अब बिचौलियालाइ यातायात व्यवस्था कार्यालयमा प्रवेश निषेध

यातायात व्यवस्था कार्यालय महेन्द्रनगरले कार्यालय परिसरभित्र बिचौलियाको प्रवेश पूर्ण रूपमा निषेध गरेको छ । सेवाग्राहीलाई अनावश्यक दुःख, हैरानी तथा आर्थिक ठगी हुन थालेको गुनासो बढेपछि कार्यालयले औपचारिक सूचना जारी गर्दै यस्तो निर्णय गरेको हो ।

कार्यालयका निमित्त प्रमुख रवीन्द्र चौधरीका अनुसार केही व्यक्तिहरूले सवारीसाधनको बीमा बनाइदिने, नवीकरण गरिदिने, निरोगिता प्रमाणपत्र बनाइदिनेलगायत काम गरिदिने भन्दै सेवाग्राहीलाई प्रलोभनमा पार्ने, अतिरिक्त रकम लिने तथा हैरानी दिने गरेको जनगुनासो कार्यालयमा पटकपटक आएपछि बिचौलियालाई कार्यालय प्रवेशमा रोक लगाइएको छ ।

यस्ता गतिविधिले कार्यालयबाट प्रवाह हुने सेवामा अव्यवस्था र ढिलासुस्तीसमेत हुने गरेको उहाँको भनाइ छ । यदि कसैले यस्तो कार्य गरेको पाइएमा वा निषेध गरिएको क्षेत्रमा प्रवेश गरी सेवाग्राहीलाई दुःख दिएमा कानुनबमोजिम कारबाहीका लागि सम्बन्धित निकायमा लेखी पठाइने उहाँले उल्लेख गर्नुभयो ।

यातायात व्यवस्था कार्यालयले सेवाग्राहीलाई आफ्नो कामका लागि सिधै कार्यालयको सम्बन्धित शाखा वा कर्मचारीसँग सम्पर्क गर्न आग्रह गरेको छ । कार्यालयले कुनै पनि सेवा लिन बिचौलियाको आवश्यकता नपर्ने र तोकिएको शुल्कबाहेक अतिरिक्त रकम नतिर्न सेवाग्राहीलाई अनुरोध गरेको छ ।

सेवाग्राहीलाई सहज, छिटो र पारदर्शी सेवा उपलब्ध गराउने उद्देश्यले यस्तो कदम चालिएको निमित्त कार्यालय प्रमुख चौधरीले बताउनुभयो । उहाँले बिचौलिया नियन्त्रण भएपछि सेवाग्राहीले अनावश्यक झन्झट र अतिरिक्त खर्चबाट मुक्ति पाउने तथा सेवा प्रवाह थप व्यवस्थित हुने अपेक्षा गरिएको बताउनुभयो ।

थप समाचारहरु

कांग्रेसद्वारा प्रधानमन्त्री बालेन्द्र शाह र नयाँ मन्त्रिपरिषद्को सफल कार्यकालको शुभकामना खडकराज (गनेस) पौडेलः लेखकदेखि पर्यटनमन्त्रीसम्म पूर्वमन्त्री दीपक खड्का पक्राउ आज दिउँसो २ बजे मन्त्रिपरिषद् बैठक बस्दै अवैध लागुऔषधसहित विभिन्न स्थानबाट चौध जना पक्राउ एमाले कार्यकर्ता र प्रहरीबीच झडप, केही घाइते आजको राशिफल : २०८२ चैत १६ गते सोमबार एक करोडभन्दा बढी लगानीमा प्रभुचेला ‘योगध्यान केन्द्र’ तयार काभ्रेमा ‘बर्डफ्लु’को जोखिम हुन नदिन उच्च सतर्कता मेची राजमार्गमा पुनः पहिरो, सडक पूर्ण रूपमा अवरुद्ध पूर्वमन्त्री दीपक खड्का अस्पताल भर्ना, हिरासतबाट उपचारमा लगियो सांसद हर्क साम्पाङमाथि ज्यान मार्ने र घर जलाउने धम्की प्रधानमन्त्री शाहले सांसदहरुलाई तीनवटा कामको प्राथमिकता निर्धारण गर्न आग्रह चट्याङबाट क्षति पुगेको रसुवाको विद्युत् सेवा पुनः सञ्चालन जिप दुर्घटनामा दुई सिँचाइ कर्मचारीको मृत्यु यातायात कार्यालयबाट सात जना बिचौलिया पक्राउ भारतको औद्योगिक उत्पादन ५.२ प्रतिशतले वृद्धि चट्याङ लागेर एक जनाको मृत्यु, एक घाइते