राष्ट्र बैंकले अधिक तरलता नियन्त्रणका लागि ३० अर्ब संकलन गर्ने

बिजनेस पाटी

२०८२ माघ १८

816 views

ललितपुर – राष्ट्र बैंकले माघ १८ गते बैंक तथा वित्तीय संस्थाबाट ३० अर्ब रुपैयाँ संकलन गर्ने तयारी गरेको छ। यसका लागि दिउँसो २ बजे बोलकबोल प्रक्रिया सञ्चालन गरिने राष्ट्र बैंकले जनाएको छ ।

बोलकबोलमा सहभागी हुन इच्छुक बैंक तथा वित्तीय संस्थाले न्यूनतम १० करोड रुपैयाँ र त्यसपछिका ५ करोड रुपैयाँincrements मा प्रस्ताव गर्न सक्नेछन् । साथै, एउटै संस्था फरक–फरक ब्याजदरमा बहुबोलकबोल गर्न पनि सक्ने व्यवस्था गरिएको छ ।

यस निक्षेप संकलन प्रक्रियामा ‘क ख र ग’ वर्गका बैंक तथा वित्तीय संस्था मात्र सहभागी हुन पाउनेछन्। ५२ दिन अवधि हुने यस निक्षेप संकलन उपकरणको मूलधन तथा ब्याज चैत ११ गते भुक्तानी गरिनेछ ।

हाल, कर्जा माग कमजोर हुँदा बैंकिङ प्रणालीमा तरलता सहज अवस्थामा रहेको छ । यसले बैंक तथा वित्तीय संस्थालाई कम ब्याजदरमै केन्द्रीय बैंकमा रकम राख्न बाध्य बनाएको छ र अल्पकालीन रूपमा सेयर बजार तथा ब्याजदरमा असर पर्न सक्ने अनुमान गरिएको छ ।

थप समाचारहरु

फेसबुकबाट तपाईको प्रतिक्रिया