फाल्गुन महिनामा चन्द्रागिरीको यस्तो छ विशेष अफर

बिजनेसपाटी २७ माघ
फागुन महिनामा घुम्न आउने दर्शनार्थीहरुको लागि चन्द्रागिरी केवलकारले विशेष अफर ल्याएको छ । केबलकारले फाल्गुण महिनामा हप्ताको ४ दिन टिकटमा ५० प्रतिशत छुटको व्यवस्था गरेको छ । चन्द्रागिरी हिल्सका अनुसार फागुनको सोमबार, मंगलबार, बुधबार र बिहीबार आउने दर्शनार्थीको लागि सो छुट दिइने छ । पहिला आउने २ सय दर्शनार्थीका लागि सो छुट उपलब्ध गराइनेछ ।

चन्द्रागिरी हिल्सद्वारा संचालित चन्द्रागिरी केबलकारको सो छुट व्यवस्था अनुसार ७ सय रुपैयाँ पर्ने केबलकार टिकट ३ सय ५० रुपैयाँमा पाइनेछ । कम्पनीको थानकोटस्थित टिकट काउन्टरबाट मात्रै यस सुविधा अन्तर्गतको टिकट पाइने कम्पनीको बिज्ञप्तिमा उलेख्य छ ।