चन्द्रमामा बिरुवा उमार्दै वैज्ञानिकहरू

सिड्नी २३ असोज २०७९।

अष्ट्रेलियाका वैज्ञानिकहरूले शुक्रबार अनावरण गरेको नयाँ मिसनमा २०२५ सम्ममा चन्द्रमामा बिरुवाहरू उमार्ने प्रयास गरिरहेका छन्, जुन उनीहरूले भविष्यको उपनिवेशका लागि मार्ग प्रशस्त गर्न मद्धत गर्न सक्ने बताइएको छ । क्वीन्सल्याण्ड युनिभर्सिटी अफ टेक्नोलोजीका वनस्पति विज्ञ ब्रेट विलियम्सले निजी इजरायली चन्द्र अभियानअन्तर्गतको बेरेशिट दुई अन्तरिक्ष यानले बिउ बोक्न बताउनुभएको छ ।

यान अवतरणपछि सिल गरिएको कक्षभित्र बिउलाई पानी दिइनेछ । बिज अंकुरण र वृद्धिको संकेतबारे निरन्तर निगरानी गरिनेछ । चरम परिस्थिति राम्रोसँग सामना गर्न सक्ने र चाँडो अंकुरण हुने विरुवा छनोट गरिने उहाँले बताउनुभयो । एउटा सम्भावित छनोट भनेको अष्ट्रेलियाको ‘पुनरुत्थान घाँस’ हो जुन निष्क्रिय अवस्थामा पानीबिना बाँच्न सक्छ । एजेन्सी ।