इमाडोलमा ‘राष्ट्रब्यापी प्रणामी कप फुटसल’ प्रतियोगिता सम्पन्न

बिजनेसपाटी २१ अशोज ।

बिजया दशमी तथा शुभ दिपावलीको पावन अवसरमा शनिवार इमाडोलमा श्रीकृष्ण प्रणामी युवा परिषदको ‘राष्ट्रब्यापी प्रणामी कप फुटसल’ प्रतियोगिता सम्पन्न भएको छ । श्रीकृष्ण प्रणामी युवा परिषद नेपाल (प्रारम्भीक समिति इमाडोल ) को आयोजना तथा श्रीकृष्ण प्रणामी युवा परिषद नेपाल जिल्ला समिति ललितपुरको सहकार्यमा आयोजित सो प्रतियागितामा देशभरका २८ ओटा टीमले सहभागिता जनाएका थिए । प्रतियोगितामा श्रीकृष्ण प्रणामी युवा परिषद ताप्लेजुङ प्रथम भएको छ भने लामाटार श्रीकृष्ण प्रणामी प्रारम्भीक समिति दोश्रो र काभ्रे युवा परिषद तेश्रो हुन सफल भएको छ । बिजेता टीमहरुलाई नगद, सिल तथा प्रमाणपत्र सहित सम्मान गरिएको थियो ।

त्यसैगरी सहभागी सबैलाई प्रमाणपत्र प्रदान गरिएको थियो ।
देशभरका प्रणामी युवाहरुलाई आम युवाहरुबीच आपसी भाइचारा र सदभाव अभिबृद्धि गर्ने उदेश्य सहित आयोजना गरिएको एक दिवसिय सो प्रतियोगिताको उद्घाटन महालक्ष्मी नगरपालिकाका प्रमुख रामेश्वर श्रोष्ठले गरेका थिए । उदघाटन कार्यक्रममा नगर उपप्रमुख निर्मला थापा, श्रीकृष्ण प्रणामी युवा परिषदका केन्द्रिय अध्यक्ष नवराज ढकाल, श्रीकृष्ण प्रणामी सेवा समितिका केन्द्रिय अध्यक्ष श्याम केसी, युवा परिषदका मातृका प्याकुरेल, खील प्रसाद घिमिरे र भोलानाथ दहाल अतिथिको रुपमा उपस्थीत थिए । उद्घाटन कार्यक्रममा श्रीकृष्ण प्रणामी युवा परिषदका ललितपुर अध्यक्ष दिपक कार्कीले स्वागत मन्तब्य राखेका थिए । प्रतियोगिता सोचे जस्तै भब्य र सब्य रुपमा सम्पन्न भएको दिपक कार्कीले बिजनेसपाटी डटकमलाई बताए ।