प्रजातन्त्र दिवसमा टेलिकमको अफर

काठमाडौं ६ फागुन ।

नेपाल टेलिकमले प्रजातन्त्र दिवसको अवसर पारेर  ‘फ्रिडम प्याक’ अफर ल्याएको छ। 

जीएसएम र सीडीएमए मोबाइलका ग्राहकहरुले अफरबाट फाइदा लिन सक्ने टेलिकमले जनाएको छ । यस अफर अन्तर्गत फ्रिडम प्याक लिएको समयबाट एक घण्टासम्म अनलिमिटेड उपयोग गर्न सकिने टेलिकमदवारा जारी प्रेस बिज्ञप्तीमा उल्लेख छ।

जीएसएम तथा सीडीएमएका ग्राहकले प्याक खरिद गरे पछि ६० मिनेटसम्म कम्पनीको नेटवर्कभित्र अनलिमिटेड कल गर्न, एसएमएस पठाउन र डाटा चलाउन सक्ने  बताइएको छ । प्याकको  २५ रुपैयाँ पर्ने पनि बिज्ञप्तीमा उल्लेख छ ।

उक्त प्याक आजदेखि देखि आगामी मंगलबारसम्म खरिद गर्न सकिने छ ।