प्रधानमन्त्रीले भाइटीकामा बहिनीलाई बालुवाटार बोलाए तर टिका लगाएनन्

काठमाडौ १६ कार्तिक

यसपालीको तिहारमा पनि प्रधानमन्त्री पुष्पकमल दाहालले  टीका लगाएनन् । उनले आफ्ना बहिनीसँग विगत २३ वर्षदेखि टिका लगाएका छैनन् । २०५२ सालमा सशस्त्र युद्ध सुरु गरेसँग दाहालले तिहारमा टीका लगाउन छोडेका हुन् । टीका नलगाएपनि उनले आफ्ना पाँच बहिनीलाई भेटघाटका लागि भाटिकाका दिन बालुवाटार बोलाए । त्यस्तै दाहालले दसैंमा पनि टीका लगाएनन् । तर दाहालका पाँच बहिनीले उनका भाइ गंगाराम दाहालसँग भने टीका लगाउने गरेका छन् ।

बहिनि अप्सराले प्रधानमन्त्री प्रचण्डको इच्छा नै आफूहरुको खुशी भएको बताइन्। उनले भनिन्, ‘दाइको इच्छा नै हाम्रो खुशी हो।’ दाइले टीका लगाउनैपर्छ भन्ने दिदीबहिनीको जिकिर नभएको उनले प्रष्ट पारिन्।