गायक प्रेमराजको देश भक्तिगान ‘तिम्रो माया थोरै भयो’ आउने

बिजनेसपाटी ३ असार ।
बारा जिल्ला निवासी उदयीमन गायक प्रेमराज पाण्डेले छिट्टै आफनो राष्ट्र भक्तिले ओतप्रोत गीत बजारमा ल्याउने भएका छन् । ‘तिम्रो माया थोरै भयो’ भन्ने बोलको उनको त्यस गीत छिटै बजारमा आउने गायक प्रेमराजले बिजनेसपाटी डटकमलाई बताए ।
गीतकार पुरुषोत्तम बस्नेतको शब्द, पुस्तक प्रसाद गौतमको संगीत र ऋधम कडेलको एरेन्जमा तयार गरिएको यस गीतका लागि अथक मिहिनत गरिएको गायक प्रेमराजले बताए । क्याम्पस म्युजिकले गीत बजारमा ल्याउन लागेको हो । गीतले राष्टभक्ति र भावनाको प्रर्वद्धन गरेको गायक पाण्डेले बताए । भिडियो समेत तयार हुदै गरेको गीत छिट्टै बजारमा आउने उनले बताए ।