबरको प्रतिशेयर १०० रुपैयाँ अंकित मूल्यका १४ लाख ३९ हजार १७९ कित्ता शेयर सर्वसाधारण लगानीकर्ताहरुका लागि निष्काशन गरेको छ ।

उक्त आईपीओमा छिटोमा पुस २० गतेसम्म र ढिलोमा पुस ३० गतेसम्म आवेदन दिन सकिनेछ । इच्छुक लगानीकर्ताले न्यूनतम १० कित्तादेखि अधिकतम २५ हजार कित्तासम्मका लागि आवेदन दिन सक्नेछन् ।

कम्पनीको धितोपत्र निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ। लगानीकर्ताले नेपाल धितोपत्र बोर्डबाट अनुमति लिई आस्बा सेवामा सहभागी बैंक तथा वित्तीय संस्थाहरुबाट सि–आस्बा प्रणालीमार्फत आवेदन दिन सक्नेछन्। यसका साथै सिडिएस एण्ड क्लियरिङ्ग लिमिटेडबाट निर्माण गरिएको सफ्टवेयर ‘मेरो शेयर’ अनलाइन प्रयोग गरी सि–आस्बा प्रणालीमार्फत पनि आवेदन दिन सक्नेछन्।

थप समाचारहरु

पियोर इनर्जीको आईपीओमा आवेदन दिने समय सकिँदै “कम्पनीको बोर्डमा नाम लेखाउन हैन काम गरेर देखाउन आएको हु ” महाप्रबन्धक निरौला ( भिडियो ) हिमालयन बैंकलाई बोर्डले दियो एफपीओ निष्कासनको अनुमति प्रि ओपन सेसन अपडेटः नेप्से परिसूचकमा २ अंकको वृद्धि दरमखोला हाइड्रो इनर्जीको दोस्रो चरणको आईपीओमा आजदेखि आवेदन खुला दोस्रो चरणको आईपीओ निष्काशन गर्दै स्वस्तिक लघुवित्त वित्तीय संस्था सागर डिष्टिलरी दोस्रो चरणको आईपीओ निष्काशन गर्दै यस साता शेयर कारोबार नहुने सेयर बजार बुधबारदेखि खुल्ने प्रि ओपन सेसन अपडेटः करिब साढे ३४ अंक घट्यो नेप्से शेयर बजारमा अन्तिम १५ मिनेटको भारित औसत मूल्य कायम हुने व्यवस्था स्थगित प्रि ओपन सेसन अपडेटः नेप्से परिसूचक सामान्य अंकले घट्यो नेप्से परिसूचकमा दोहोरो अङ्कको सुधार प्रि ओपन सेसन अपडेटः २ अंकभन्दा बढीले बढ्यो नेप्से परिसूचक प्रि ओपन सेसन अपडेटः २ अंकभन्दा बढीले बढ्यो नेप्से परिसूचक प्रि ओपन सेसन अपडेटः नेप्से परिसूचक साढे ३ अंक बढ्यो लगातार छैटौं दिन पनि घट्यो नेप्से प्रि ओपन सेसन अपडेटः नेप्से परिसूचक सामान्य अंक बढ्यो