वित्तीय साक्षरता कार्यक्रय गरी सनराइज बैंकले मनायो ‘ग्लोबल मनी वीक’
![](https://i0.wp.com/businesspati.com/wp-content/uploads/2023/03/bitiya-sakxarata.jpg?fit=711%2C368&ssl=1)
काठमाडौं १४ चैत्र २०७९।
सनरााइज बैंकले पूर्वको तेह्रथुम देखि पश्चिमको दार्चुलासम्म एक सय वटा वित्तीय साक्षरता कार्यक्रम गरी ग्लोबल मनि विक मनाएको छ ।
बैंकले देशभरिका शाखा र सामाजिक संजाल मार्फत विभिन्न कार्यक्रम र सूचना प्रवाह गरी सफलताको साथ कार्यक्रम गरेको बैंकले जनाएको छ । बैंकले बैंकिङ्ग सेवा, बचत, ऋण, विद्युतिय बैंकिङ्ग सेवा र यसमा अपनाउनु पर्ने सावधानी लगायतका विषयलाई समावेश गरी देशभरीका विभिन्न १०० स्थानका युवालाई समेटेर वित्तीय साक्षरता कार्यक्रम आयोजना गरेको जनाइएको छ ।
कार्यक्रमले युवाहरुमा वित्तीय साक्षरताको अभिवृद्घि, वित्तिय निर्णय गर्ने क्षमताको विकास, सानै देखि बचत गर्ने बानी, बैंकिङ्ग सेवा सुविधाको सही उपयोगिता, बैंकिङ्ग विवरण अरुलाई दिदाँँ हुन सक्ने झमेला र ठगी लगायतका विषयको संचेतनाले उनीहरु र उनीहरुसँग जोडिएका परिवारको आर्थिक समृद्घिमा योगदान पुर्याउने बैंकको भनाइ छ ।
फेसबुकबाट तपाईको प्रतिक्रिया