नाबालिकामाथि यातनाको आरोपमा एमाले सांसद रेखा शर्मा पक्राउ

नेकपा (एमाले)बाट लुम्बिनी प्रदेशसभा सदस्य बनेकी रेखा शर्मा १४ वर्षीया नाबालिकालाई घरेलु कामदारका रूपमा राखी लामो समयसम्म शोषण र यातना दिएको आरोपमा पक्राउ परेकी छन् ।

प्रहरीका अनुसार दाङकी समानुपातिक सांसद शर्मा काठमाडौंको धुम्बाराहीस्थित घरमा बस्दै आएकी थिइन् र त्यहीँ उनले बालिकालाई करिब ६ वर्षदेखि श्रमिकका रूपमा काममा लगाउने तथा दुर्व्यवहार गर्ने गरेको आरोप छ ।

यो विषयमा डेढ वर्षअघि नै काठमाडौं महानगरपालिकाले बालिकाको उद्धार गरी जिल्ला प्रहरी परिसर, काठमाडौंमा जाहेरी दिएको थियो । उद्धारका क्रममा बालिकाले आफूलाई लाठी, पाइप र हातले कुटपिट गर्दै शारीरिक तथा मानसिक यातना दिइएको बताएकी थिइन् ।

उक्त जाहेरीपछि पक्राउ हुनसक्ने आशंकामा शर्माले उच्च अदालत पाटनमा निषेधाज्ञाको रिट दायर गरेकी थिइन्, जसमा अदालतले तत्कालका लागि पक्राउ नगर्न अन्तरिम आदेश दिएको थियो ।

यस प्रकरणमा अनुसन्धान सुस्त भएको भन्दै त्यसबेला काठमाडौं महानगरपालिकाका प्रमुख रहेका हालका प्रधानमन्त्री बालेन्द्र (बालेन) शाहले सामाजिक सञ्जालमार्फत पीडितलाई न्याय दिलाउने प्रतिबद्धता जनाएका थिए ।

अन्ततः आइतबार राति प्रहरीको अपराध अनुसन्धान टोलीले शर्मालाई काठमाडौंबाट पक्राउ गरेको हो ।

कानुनअनुसार नाबालकलाई घरेलु श्रमिकका रूपमा राख्नु, जबरजस्ती काममा लगाउनु तथा यातना दिनु दण्डनीय अपराध हो, जसमा कैद र जरिवानाको व्यवस्था रहेको छ ।

लुम्बिनी प्रदेशसभाका अधिकारीहरूका अनुसार सांसद पक्राउ परेसँगै उनको पद निलम्बन हुने प्रक्रिया अघि बढ्ने छ ।

थप समाचारहरु

एशियाली अर्थतन्त्र तीव्र गतिमा विस्तार, विश्वमा प्रभाव बढ्दो ४८ औँ नेत्रज्योति दिवस : नेपालको आँखा उपचार सेवा र नेपाल नेत्रज्योति सङ्घ जेन–जी आन्दोलनमा जलेका ८ हजारको नयाँ श्रेस्ता कायम छिनछिनमा विद्युत् आपूर्ति अवरुद्ध हुने समस्यामा सुधार दाङमा मोटरसाइकल दुर्घटना, एक जनाको मृत्यु भिरबाट लडेर वडासदस्यको मृत्यु प्रादेशिक स्वास्थ्य निकायमा कडा निगरानी, काम नगर्ने विरुद्ध कारबाही अमेरिका मध्यपूर्वमा आफ्नो सैन्य उपस्थिति बढाउँदै गायिका कोमल वलीका पिता ललितबहादुर वलीको निधन इरानी विद्यालय विस्फोटमा दोषीलाई कारबाहीको माग दाउन्नेमा सवारी दुर्घटना हुँदा तीन जनाको मृत्यु, १५ जना घाइते बाढीले बगाएर एक कर्मचारीको मृत्यु, विपी राजमार्ग खुलाउने प्रयास योजना अधिकृत हमालको लेक लागेर मृत्यु कुहिएका अवस्थामा थिङको शव भेटियो पहिरोले मेची राजमार्ग अवरुद्ध विषादी प्रयोगमा सावधानी नअपनाउँदा क्यान्सर र मिर्गौला रोगी बढ्दै मोटरसाइकल दुर्घटनामा युवकको मृत्यु